Êsêkiên 48:14 - Sơ̆p Hlabơar Nơ̆r 'Bok Kei-Dei

¹⁴ Teh 'nâu lu sư ưh kơ gơh tĕch, ưh kơ gơh tơplih, dah mă chă ăn kơ đe chă ala iŏk. Yua kơ teh âu klah lê̆ 'lơ̆ng rơgoh pơyơ̆r kơ Kră Yang.

Êsêkiên 48:14 ပူးပေါင်းရင်းမြစ်များ

Le 22:29

Ih 'nĕ kơ pơhiơ̆ pơyơ̆r kơ Inh dôm lu plei blŭng-a ih đơ̆ng mir chŭn păng sik hơmu ih, ih kư̆m athei pơyơ̆r ăn kơ Inh kon kơdră drŏ-nglo ih.

Le 23:19

Dôm lu plei bơyan blŭng-a đơ̆ng teh, athei năm ba tơ hnam Kră Yang 'Bok Kei-Dei iĕm, iĕm 'nĕ kơ pai hơbĭ bơbe triu kon lăm đak toh mĕ sư.

Êsêkiên 48:12

'Nâu teh gĭt ăn kơ lu sư đơ̆ng teh 'lơ̆ng rơgoh tơpă, teh mă lu đe 'măn lê̆ 'bơ̆t cheng tơtil hơdral teh lu bơngai Lêwi.

Êsêkiên 48:13

Teh asong lu bơngai Lêwi pơrok kiơ̆ kơ teh asong kơ lu 'bok soi, 'bar-jĭt pơđăm-rơbâu tor păng mơjĭt-rơbâu wơ̆l; tor sư 'bar-jĭt pơđăm-rơbâu hơgăt, wơ̆l sư mơjĭt-rơbâu hơgăt.

Lêwi 23:20

'Bok soi gô iŏk tơmam soi noh hơdai hăm 'bar tŏ 'bĕng pơm păng 'ba blŭng-a lăm bơyan hơdai hăm 'bar tŏ kon triu na pơyơ̆r ba 'ma 'ngiĕo 'bơ̆t anăp Kră Yang, lu tơmam noh athei 'măn lê̆ rơgoh pha ăn kơ Kră Yang păng gô ăn kơ 'bok soi.

Lêwi 25:32

Mă-lei gah pơlei lu bơngai Lêwi, hnam lu sư lăm pơlei noh, lu bơngai Lêwi ling-lang sư gơh huai iŏk mơ̆ng kơ lu sư wă.

Lêwi 25:34

Mă-lei lu tơmăn 'nhĕt rong sem dơrong tăp dăr pơlei tih lu sư, bơngai Lêwi ưh kơ gơh kơ tĕch ôh, yua kơ noh jing teh lu sư jang sa ling-lang.

Lêwi 27:28

Dôm lu tơmam jao, wă khan đĭ-đăng tơmam kiơ mă pơyơ̆r kơ Kră Yang, kon bơngai, sem brem dah chŭn mir tơmam đơ̆ng lăm hnam bơ̆n đei, ưh pă gơh tĕch kư̆m ưh kơ gơh kơ huai pơdrâu iŏk ôh. Yua kơ dôm tơmam noh 'lơ̆ng rơgoh ăn kơ Kră Yang bơih.

Rom 8:23

Ưh kơ sĭ dôm lu tơmam 'Bok Kei-Dei pơjing noh đĕch ôh pơmat-tat. Lu bơ̆n bơngai mă đei Yang Bơhngol 'Lơ̆ng kư̆m hang nuih pơmat-tat thoi lu tơmam noh mơ̆n. Na dang ei chang jah truh khei 'năr 'Bok Kei-Dei pơkă khan wă ăn kơ bơ̆n jing kon Sư ei đĕch hiôk, wă kơ bơ̆n dah tơplih jing akâu 'nao thoi Yêsu. Bơ̆n băt kơ Sư wă ăn kơ bơ̆n hiôk ning-mônh, yua kơ Sư ăn kơ bơ̆n Yang Bơhngol 'Lơ̆ng Sư dang ei.