Êsêkiên 45:8 - Sơ̆p Hlabơar Nơ̆r 'Bok Kei-Dei

⁸ Noh boih teh lu yŏng pơgơ̆r jang sa lăm char Isơrael; lu yŏng pơgơ̆r ưh pă pơjuă pơđep kon pơlei Inh dơ̆ng, mă-lei lu yŏng gô ăn kơ bơngai Isơrael oei tơ teh asong Kiơ̆ adrĕch adrung lu sư.

Êsêkiên 45:8 ပူးပေါင်းရင်းမြစ်များ

Tơdrông Pơđơk 28:16

Yŏng pơgơ̆r kơhlôh ngăl pơjuă pơđep. Mă-lei dah đei bu areh kơ sa lơi lơ gô arih sot.

Je 22:17

Mă-lei măt păng jơhngơ̆m ih 'maih chă lơi, pơlôch lu bơngai ưh kơ đei yoch, păng 'maih chă rôp pơgŏ pơjuă pơđep pơm kơnê̆ dêh.

Je 23:5

Kră Yang khan: “Năr gô truh tơ anăp âu, Inh gô tơiung đei minh pôm dơng tơpăt chăt đơ̆ng adrĕch Đawit, Sư pơm pơtao pơgơ̆r gơh hơgei, pơm tơdrong 'lơ̆ng tơpăt hơnơ̆ng lăm teh đak.

Êsêkiên 19:3

Sư wei rong tơmŏm minh pôm lăm lu dăm-brang kon, noh jing dăm-brang mơlôh, pơjuăt chă rôp kon sem păng sa kon bơngai.

Êsêkiên 19:7

Sư pơrăm lu pơlei kơjăp; păng pơm kơ lu pơlei lu sư jing juơ tơtŭng, teh đak păng kon pơlei oei lăm noh hli ngăl kơ nơ̆r sư ôr gơhuh.

Êsêkiên 22:27

Lu yŏng pơgơ̆r oei lăm lu sư nhen thoi kŏ-so kăp sa sem bri, pơm tuh pham pơlôch bơngai, wă tơgar iŏk tơmam.

Êsêkiên 22:6

To, lu yŏng Pơgơ̆r Isơrael oei lăm ih, rim 'nu yua tơdrong pran kơtang kơdih pơm tuh pham pơlôch đe.

Êsêkiên 46:18

Yŏng pơgơ̆r ưh kơ gơh iŏk mŭk tơmam kiơ đơ̆ng kon pơlei, dah pơgŏ tơgar iŏk mŭk tơmam lu sư; sư gô iŏk tơmam sư kơdih na ăn kơ lu kon sâu wă bơ̆jang sa, thoi noh na kon pơlei Inh ưh kơ đei bu đe gơh tơgar iŏk mŭk tơmam đơ̆ng lu sư.

Jêphania 3:13

Lu bơngai Isơrael mă oei đei lu sư ưh pă pơm kơnê̆ boih, ưh pă pơma hơlĕnh, ưh pă đei hơpiĕt hơlĕnh pơdăr lăm 'bơ̆r lu sư boih; yua kơ lu sư gô sŏng sa 'băt păng tep hiôk, ưh pă đei bu tơhli lu sư dơ̆ng.”

Ya 2:6

Mă-lei iĕm pơjăm pơjuă lu bơngai dơnuh hin, ưh kơ băt mơnat kơ lu sư. Bu pơjăm pơjuă wă kơtĭt sa iĕm păng dui anhăk iĕm tơ lu kră sek tơlang? Lu bơngai mơdrŏng boih pơm kơ iĕm kơnê̆ thoi noh.

Jôsuê 11:23

Jôsuê blah iŏk đĭ-đăng tơring char 'nâu, kiơ̆ tôm tơdrong thoi Kră Yang khan pơkă kơ Môis păng Jôsuê asong ăn teh kơ lu bơngai Isơrael jang sa mir 'ba păng klah asong kiơ̆ rim kơ khŭl adrĕch adrung lu sư. Kơplah noh tơring char 'nao đei rơngei hiôk-hian pă đei tơdrong tơblah dơ̆ng.

Jôsuê 19:49

Đei klah asong char kiơ̆ adrĕch adrung teh jang sa hlôi keh đang boih, kon pơlei Isơrael iŏk teh lăm tŏk-bŏk lu sư na ăn kơ Jôsuê, kon drŏ-nglo Nun,