Êsêkiên 48:11 - Sơ̆p Hlabơar Nơ̆r 'Bok Kei-Dei

¹¹ Teh 'nâu ăn kơ lu 'bok soi klah lê̆, 'lơ̆ng rơgoh ăn kơ lu adrĕch Sađŏk, lu bơngai mă jang tơnăp bơ̆jang kơ Inh, ưh kơ đei tơklah weh đơ̆ng inh thoi lu adrĕch Lêwi đei tơklah, kơplah lu adrĕch adrung Isơrael weh tơklah đơ̆ng inh.

Êsêkiên 48:11 ပူးပေါင်းရင်းမြစ်များ

Êsêkiên 14:11

Thoi noh adrĕch Isơrael huay pă jrok weh ataih đơ̆ng Inh păng huay pă pơm kơnê̆ 'mê̆-'mach kơdih hăm lơ tơdrong glăi nai dơ̆ng, na lu sư jing kon pơlei pơla Inh, păng Inh jing Kră Yang 'Bok Kei-Dei lu sư, Kră Yang Tih Hloh khan thoi noh.’”

Êsêkiên 40:46

Anih mă tơklă gah yă-nơ̆m 'măn lê̆ kơ lu 'bok soi wei chơnang soi. Noh lu kon drŏ-nglo Sađŏk, lăm lu adrĕch Lêwi gơh năm jê̆ wă bơ̆jang kơ Kră Yang.”

Êsêkiên 43:19

Kră Yang khan: Pơjao bĕ kơ 'bok soi adrĕch Lêwi lăm, adrĕch Sađôk noh, lu bơngai gô năm jê̆ wă bơ̆jang kơ Inh, minh pôm rơmo dăm bek wă pơm tơmam soi huai đơ̆ng yoch.

Êsêkiên 44:10

Bĕ gah lu bơngai Lêwi hlôi năm ataih đơ̆ng Inh, achăng Inh kiơ̆ kơkuh kơ rup yang lu sư, kơplah lu kon pơlei Isơrael hlôi jrok trong weh ataih đơ̆ng Inh, lu sư gô pŭ tơdrong yoch kơdih.

Êsêkiên 44:12

Yua kơ lu sư đei tơgŭm kon pơlei bơ̆jang 'bơ̆t anăp rup yang lu sư, pơm ăn kơ lu bơngai Isơrael pơ̆k huŏng pơm yoch, yua kơ tơdrong noh, Inh đei hiŏng ti phak lu sư, athei pŭ iŏk tơdrong yoch lu sư kơdih, Kră Yang khan.

Êsêkiên 45:4

Noh boih anih teh 'măn lê̆ 'lơ̆ng rơgoh ăn kơ lu 'bok soi bơngai bơ̆jang lăm anih hnam akŭm 'lơ̆ng rơgoh, lu bơngai năm jê̆ bơ̆jang kơ Kră Yang. Noh anih mă lu sư pơm hnam oei păng anih 'lơ̆ng rơgoh ăn kơ hnam akŭm 'lơ̆ng rơgoh.

Êsêkiên 48:12

'Nâu teh gĭt ăn kơ lu sư đơ̆ng teh 'lơ̆ng rơgoh tơpă, teh mă lu đe 'măn lê̆ 'bơ̆t cheng tơtil hơdral teh lu bơngai Lêwi.

Lêwi 8:35

Thoi noh iĕm athei oei kơtă tơ 'măng Bơsŭn Anih Akŭm măng păng 'năr, kơtĕch lăm tơpơh năr, pơm thoi Kră Yang đei pơkă boih kơnh hli kơ lu iĕm lôch, yua kơ Sư đei tơtă kơ inh thoi noh.

I Pet 5:4

Thoi noh na mưh blư kơ Tơ'ngla Tơm Wei Triu jur ning-mônh Sư bơnê kơ iĕm păng apah iĕm agăl pơkao 'lơ̆ng rŏ ưh kơ layơ jô kro, iĕm gô arih ling-lang.

Tơdrông Tơ'bôh 2:10

Iĕm 'nĕ hli mă tơdrong wă truh kơ iĕm kơnh pơgê, yua kơ yang kơnê̆ wă tah lu iĕm mơ'nah tơ lăm hnam phak, wă pơlong lăng tơdrong lui iĕm. Iĕm oei tơ lăm hnam phak dang mơjĭt năr đe đei pơm kơ iĕm pơmat-tat dêh, mă-lei apinh iĕm adrin bĕ truh lôch, đơ̆ng noh na Inh gô tơ'băk kơ iĕm agăl pơkao tơdrong arih ling-lang.