Êsêkiên 5:12 - Sơ̆p Hlabơar Nơ̆r 'Bok Kei-Dei

¹² Minh lăm pêng lăm lu khŭl ih gô lôch hơbuh păng gô lôch kơ pơngot rơwĕt minh lăm pêng gô pơ̆k lôch kơ đao hơlă tăp dăr kơ ih; mă minh lăm pêng dơ̆ng Inh gô pơm kơ lu sư tơklah tơklang tơ jơ̆p-jang kơ teh păng Inh gô toh đao druh 'moi lu sư.

Êsêkiên 5:12 ပူးပေါင်းရင်းမြစ်များ

Êsai 1:24

Thoi noh bơih na Kră Yang Tih Hloh, Tơ'ngla Mơsêh Mơyang lu bơngai Isơrael khan: “Âu! Inh gô tuh tơdrong hil tơ lu bơngai blah Inh păng pơm 'mong kơ lu bơngai ayăt kơ Inh!

Je 13:24

“Inh gô pơpuh pơđông lu iĕm thoi kial bah đơ̆ng char glă pơđông hơkam 'ba.

Je 14:12

Mă khan lu sư ơ̆t kơ sŏng sa, Inh ưh kơ đei mơ̆ng nơ̆r lu sư krao khan ôh, mă khan lu sư pơyơ̆r tơmam soi 'buh dah tơmam soi phe 'ba, Inh ưh kơ iŏk ôh; mă-lei Inh gô pơrăm lu sư hăm đao gưm, hăm tơdrong pơngot rơwĕt păng hăm tơdrong jĭ hơpoh.”

Je 15:2

Tơdah lu sư apinh ih: ‘Lu nhôn gô năm tơ yơ?’ Ih khan kơ lu sư: 'Nâu Kră Yang khan: “Bu Inh pơkă ăn kơ sư lôch kơ hơbuh, gô chu lôch kơ hơbuh, Bu Inh pơkă wă pơlôch hăm đao gưm, gô lôch kơ đao gưm. Bu Inh pơkă wă ăn kơ sư lôch pơngot rơwĕt, gô lôch kơ pơngot rơwĕt. Bu Inh pơkă wă ăn pơm bơnă, sư gô pơm bơnă.”

Je 15:9

Minh 'nu mĕ tơpŭ kơ tơpơh 'nu kon, sư gô hơngơ̆t păng dui jơhngơ̆m, dĕnh Măt 'năr sư gô jing măng mu kơplah 'năr dơ̆ng, sư gô kơdơ̆ mơlâu. Lu bơngai mă oei arih Inh gô jao kơ lu ayăt pơlôch hăm đao gưm, noh Kră Yang khan.

Je 21:9

Bơngai bu mă oei oei lăm pơlei âu sư gô lôch kơ đao gưm, lôch kơ pơngot rơwĕt, lôch kơ jĭ hơbuh, mă-lei bu kơdâu lĕch yơ̆r ti tơkan tơ bơngai Kalđê mă oei wang iĕm gô arih, kư̆m gô pơklaih akâu sư kơdih.

Je 24:10

Inh gô ăn kơ lu sư lôch kơ đao gưm, lôch kơ pơngot rơwĕt, lôch hơbuh, pơrăm pơlôch pơgoh lu sư đơ̆ng lăm teh mă Inh đei ăn kơ lu sư păng lu 'bok yă lu sư sơ̆.”

Je 42:22

Na dang ei lu iĕm athei băt lu iĕm gô lôch kơ đao gưm, lôch kơ pơngot rơwĕt, lôch hơbuh, tơ lăm anih dêh char mă lu iĕm 'maih năm oei noh.

Je 44:27

'Nâu, dang ei Inh răp lăng, wă ăn tơdrong pơmat truh tơ lu sư, ưh kơ trŏ ăn tơdrong pŭn hiôk ôh; đĭ lu bơngai Juđa mă oei lăm dêh char Êyiptơ gô lôch kơ đao gưm pơngot rơwĕt.

Je 9:15

Thoi noh Kră Yang Tih Hloh 'Bok Kei-Dei lu bơngai Isơrael khan: “'Nâu Inh gô 'me rong kon pơlei 'nâu hăm 'long tăng păng ăn kơ lu sư nhă đak hơkăm bơnhŭl.

Je 9:16

Inh gô pơpuh lu sư tơklah tơklang năm tơ jơ̆p-jang kơ adrĕch adrung kon bơngai, mă lu sư dah 'bok yă lu sư tam biơh băt, Inh gô ăn kơ đe druh pơlôch lu sư hăm đao gưm, dĭng Inh pơrăm đĭ lu sư.”

Êsêkiên 12:14

Lu bơngai oei jum dăr kơ sư păng lu linh sư, inh gô pơm kơ lu sư tơklah tơklang jơ̆p kơ puăn pah, păng Inh gô chĕp đao druh 'moi lu sư.

Êsêkiên 14:17

Dah mă Inh ăn đei tơdrong tơblah hăm char noh păng khan: ‘Athei ăn kơ đe iŏk đao hơlă tơblah lăm char’ păng pơlôch pơrăm đĭ kon bơngai păng lu sem dơrong,

Êsêkiên 14:19

Dah Inh ăn tơdrong lôch hơbuh truh lăm char noh, Inh tuh tơdrong hil hăm pham lĕch, wă pơlôch pơrăm đĭ bơngai hăm lu sem dơrong,

Êsêkiên 14:21

Kră Yang Tih Hloh khan thoi âu: “Rai krưp kơnê̆ hloh dơ̆ng mưh Inh ăn puăn tơdrong sek tơlang trăp; tơdrong đao hơlă tơblah, tơdrong pơngot rơwĕt, tơdrong sem bri pơrăm păng tơdrong lôch hơbuh truh tơ Jêrusalem wă pơlôch đĭ bơngai păng sem dơrong.

Êsêkiên 16:42

Tơdrong hil Inh gô ngach, tơdrong Inh gar ih ưh pă đei boih, Inh gô oei hiôk ưh pă hil dơ̆ng.

Êsêkiên 21:22

Ti gah 'ma pơtao đei hlang lăng tơ'bôh gah pơlei Jêrusalem, athei dan tơmam tơblah wă pơrăm pơlei, nơ̆r wơh athei pơlôch ôr tơblah, dan tơmam tơblah wă pơrăm lu 'măng jang pơlei, sir sơlŭng bơ̆ man bơnơ̆ wang tăp dăr.

Êsêkiên 24:13

Tơdrong 'mê̆-'mach ih pơm pơyô kư̆ kă, Inh wă ôp rơgoh ih, mă-lei ih ưh kơ wă tơdrong 'mê̆-'mach ih ôp rơgoh, lei ih ưh pă gơh ôp rơgoh bơih dĭng layơ tơdrong inh hil ngach 'mơ̆i.

Êsêkiên 33:27

Khan bĕ kơ lu sư tơdrong âu: Kră Yang khan Thoi Inh mă arih, lu bơngai lăm anih răm rai gô lôch kơ đao; Lu bơngai oei lăm kơđông dah lăm hơlŭng gô lôch kơ jĭ hơbuh, lu bơngai oei lăm bri brah gô pơm tơmam sa kơ lu sem bri.

Êsêkiên 36:19

Inh pơm kơ lu sư tơklah tơklang tơ jơ̆p kơ teh đak, tơ jơ̆p kơ tơring; Inh sek tơlang boih lu sư kiơ̆ kơ trong lu sư kiơ̆ păng tơdrong lu sư đei pơm.

Êsêkiên 43:8

Đơ̆ng lu sư dan kơtơ̆n 'măng hnam lu sư 'bơ̆t jê̆ kơtơ̆n 'măng hnam Inh, dan jrăng 'măng hnam lu sư jê̆ jrăng 'măng hnam Inh, đei tơnăr pĕng găn sơlam Inh păng lu sư đĕch, lu sư pơm kơnê̆ 'mê̆-'mach boih kơ anăn 'lơ̆ng rơgoh Inh. Kơplah lu sư pơm tơdrong kơnê̆ krưp noh, lei na Inh đei pơlôch pơrăm lê̆ lu sư lăm năr Inh hil mĭl.

Êsêkiên 5:10

Na lăm ih mĕ 'bă gô 'buh sa kon lu sư păng lu kon sư gô 'buh sa mĕ 'bă lu sư. Inh gô sek tơlang ih păng lu bơngai mă oei oei, Inh gô ăn kơ lu sư tơklah tơklang tơ jơ̆p-jang kơ teh.

Êsêkiên 5:17

Inh gô ăn tơdrong pơngot rơwĕt păng ăn sem bri wă pơrăm lu kon hơ'lơ̆p ih jing pă đei tơdrong lôch hơbuh păng tơdrong tơblah truh tơ pham gô ro truh tơ ih, Inh gô iŏk đao gưm pơrăm ih. Inh boih Kră Yang mă đei khan thoi noh!”

Êsêkiên 5:2

Lăm năr mă wang pơlei đĭ boih, ih soh minh lăm pêng sŏk noh lăm pơlei tih noh. Ih iŏk minh lăm pêng chơ̆ng hăm đao tơ tăp dăr kơ pơlei păng minh lăm pêng oei oei noh ih săi tơ kial yua kơ Inh gô iŏk đao gưm druh lu sư đơ̆ng rŏng.

Êsêkiên 6:8

Mă-lei, kơplah lu iĕm tơklah tơklang jơ̆p kơ teh đak, Inh oei đei ăn mơ'nah oei arih, klaih đơ̆ng đao hơlă lu teh đak blah iĕm.

Êsêkiên 7:15

Tơ 'nguaih đei đao hơlă, tơ lăm đei lôch hơbuh păng pơngot rơwĕt. Lu bơngai oei tơ 'nguaih chŭn gô lôch kơ đao hơlă, lu bơngai oei tơ lăm pơlei, gô lôch kơ pơngot rơwĕt păng lôch kơ jĭ hơbuh đĭ.

Êsêkiên 7:3

Dang ei tơdrong ih truh bơih. Inh gô tuh tơdrong Inh hil tơ ih, Inh gô sek tơlang phak ih kiơ̆ kơ trong ih yak, hăm Inh gô pơm tơwih kơ ih kiơ̆ dôm tơdrong kơnê̆ krưp mă ih đei pơm.

Lêwi 26:33

Inh pơrŭng lu iĕm tơklah tơklang jơ̆p kơ adrĕch adrung bơngai păng Inh gô iŏk đao gưm 'bet lu iĕm; na char lu iĕm gô juơ rơhiăng, pơlei tih lu iĕm hrơ-hrĕng kơkot.

Am 9:4

Mă khan lu sư năm pơm bơnă 'bơ̆t anăp lu ayăt kơ lu sư, tơ noh inh kư̆m gô ăn đao gưm năm pơlôch lu sư. Inh gô răp lăng tơ lu sư wă pơrăm, ưh kơ trŏ wă ăn tơdrong hiôk ôh.

Am 9:9

Yua kơ thoi noh, inh gô tơtă athei păng gô săi adrĕch Isơrael tơ rim adrĕch drung thoi đe um 'ba hăm kơđum, mă-lei ưh kơ đei minh găr iĕ ayơ huŏng tơ teh.

Sa 7:14

Inh đei pơm ăn kơ lu sư tơklah tơklang thoi đei kial hơbŭt tih tơ jơ̆p-jang lăm teh đak mă lu sư tam mă biơh băt; na lăm teh đak jing juơ, đơ̆ng rŏng kơ lu sư noh, dĭng mah pă đei bu năm rok noh wih brŏk tơ noh; yua kơ lu sư pơm ăn kơ teh đak đơ̆ng chơt hiôk jing juơ juŏ.’ ”

Both 28:65

Oei lăm teh đak noh, iĕm ưh kơ đei hiôk rơnŭk ôh, ưh kơ đei anih wă ăn kơ kơnơl jơ̆ng iĕm pơdơh ôh. Tơ anih noh Kră Yang gô ăn kơ jơhngơ̆m iĕm hli tơrơ, măt hơ'nhôi, jơhngơ̆m đon ơh sơ'ngon.

Tơdrông Tơ'bôh 6:8

Na inh 'bôh minh pôm aseh hiang hơlơp ưh kơ đei jơhngơ̆m. Bơngai mă hao aseh ei đe anăn sư yŏng pơgơ̆r gah tơdrong lôch. Đei minh 'nu nai kiơ̆ đơ̆ng rŏng sư, sư bơngai pơgơ̆r dêh atâu. Bre sư, 'Bok Kei-Dei ăn pơgơ̆r pơm yŏng đe năm tơblah chĕp khêl đao chă pơlôch đe păng pơm kơ kon bơngai lôch kơ pơngot rơwĕt, lôch kơ jĭ jăn păn hnong, lôch kơ sem bri pơlôch. 'Bok Kei-Dei ăn kơ bre sư gơh pơm tơdrong noh truh kơ minh pah lăm puăn pah teh đak.