Êsêkiên 48:21 - Sơ̆p Hlabơar Nơ̆r 'Bok Kei-Dei

²¹ Teh mă oei đei rok 'bar pah teh 'lơ̆ng rơgoh păng teh jang sa lu bơngai oei lăm pơlei tih. 'Măn kơ yŏng pơgơ̆r. Teh noh đơ̆ng gah hơlĕch; kơ teh anih 'lơ̆ng rơgoh păng teh pơlei tih mă tor 'bar-jĭt pơđăm-rơbâu hơgăt truh tơ hơdral char Isơrael gah hơlĕch păng đơ̆ng gah bơmơ̆t kơ teh anih 'lơ̆ng rơgoh păng teh pơlei tih mă tor 'bar-jĭt pơđăm-rơbâu hơgăt truh tơ hơdral char Isơrael gah bơmơ̆t. 'Moi rok kiơ̆ teh asong kơ lu adrĕch. Teh 'lơ̆ng rơgoh păng hnam akŭm oei lăm tŏk-bŏk teh noh.

Êsêkiên 48:21 ပူးပေါင်းရင်းမြစ်များ

Êsêkiên 37:24

Đĭch đam Inh Đawit pơtao lu sư. Lu sư gô đei minh 'nu bơngai wei; lu sư gô năm kiơ̆ nơ̆r Inh tơtă; lu sư gô wei răk păng pơm kiơ̆ khôi juăt Inh.

Êsêkiên 48:10

'Nâu teh 'lơ̆ng rơgoh mă đei pơyơ̆r 'măn lê̆ pha ăn kơ lu 'bok soi tor sư gah yă-nơ̆m đei 'bar-jĭt pơđăm-rơbâu hơgăt, wơ̆l gah bơmơ̆t, mơjĭt-rơbâu hơgăt wơ̆l gah hơlĕch mơjĭt-rơbâu hơgăt, tor gah gơal đei 'bar-jĭt pơđăm-rơbâu hơgăt; Hnam Akŭm Kră Yang gô oei tơ lăm tŏk-bŏk teh âu.

Êsêkiên 48:20

Lu iĕm athei 'măn lê̆ minh 'bôt teh dơ'bŭng 'bar-jĭt pơđăm-rơbâu hơgăt kơ minh pah pơm teh 'lơ̆ng rơgoh hăm teh pơlei tih.

Êsêkiên 48:22

Thoi ei teh jang sa kơ lu bơngai Lêwi păng teh jang sa pơlei tih, gô oei tơ lăm tŏk-bŏk teh yŏng pơgơ̆r. Teh asong yŏng pơgơ̆r oei tơ lăm tŏk-bŏk sơlam kơ teh bre Juđa hăm Bênjamin.

Êsêkiên 48:8

'Moi rok teh asong kơ Juđa, đơ̆ng hơdral gah hơlĕch truh tơ hơdral gah bơmơ̆t, noh teh lu iĕm athei 'măn lê̆ pha, wơ̆l sư 'bar-jĭt pơđăm-rơbâu hơgăt tor sư dang ăi teh asong kơ lu adrĕch đơ̆ng hơdral gah hơlĕch truh tơ hơdral gah bơmơ̆t Anih Hnam Akŭm oei tŏk-bŏk tơ lăm teh 'nâu.

Hôsia 1:11

Kon sâu Juđa păng kon sâu Isơrael gô pơgơ̆p băl; păng gô pơjing pôk minh 'nu pơm yŏng pơgơ̆r đĭ-đăng lu sư đơ̆ng noh lu sư gô rai lơ lăm teh đak noh, yua kơ năr Jêsreel noh năr tih tơpă.