Êsêkiên 48:8 - Sơ̆p Hlabơar Nơ̆r 'Bok Kei-Dei

⁸ 'Moi rok teh asong kơ Juđa, đơ̆ng hơdral gah hơlĕch truh tơ hơdral gah bơmơ̆t, noh teh lu iĕm athei 'măn lê̆ pha, wơ̆l sư 'bar-jĭt pơđăm-rơbâu hơgăt tor sư dang ăi teh asong kơ lu adrĕch đơ̆ng hơdral gah hơlĕch truh tơ hơdral gah bơmơ̆t Anih Hnam Akŭm oei tŏk-bŏk tơ lăm teh 'nâu.

Êsêkiên 48:8 ပူးပေါင်းရင်းမြစ်များ

Êsai 12:6

Ơ kon pơlei Siôn ôr hơri mă re bĕ! Yua kơ Kră Yang 'Lơ̆ng Rơgoh Isơrael jơ̆ tih hloh tŏk-bŏk lăm lu iĕm.”

Êsêkiên 48:21

Teh mă oei đei rok 'bar pah teh 'lơ̆ng rơgoh păng teh jang sa lu bơngai oei lăm pơlei tih. 'Măn kơ yŏng pơgơ̆r. Teh noh đơ̆ng gah hơlĕch; kơ teh anih 'lơ̆ng rơgoh păng teh pơlei tih mă tor 'bar-jĭt pơđăm-rơbâu hơgăt truh tơ hơdral char Isơrael gah hơlĕch păng đơ̆ng gah bơmơ̆t kơ teh anih 'lơ̆ng rơgoh păng teh pơlei tih mă tor 'bar-jĭt pơđăm-rơbâu hơgăt truh tơ hơdral char Isơrael gah bơmơ̆t. 'Moi rok kiơ̆ teh asong kơ lu adrĕch. Teh 'lơ̆ng rơgoh păng hnam akŭm oei lăm tŏk-bŏk teh noh.

Êsêkiên 48:35

Pơtŏ jum dăr kơ pơlei tih đei mơjĭt-tơhngam rơbâu hơgăt. Đơ̆ng năr noh krao anăn pơlei tih âu: Kră Yang oei lăm noh.”

Êsêkiên 48:9

Teh mă lu iĕm pơyơ̆r kơ Kră Yang tor 'bar-jĭt pơđăm-rơbâu hơgăt păng wơ̆l 'bar-jĭt rơbâu.

II Kor 6:16

Hnam 'Bok Kei-Dei hăm rup yang nai ưh kơ gơh tơmơ̆t băl ôh. Lu bơ̆n kư̆m dang hnam oei 'Bok Kei-Dei mă arih ling-lang, yua kơ Sư khan boih thoi âu: “Inh wă oei hơdai iĕm, nơnăm hơdai iĕm; Inh pơm Kră Yang iĕm, iĕm jing kon pơlei pơla Inh.”

Kôlôsê 2:9

'Bok Kei-Dei ăn kơ Yêsu Krist tôm tơdrong lei-lăi thoi Sư kơdih.

Tơdrông Tơ'bôh 21:22

Gah hnam 'Bok Kei-Dei inh ưh kơ 'bôh ôh, yua kơ Sư Kră Yang Tih Hloh, Sư hăm Kon Triu gơh oei jơ̆p-jang kơ anih, mă pơlei noh kư̆m dang hnam Sư mơ̆n.

Tơdrông Tơ'bôh 21:3

Păng inh kư̆m kơtơ̆ng 'bơ̆r đe pơma re đơ̆ng tang-dŏ 'Bok Kei-Dei khan thoi âu: “'Nâu boih đe khan 'Bok Kei-Dei oei hơdai hăm kon bơngai. Sư oei tŏk-bŏk hăm kon bơngai, na kon bơngai jing kon Sư păng Sư jing Kră Yang kon bơngai.

Tơdrông Tơ'bôh 22:3

Tôm tơdrong kiơ 'Bok Kei-Dei jô̆ khan kơnê̆ ưh kơ 'bôh lăm pơlei noh. Pôm 'Bok Kei-Dei hăm Kon Triu đĕch oei hơdai hăm kon pơlei pơla lăm noh. Lu đĭch đam Sư gô kơkuh kơ Sư tơ noh.