Êsêkiên 47:12 - Sơ̆p Hlabơar Nơ̆r 'Bok Kei-Dei

¹² Tơ tơter jih đak krong 'bar pah đe pơtăm tôm kơ lu 'long plei sa, lu hla ưh kơ hơlŭng, lu 'long đei plei hơnơ̆ng, rim khei đei pơkao plei 'lơ̆ng yua kơ đei đak ro lĕch đơ̆ng hnam akŭm. Plei wă pơm tơmam sa păng yua wă pơm pơgang.”

Êsêkiên 47:12 ပူးပေါင်းရင်းမြစ်များ

Bl 2:9

Kră Yang 'Bok Kei-Dei ăn kơ teh chăt lu 'long 'lơ̆ng lăp măt păng plei sư sa 'ngam; lăm tŏk-bŏk pơgar ei kư̆m đei chăt minh tơnơm 'long tơdrong arih, kư̆m đei minh tơnơm 'long băt kơ tơdrong kơnê̆ păng băt kơ tơdrong 'lơ̆ng.

Jop 8:16

Lu sư nhen 'long chăt hơdrih ala măt 'năr. Bluh tơmơ̆ng chăt jơ̆p kơ pơgar.

Horiso 1:3

Bơngai noh nhen thoi tơm 'long chăt cheng đak glung, Đei plei kiơ̆ kơ bơyan, Hla sư ưh kơ đei layơ jô kro, Rim tơdrong jang sư pơm jing ngăl.

Horiso 92:12

Bơngai tơpăt gô bluh thoi 'long gol păng gô rai kơjung thoi 'long hơngo tơ char Liban.

Êsai 1:6

Đơ̆ng tơpang jơ̆ng truh tơ kơpal kơ̆l, ưh kơ đei 'bơ̆t yơ 'lơ̆ng. Tă kơ pơ'ngeh đêl teh păng rơka pham ro, tam mă ôp hăm pơ̆n hơmet păng tam mă pik đak pơgang rơmă ôliwơ mơ̆n.

Êsai 60:21

Na đĭ-đăng kon pơlei ih gô jing 'lơ̆ng tơpăt; lu sư gô đei dêh char 'nâu ling-lang; Lu sư bơih bluh tơmơ̆ng đơ̆ng Inh pơtăm, đơ̆ng ti Inh pơm wă kơ Inh đei ư-ang.

Êsai 61:3

Wă ăn kơ lu bơngai ơh sơ'ngon oei tơ pơlei Siôn hơgăl pơkao tơplih kơ tơnuh tuh ăn đak 'bâu phu hiôk chơt tơplih kơ ơh sơ'ngon, pơhrŭk ăn ao bơnê ư-ang tơplih kơ jơhngơ̆m ơh klai. Đe gô krao sư tơm 'long kôih tơdrong tơpăt, 'long mă Kră Yang đei pơtăm bơih. Wă tơ'bôh tơdrong ư-ang Kră Yang.

Je 17:8

Bơngai noh nhen thoi tơm 'long pơtăm cheng đak, Chăt rơh cheng đak krong, mă khan tŏ phang ưh kơ hli, hla ưh kơ đei jô kro oei arih 'lơ̆ng. Mă tơ'bơ̆p hĭ bơyan tŏ phang kư̆m huay kơ tơtăm, oei plei hơnơ̆ng ưh kơ pơdơh.”

Je 8:22

Lăm dêh Gileat hăm pă đei 'long pơgang pơklaih rơka ưh? Hăm pă đei 'bok pơgang tơ noh? Liơ mă rơka lu kon pơlei inh ưh kơ klaih?

Êsêkiên 47:7

Lăp inh wih truh 'bơ̆t đak krong boih, inh 'bôh 'bar pah kơ đak krong đei 'long lơ.

Tơdrông Tơ'bôh 22:2

Đak krong ei ro tŏk-bŏk pơlei hloi, cheng đak krong ei đei 'long pah âu pah to wă ăn kơ kon bơngai arih. 'Long ei minh sơnăm mơjĭt-'bar 'măng plei, rim khei minh 'măng. Hla sư kư̆m yua wă ăn kơ kon bơngai sa jing đei jơhngơ̆m pran.