Êsêkiên 45:18 - Sơ̆p Hlabơar Nơ̆r 'Bok Kei-Dei

¹⁸ Kră Yang khan thoi âu: Năr blŭng-a lăm khei mônh, ih iŏk minh pôm rơmo dăm ưh kơ đei rơka đơ̆ng lăm khŭl wă pơm rơgoh lăm anih 'lơ̆ng rơgoh.

Êsêkiên 45:18 ပူးပေါင်းရင်းမြစ်များ

Le 12:2

Khei 'nâu wă pơm khei blŭng-a kơ lu iĕm; wă khan khei mônh lăm sơnăm.

Le 40:2

Năr mă mônh lăm khei mônh ih athei pơdơ̆ng tơiung Bơsŭn Anih Akŭm.

Êsêkiên 43:19

Kră Yang khan: Pơjao bĕ kơ 'bok soi adrĕch Lêwi lăm, adrĕch Sađôk noh, lu bơngai gô năm jê̆ wă bơ̆jang kơ Inh, minh pôm rơmo dăm bek wă pơm tơmam soi huai đơ̆ng yoch.

Êsêkiên 43:20

Ih iŏk bĕ pham pik tơ puăn tŏ hơke chơnang soi, tơ puăn pah mum păng tơ gơnăp jum dăr, wă kơ ôp rơgoh chơnang soi păng huai đơ̆ng yoch.

Êsêkiên 43:22

Năr mă 'bar, ih athei pơyơ̆r bơbe tơno, ưh kơ đei rơka wă pơm tơmam soi huai đơ̆ng yoch chơnang soi athei ôp rơgoh kư̆m thoi pơyơ̆r rơmo dăm iŏk pham wă ôp rơgoh.

Êsêkiên 43:23

Mưh đei ôp rơgoh boih chơnang soi, athei pơyơ̆r minh pôm rơmo dăm ưh kơ đei rơka păng minh pôm triu rôp đơ̆ng lu khŭl mă ưh kơ đei rơka.

Êsêkiên 43:26

Lăm tơpơh năr noh, đe pơm giĕng huai đơ̆ng yoch wă ôp rơgoh chơnang soi, păng thoi noh chơnang soi jing 'lơ̆ng rơgoh.

Êsêkiên 45:20

Lăm năr mă tơpơh lăm khei noh, ih kư̆m athei pơm tơdrong noh kơ lu bơngai pơm yoch hơch 'bơm dah yua kơ ưh kơ hlôh; thoi noh ih gô pơm rơgoh kơ hnam akŭm.

Êsêkiên 46:1

Kră Yang khan thoi âu: 'Măng jang cham gah lăm, tơ gah hơlĕch, athei tang chĭt lê̆ lăm tơdrâu năr oei jang, mă-lei gô pơih lăm năr phĕt Sa'bat păng lăm năr phĕt Khei 'Nao.

Lêwi 16:16

Thoi noh sư năm soi sơmah tơ lăm anih 'Lơ̆ng rơgoh yua kơ đơ̆ng tơdrong kơnê̆ 'mê̆-'mach, pơm glăi, yoch kon pơlei Isơrael na sư athei soi sơmah huai đơ̆ng tơdrong yoch. Sư kư̆m soi sơmah huay đơ̆ng yoch kơ Bơsŭn Anih Akŭm, yua kơ anih akŭm oei tơ tŏk-bŏk tơdrong kơnê̆ 'mê̆-'mach lu sư.

Lêwi 16:33

Sư mă soi sơmah pơm rơgoh ăn kơ anih rơgoh păng kơ Bơsŭn Anih Akŭm păng soi sơmah kơ chơnang soi, soi sơmah kơ lu 'bok soi păng soi sơmah kơ đĭ-đăng kon pơlei Isơrael.

Lêwi 22:20

Lu iĕm 'nĕ kơ pơyơ̆r kon sem dơrong ayơ mă đei jĭ kiơ kiơ, yua kơ tơmam soi noh Inh ưh kơ iŏk ôh.

Mathiơ 6:33

Thoi noh na iĕm athei ăn kơ Sư pơgơ̆r iĕm, hăm adrin pơm 'lơ̆ng thoi Sư wă, noh kăl hloh kơ dôm tơdrong nai; pơm thoi noh na Sư gô ăn kơ iĕm tôm tơmam iĕm kăl yua.

Hêbrơ 7:26

Thoi noh bơ̆n băt kơ Yêsu boih pơm 'bok soi tih gơh tơgŭm bơ̆n tơpă. Sư 'lơ̆ng tơpăt ưh kơ lah pơm yoch, lu bơngai yoch kư̆m ưh kơ gơh pơhlŭ Sư pơm kơnê̆. Sư mơsêh tŏk oei ưh kơ băt hơdôm tăl plĕnh.

Hêbrơ 9:14

Tơ̆ng thoi ei, lei pham Yêsu Krist kăl hloh kơ dôm lu pham sem noh, yua kơ Sư rơgoh ling-lang ưh kơ đei yoch kiơ ôh. Pơthim kơ Sư Yang arih ling-lang tăm. Sư soi kơ 'Bok Kei-Dei hăm pham Sư kơdih, na pham Sư sut lê̆ đĭ dôm tơdrong yoch bơ̆n, pơm kơ jơhngơ̆m đon bơ̆n jing 'lơ̆ng tơpăt hăm 'Bok Kei-Dei wă kơ bơ̆n gơh jang kơ 'Bok Kei-Dei mă arih ling-lang.

I Pet 1:19

Tơdrong Sư huai iŏk kăl tơpă, hăm pham Kon Sư Yêsu Krist kơdih hloi; Yêsu Sư thoi lĕ triu mă rơgoh 'lơ̆ng đe wă soi kơ 'Bok Kei-Dei.