Êsêkiên 5:14 - Sơ̆p Hlabơar Nơ̆r 'Bok Kei-Dei

¹⁴ Inh gô pơm kơ ih pơchah pơchek păng đe che bơle lăm teh đak jum dăr păng 'bơ̆t anăp lu bơngai chă yak brih găn.

Êsêkiên 5:14 ပူးပေါင်းရင်းမြစ်များ

Ne 2:17

Na inh khan kơ lu sư thoi âu: “Lu iĕm athei lăng tơdrong anat anot kơ lu bơ̆n dang ei; pơlei Jêrusalem đe phă pơrăm păng lu 'măng jang ŭnh kư̆m sa đĭ boih. Bĕ lu bơ̆n pơdơ̆ng man ming dur pơlei Jêrusalem dơ̆ng, wă kơ lu bơ̆n huay pă kơ mơlâu kơ đe.”

Je 19:8

Inh gô pơm kơ pơlei âu jing juơ; ăn kơ đe gô che bơle; bơngai bu yak rok noh gô lăng krưp păng hiĕk kơ tơdrong răm noh.

Je 23:40

Inh gô ăn kơ iĕm mơlâu kơ đe ling-lang hlŏng hloi, ưh kơ đei bu gơh hiơt.”

Je 42:18

'Nâu Kră Yang Tih Hloh, 'Bok Kei-Dei Isơrael khan: “Thoi Inh tuh boih tơdrong Inh hil mĭl tơ lăm lu kon pơlei lăm Jêrusalem thoi yơ, Inh gô tuh tơdrong Inh hil mĭl tơ lu bơngai bu mă năm oei tơ dêh char Êyiptơ kư̆m thoi noh. Đe gô blei hiap, đe lăng 'brơ̆, đe hiĕk achơ̆; lu iĕm ưh pă đei layơ 'bôh anih âu dơ̆ng.

Nhom 1:4

Lu trong năm tơ pơlei Siôn bơsĕl, yua kơ ưh kơ đei bu năm ngôi lăm năr giĕng tih. Rim 'măng jang đĭ juơ; lu 'bok soi tơtok tơtăm; Lu adruh hle pơmat-tat, lu sư bơih wă pŭ iŏk pơmat-tat dêh.

Nhom 1:8

Jêrusalem pơm yoch tih, yua kơ 'noh na mă jing kơnê̆ 'mê̆ brư̆. Dôm lu bơngai mă juăt kơ pơyom kơ sư dang ei pă đei boih, Yua kơ 'bôh sư hang-hông. Kơdih kâu lu sư tơtok, na kơdŭn tơ rŏng.

Nhom 5:18

Yua kơ kông Siôn jing juơ rơhiăng, Kŏ bri yak rok noh.

Êsêkiên 12:20

Lu pơlei gô đei lơ bơngai đe pơlôch pơrăm, na teh đak jing juơ rơhiăng, na lu sư gô băt inh boih Kră Yang.’ ”

Êsêkiên 16:57

adrol kơ tơdrong kơnê̆ ih đe 'bôh bơih. Dang ei đei nơ̆r đe chrih kơ ih đơ̆ng lăm lu kon drŏ-kăn Êđôm hăm đĭ-đăng tơring sư, lu kon drŏ-kăn Philistin jum dăr ih, lu sư pơjăm ih tôm tơdrong.

Êsêkiên 22:4

Ih pơm yoch boih tuh pham pơlôch đe păng pơm lu rup yang pơ'mê̆ kơdih akâu. Thoi noh năr ih wă truh boih păng sơnăm ih jê̆ tôch boih. Lei na Inh pơm kơ ih mơlâu kơ lu kon pơlei đe che bơle tơ jơ̆p dêh char.

Êsêkiên 23:32

Kră Yang khan thoi âu: “Ih gô nhă pơnhan mŏ ih; pơnhan jrŭ păng să, ih gô jing bơngai đe hiĕk che bơle păng pơjăm yua kơ pơnhan noh mong lơ.

Êsêkiên 33:28

Inh gô pơm kơ char âu jing juơ tơtŭng pơchah pơchek, tơdrong pơang lu sư gô tôch; kông Isơrael jing juơ pă đei bu oei yak trong noh.

Êsêkiên 36:34

Anih lê̆ bri gô choh pơtăm dơ̆ng, ưh pă lê̆ thoi adrol sơ̆ 'bơ̆t anăp lu bơngai rok găn.

Êsêkiên 6:6

Mă anih ayơ lu iĕm oei, mă pơlei lu iĕm oei kư̆m gô pơrăm, lu anih kơjung lu iĕm juăt kơkuh gô păk. Chơnang soi kư̆m gô pơrăm pă đei, rup yang lu iĕm kư̆m teh pơchah ưh pă đei, gơ̆ng lu iĕm kơkuh kơ rup yang măt 'năr pơchah hơlih, dôm tơdrong jang lu iĕm pơm gô răm đĭ.

Da 9:16

Ơ! Kră Yang 'Bok Kei-Dei, kư̆ kiơ̆ tơdrong tơpăt Ih, inh apinh Ih pơm kơ tơdrong Ih hil weh đơ̆ng pơlei Jêrusalem Ih, wă khan kông rơgoh Ih; yua kơ tơdrong yoch lu nhôn păng tơdrong kơnê̆ lu 'bok yă nhôn, na mă pơlei Jêrusalem păng kon pơlei pơla sư pŭ iŏk tơdrong pơ'brơh đơ̆ng lu bơngai oei tăp dăr kơ lu nhôn.

Mi 3:12

Thoi noh yua kơ lu iĕm, Siôn đe gô choh rơuơ thoi chŭn. Jêrusalem gô pơchah pơchek jing rơ̆m rĕk kông hnam yang jing thoi bri brah!

Both 28:37

Lăm lu adrĕch adrung mă Kră Yang puh iĕm truh tơ yơ, đĭ-đăng kon pơlei tơ noh hli tơrơ, 'bôh tơdrong pơmat-tat lu iĕm. Lu iĕm jing bơngai pơm kơ đe pơjăm hiĕk ăr.