Êsêkiên 45:1 - Sơ̆p Hlabơar Nơ̆r 'Bok Kei-Dei

¹ Tơdah lu iĕm hlang lang klah asong băl teh wă jang sa, athei klah lê̆ minh pah teh pơyơ̆r kơ Kră Yang teh noh jing teh 'lơ̆ng rơgoh lăm char. Tor sư 'bar-jĭt pơđăm-rơbâu hơgăt păng wơ̆l 'bar-jĭt rơbâu hơgăt; đĭ-đăng lu teh âu jing teh 'lơ̆ng rơgoh.

Êsêkiên 45:1 ပူးပေါင်းရင်းမြစ်များ

Tơdrông Pơđơk 3:9

Iŏk bĕ mŭk tơmam păng 'ba hơ'bo yuă blŭng-a lăm bơyan. Kơkuh bơnê kơ Kră Yang.

Êsêkiên 42:16

Sư pơtŏ gah hơlĕch hăm tơlei pơtŏ, đei pơđăm-hrĕng hơgăt, kiơ̆ kơ tơlei pơtŏ.

Êsêkiên 48:29

'Nâu boih teh lu iĕm gô hlang lăng asong ăn kơ adrĕch bơngai Isơrael wă jang sa; noh boih teh asong ăn kơ lu sư, Kră Yang khan.

Lêwi 25:23

Teh ưh kơ gơh tĕch hloi ôh, yua kơ noh teh Inh, iĕm thoi bơngai tơmoi mă oei hơdai Inh đĕch.

Jo 34:13

Môis tơbăt nơ̆r tơtă 'nâu ăn kơ kon pơlei adrĕch Isơrael thoi âu: Noh boih dêh char mă lu iĕm gô hlang lăng iŏk asong băl kiơ̆ thoi nơ̆r Kră Yang đei khan ăn kơ tơsĭn adrĕch păng minh puăt adrĕch Manase.

Jôsuê 13:6

oei đei kon pơlei oei tơ char tơring kơpal kông, đơ̆ng Liban truh tơ Misrêpôtmaim, noh lu kon pơlei Siđôn. Inh gô puh tơweh lu sư, đơ̆ng anăp măt lu bơngai Isơrael. Ăn teh noh kơ Isơrael jang sa, kiơ̆ thoi inh đei tơtă boih kơ ih.

Jôsuê 13:7

Păng klah asong bĕ char âu kơ tơsĭn tŏ adrĕch, minh puăt lê̆ kơ adrĕch Manase.

Jôsuê 14:1

Âu boih teh lê̆ kơ kon pơlei Isơrael jang sa lăm dêh char Kanaan, kiơ̆ thoi 'bok soi Êlêasar, Jôsuê kon drŏ-nglo Nun hăm lu kơdră lu adrĕch kon pơlei Isơrael đei asong kơ lu sư.

Jôsuê 14:2

Đe hlang iŏk klah asong kơ tơsĭn adrĕch minh puăt, kiơ̆ kơ Kră Yang mă Môis đei khan pơkă.

Jôsuê 14:3

Yua kơ Môis đei asong ăn boih teh jang sa kơ 'bar adrĕch, minh puăt tơ hơlĕch gah kơ đak Krong Jôrđăn, mă-lei sư ưh kơ đei klah asong ăn ôh teh jang sa kơ adrĕch bơngai Lêwi.