Êsêkiên 5:15 - Sơ̆p Hlabơar Nơ̆r 'Bok Kei-Dei

¹⁵ Ih gô jing tơmam đe pơjăm, đe che bơle hiĕk ăr, pơm kơ lu dêh char jum dăr kơ ih hli tơrơ, mưh Inh đei hil mĭl. Păng phak bơtho trăp tơpă. Inh boih Kră Yang mă đei khan thoi noh!

Êsêkiên 5:15 ပူးပေါင်းရင်းမြစ်များ

I Pot 9:7

lei Inh gô pơpuh tơweh lu sư đơ̆ng dêh char mă Inh ăn bơih kơ lu sư oei; klaih kơ noh inh gô pơrăm hŭt lê̆ Hnam akŭm 'lơ̆ng rơgoh mă Inh 'măn anăn Inh, păng lu bơngai Isơrael đe gô pơrăm che bơle hiĕk achơ̆ kơ lu sư 'bơ̆t anăp kon bơngai lăm teh đak 'nâu.

II Ho 29:8

Thoi ei na Kră Yang hil mĭl kơ lu bơngai Juđa păng kon pơlei Jêrusalem, Sư pơm ăn kơ đe hli tơrơ păng ăn kơ đe hiĕk ăr, thoi lu iĕm đei 'bôh tơm măt boih.

Horiso 39:11

Kơplah Ih teh bơtho lu kon bơngai yua kơ tơdrong kơnê̆ lu sư. Na Ih pơm ăn tơdrong lu sư 'maih wă huach thoi bŭk răm. Sĭt tơpă, rim 'nu thoi kial dui jơhngơ̆m. Sêla

Horiso 79:4

Lu nhôn jing bơngai pơm pơhiĕk ăn kơ rông 'bôt. Jing bơngai lu dêh char tăp dăr đe che bơle păng pơjăm.

Êsai 26:9

Kơmăng bơhngol inh rơhing kơ Ih, pơgê lăm jơhngơ̆m inh hơpơi wă chă Ih dêh, mưh Ih sek tơlang tơ ala teh, kon bơngai oei lăm teh đak gô băt tơdrong 'lơ̆ng tơpăt.

Êsai 43:28

Yua kơ noh na Inh gô pơm kơ lu 'bok soi tơm iĕm oei lăm anih 'lơ̆ng rơgoh gô mơlâu, Inh gô ăn kơ đe pơrăm Jakôp păng pơjăm lu bơngai Isơrael.

Je 23:40

Inh gô ăn kơ iĕm mơlâu kơ đe ling-lang hlŏng hloi, ưh kơ đei bu gơh hiơt.”

Je 29:18

Inh gô ăn đao gưm, pơngot rơwĕt păng jĭ hơbuh druh pơrăm lu sư, đe gô puh lê̆ lu sư tơ to tơ âu. Tơ jơ̆p-jang kơ dêh char lăm teh đak âu, lăng krưp, lu sư pŭ hơngiap đe blei hiap, đe che bơle, đe pơjăm pơjuă lu sư tơ rim adrĕch adrung mă Inh đei pơpuh lê̆ lu sư tơ noh.”

Nhom 2:15

Lu bơngai yak rok trong 'bôh iĕm lu sư tap ti, Hiĕk ăr tơtreh kơ̆l, Yua kơ 'bôh kon adruh Jêrusalem, Hăm trŏ kơ 'nâu pơlei tih mă đe khan pơlei tih pơlei 'lơ̆ng rŏ, đei chơt hiôk kơjăp kơ teh đak?

Nhom 2:16

Dôm lu ayăt kơ iĕm ha 'bơ̆r khan kơ iĕm, Hiĕk achơ̆, kăp hơnĕnh, thoi âu: Lu bơ̆n luăn lê̆ sư boih! 'Nâu trŏ boih năr mă lu bơ̆n chang gô,

Êsêkiên 11:9

Inh gô pơpuh lê̆ lu iĕm lĕch đơ̆ng pơlei âu, gô pơjao lu iĕm lăm tơpang ti lu bơngai tơmoi păng sek phak lu iĕm.

Êsêkiên 14:8

Inh gô blah plơ̆ bơngai noh, wă pơm kơ sư jing tơdra, minh tơdrong wă kơ đe đei nơ̆r hơmoch. Inh gô pơpuh lê̆ lu sư đơ̆ng kon pơlei Inh. Na lu iĕm gô băt Inh boih Kră Yang.

Êsêkiên 16:41

Lu sư gô iŏk ŭnh soh hnam ih, phak pơmat ih 'bơ̆t anăp lu drŏ-kăn. Inh gô pơm kơ ih pă đei pơm pơyô kư̆ kă dơ̆ng păng ih ưh pă chă apah đe dơ̆ng.

Êsêkiên 16:57

adrol kơ tơdrong kơnê̆ ih đe 'bôh bơih. Dang ei đei nơ̆r đe chrih kơ ih đơ̆ng lăm lu kon drŏ-kăn Êđôm hăm đĭ-đăng tơring sư, lu kon drŏ-kăn Philistin jum dăr ih, lu sư pơjăm ih tôm tơdrong.

Êsêkiên 22:4

Ih pơm yoch boih tuh pham pơlôch đe păng pơm lu rup yang pơ'mê̆ kơdih akâu. Thoi noh năr ih wă truh boih păng sơnăm ih jê̆ tôch boih. Lei na Inh pơm kơ ih mơlâu kơ lu kon pơlei đe che bơle tơ jơ̆p dêh char.

Êsêkiên 23:32

Kră Yang khan thoi âu: “Ih gô nhă pơnhan mŏ ih; pơnhan jrŭ păng să, ih gô jing bơngai đe hiĕk che bơle păng pơjăm yua kơ pơnhan noh mong lơ.

Êsêkiên 25:17

Inh gô phak pơrăm hăm tơdrong hil mĭl tih, mưh Inh pơm mong blah lu sư, na lu sư gô băt Inh boih Kră Yang.”

Êsêkiên 30:19

Inh gô phak char Êyiptơ păng lu sư gô băt Inh boih Kră Yang.

Êsêkiên 5:16

Layơ Inh prah 'brơ̆m tơdrong pơngot rơwĕt păng tơdrong lôch rŭng, wă prah pơrăm lu bơngai mă trŏ kơ pơlôch; Inh prah wă pơrăm ih, Inh gô pơthim tơdrong pơngot rơwĕt kơ ih păng gô pơrăm lê̆ trong tơmam sa ih.

Êsêkiên 5:8

Na, Kră Yang Tih Hloh khan: “Âu, Inh kơdih akâu Inh blah ih păng Inh gô phak ih 'bơ̆t anăp lu dêh char.

Lêwi 26:32

Inh gô pơrăm char iĕm, dĭng lu ayăt oei lăm noh lăng 'bôh 'băi hlĭch kơ tơdrong noh.

Na 1:2

Kră Yang jơ̆ 'Bok Kei-Dei gar păng pơm 'mong; Kră Yang pơm tơwih păng 'bĕnh kơ tơdrong hil mĭl. Kră Yang pơm 'mong kơ bu mă blah Sư păng hil kơ lu đe bu mă ayăt kơ Sư.

I Kor 10:11

Đe chih roi dôm tơdrong lu yă 'bok bơ̆n pơm ưh kơ lăp kơ 'Bok Kei-Dei, na 'Bok Kei-Dei pơrăm lu sư dang noh sơ̆, 'Bok Kei-Dei Sư wă kơ lu bơ̆n mă kon sâu se lu sư mă hơtuch dang ei băt kơ hli, huay pă pơm kơnê̆, thoi lu yă 'bok bơ̆n mă pơm kơnê̆ kơ 'Bok Kei-Dei sơ̆.

Both 28:37

Lăm lu adrĕch adrung mă Kră Yang puh iĕm truh tơ yơ, đĭ-đăng kon pơlei tơ noh hli tơrơ, 'bôh tơdrong pơmat-tat lu iĕm. Lu iĕm jing bơngai pơm kơ đe pơjăm hiĕk ăr.

Both 28:46

Lu tơdrong hiap pơtê̆ 'nâu gô oei đom tơ lăm akâu jăn păng oei tơ lăm adrĕch adrung iĕm nhen thoi tơdra tơ'blŏk trăp, ling-lang hlŏng hloi.