Êsêkiên 43:8 - Sơ̆p Hlabơar Nơ̆r 'Bok Kei-Dei

⁸ Đơ̆ng lu sư dan kơtơ̆n 'măng hnam lu sư 'bơ̆t jê̆ kơtơ̆n 'măng hnam Inh, dan jrăng 'măng hnam lu sư jê̆ jrăng 'măng hnam Inh, đei tơnăr pĕng găn sơlam Inh păng lu sư đĕch, lu sư pơm kơnê̆ 'mê̆-'mach boih kơ anăn 'lơ̆ng rơgoh Inh. Kơplah lu sư pơm tơdrong kơnê̆ krưp noh, lei na Inh đei pơlôch pơrăm lê̆ lu sư lăm năr Inh hil mĭl.

Êsêkiên 43:8 ပူးပေါင်းရင်းမြစ်များ

II Ho 33:4

Sư man lu chơnang soi tơ lăm hnam Kră Yang, tơ anih mă Kră Yang đei khan: “Anăn inh gô oei lăm pơlei Jêrusalem ling-lang.”

II Ho 33:7

Sư tah rup yang đe traih lăm hnam Kră Yang tơ anih mă Kră Yang 'Bok Kei-Dei đei khan hăm Đawit păng Sôlômôn kon drŏ-nglo sư khan: “Lăm hnam 'nâu păng pơlei Jêrusalem pơlei, mă inh đei rơih iŏk boih đơ̆ng lăm adrĕch bơngai Isơrael, wă 'măn anăn Inh lăm âu ling-lang;

Le 12:7

Lu sư gô iŏk pham pik 'bar pah jrăng dơ̆ng 'măng păng 'long găn kơpal lăm hnam ayơ mă sa 'nhĕm triu kon 'noh.

Êsêkiên 23:39

Lu sư pơlôch kon sư kơdih pơyơ̆r kơ rup yang; lăm năr noh lu sư kư̆m mơ̆t lăm anih 'lơ̆ng rơgoh Inh na pơm tơdrong 'mê̆-'mach. Noh tơdrong lu sư pơm boih kơ hnam Inh!

Êsêkiên 44:7

Lu iĕm hlôi chông ba adrĕch adrung kon pơlei tơmoi, lu bơngai mă ưh kơ kăt tơdra jơhngơ̆m, kư̆m ưh kơ kăt tơdra akar mơ̆t lăm anih 'lơ̆ng rơgoh Inh wă pơ'mê̆ kơ hnam akŭm Inh, kơplah lu iĕm pơyơ̆r tơmam sa kơ Inh, rơmă păng pham; lu iĕm pơm yoch glăi boih kơ nơ̆r pơkă Inh hăm tơdrong kơnê̆ 'mê̆ krưp lu iĕm.

Êsêkiên 5:11

Lei na Kră Yang Tih Hloh khan: Tơpă thoi Inh oei arih, yua kơ ih pơm kơnê̆ 'mê̆-'mach lăm anih rơgoh Inh hăm pơm kơnê̆ krưp, mă Inh areh dêh. Thoi noh na Inh pơrăm ih, măt Inh ưh kơ wă lăng păng ưh pă mơnat.

Êsêkiên 5:12

Minh lăm pêng lăm lu khŭl ih gô lôch hơbuh păng gô lôch kơ pơngot rơwĕt minh lăm pêng gô pơ̆k lôch kơ đao hơlă tăp dăr kơ ih; mă minh lăm pêng dơ̆ng Inh gô pơm kơ lu sư tơklah tơklang tơ jơ̆p-jang kơ teh păng Inh gô toh đao druh 'moi lu sư.

Êsêkiên 5:13

Inh gô tuh tơdrong Inh hil păng Inh gô hil mĭl truh kơ lu sư, na tơdrong blĕk Inh hrăp; păng kơplah Inh pơm keh tơdrong hil kơ lu sư, lu sư gô băt Inh boih Kră Yang, hlôi khan kơ lu sư Inh gar. Lăm tơdrong inh hil mĭl kơ lu sư.

Lu 19:27

Pơgê hrôih 'noh klo sư iung, pơih 'măng wă brŏk 'bôh akăn kơnhŏng sư pơ̆k hraih đang 'bơ̆t anăp 'măng 'bar pah ti sư rôp kơtơ̆n.