Êsêkiên 43:2 - Sơ̆p Hlabơar Nơ̆r 'Bok Kei-Dei

² Inh 'bôh tơdrong ư-ang rang mơnhal Kră Yang 'Bok Kei-Dei Isơrael năm đơ̆ng gah hơlĕch đei jơwa nhen thoi đak ro tih, hơdah rang mơnhal ư-ang Kră Yang jơ̆p kơ teh.

Êsêkiên 43:2 ပူးပေါင်းရင်းမြစ်များ

Êsai 17:12

Ô lu kon pơlei dêh char lơlap, ôr krao thoi jơwa đak dơsĭ poh-yă, ô lu adrĕch adrung kon bơngai ôr krao thoi jơwa đak poh-yă tih!

Êsai 6:3

Lu Sêraphim ôr krao tơduă lu sư khan: “'Lơ̆ng rơgoh dêh, 'lơ̆ng rơgoh dêh, 'lơ̆ng rơgoh dêh Kră Yang Tih Hloh; jơ̆p kơ teh đak 'bĕnh-'bang kơ tơdrong ư-ang Sư!”

Êsêkiên 1:24

Mưh lu kon sem arih wă năm, inh kơtơ̆ng pơnăr lu sư re thoi jơwa đak chơkơi, thoi nơ̆r đơ̆ng Kră Yang Tih Hloh; re ơ-ôs thoi lu linh lơ yak, Mưh pơdơh, lu sư tơjruh pơnăr.

Êsêkiên 1:28

Inh 'bôh hơdah rang tăp dăr thoi plĕnh chro tơ hơmơ̆l wă 'mi. Tơdrong noh thoi 'lơ̆ng rŏ rang mơnhal Kră Yang. Lăp inh 'bôh inh kŭp muh măt tơ teh păng kơtơ̆ng nơ̆r minh 'nu pơma khan.

Êsêkiên 10:4

Na tơdrong ư-ang rang mơnhal Kră Yang tŏk đơ̆ng chêrubim, tơ anăp 'măng hnam akŭm tơm. Na hnam akŭm tơm 'bĕnh kơ hơmơ̆l păng tơ cham hnam 'bĕnh kơ tơdrong hơdah ư-ang rang mơnhal Kră Yang.

Êsêkiên 11:22

Lu chêrubim hăm tang-wang gre 'bơ̆t cheng lu sư iung bơyar pơnăr. Tơdrong ư-ang rang mơnhal Kră Yang 'Bok Kei-Dei Isơrael oei kơpal lu sư.

Êsêkiên 11:23

Tơdrong ư-ang rang mơnhal Kră Yang tŏk tơ kơpal đơ̆ng lăm pơlei tih păng dơ̆ng 'bơ̆t kơpal kông gah hơlĕch kơ pơlei.

Êsêkiên 3:23

Na inh iung năm tơ teh thŭng dơnă; tơdrong ư-ang rang mơnhal Kră Yang oei tơ noh thoi ư-ang rang mơnhal mă inh đei 'bôh tơ đak krong Kêbar, păng inh kŭp muh măt tơ teh.

Êsêkiên 43:4

Tơdrong ư-ang rang mơnhal Kră Yang mơ̆t tơ lăm hnam akŭm trong 'măng jang gah hơlĕch.

Êsêkiên 44:2

Kră Yang khan kơ inh: “'Măng âu athei tang lê̆, ưh kơ gơh pơih. Păng ưh kơ đei bu gơh mơ̆t trong 'măng jang âu, yua kơ Kră Yang 'Bok Kei-Dei Isơrael mơ̆t boih trong 'măng jang 'nâu; thoi noh 'măng noh athei tang chĭt lê̆.

Êsêkiên 9:3

Na tơdrong rang mơnhal Kră Yang 'Bok Kei-Dei Isơrael tŏk đơ̆ng chêrubim, đơ̆ng anih Sư oei, năm truh 'bơ̆t 'măng hnam akŭm. Na Kră Yang krao bơngai hrŭk ao che 'bui mă bĕng kơdŭng 'long chih đak mơ̆k,

Habakuk 2:14

Yua kơ gô băt hlôh tơdrong ư-ang Kră Yang 'bĕnh jơ̆p kơ teh thoi đak 'bĕnh kơ dơsĭ.

Habakuk 3:3

'Bok Kei-Dei truh đơ̆ng Têman, Kră Yang Tơ'ngla 'Lơ̆ng rơgoh truh đơ̆ng kông Pharan. Sêla Tơdrong ư-ang Sư gom đĭ lu tăl plĕnh, Nơ̆r bơnê ư-ang kơ Sư jơ̆p-jang kơ teh đak.

Habakuk 3:4

Tơdrong rang mơnhal Sư thoi măt 'năr. Dôm lu chră hơdah lĕch đơ̆ng ti 'ma Sư, Tơdrong mơsêh Sư ôn tơ lăm noh.

Yo 12:41

Êsai khan thoi noh kơlih kơ 'Bok Kei-Dei tơ'bôh kơ sư 'Bok Krist sơ̆, Sư 'lơ̆ng rŏ tơpă, na Êsai chih roi tơdrong 'Bok Krist.

Tơdrông Tơ'bôh 1:15

Jơ̆ng Sư hơdah 'brŭng dreng thoi mam ngơr đe 'buh tơ ŭnh, 'bơ̆r Sư pơma mơ̆ng thoi jơwa đak chơkơi.

Tơdrông Tơ'bôh 14:2

Inh đei kơtơ̆ng dơ̆ng 'bơ̆r pơma jơwa đơ̆ng plĕnh thoi lĕ kơ jơwa đak chơkơi păng thoi jơwa grơ̆m glaih, jơwa noh thoi jơwa bơngai tơpôl reh brŏ kư̆m đei.

Tơdrông Tơ'bôh 18:1

Klaih kơ noh inh 'bôh minh 'nu linh jang nai jur đơ̆ng plĕnh pran kơtang 'lơ̆ng klă klang rang jơ̆p teh.

Tơdrông Tơ'bôh 19:1

Đơ̆ng noh inh kơtơ̆ng tơ plĕnh ti thoi lĕ kơ 'bơ̆r bơngai tơpôl lơ pơma 'bơ̆r re khan: “Halêluya, ư-ang kơ 'Bok Kei-Dei dŏng pơklaih kon bơngai. Sư mơsêh mơyang tih-tin tơpă.

Tơdrông Tơ'bôh 19:6

Đơ̆ng noh inh kơtơ̆ng 'bơ̆r bơngai tơpôl pơma jơwa thoi đak chơkơi, thoi grơ̆m glaih thoi âu: “Halêluya, ư-ang kơ 'Bok Kei-Dei Kră Yang Tih Hloh. Sư wă pơgơ̆r tôm tơdrong ngăl boih.

Tơdrông Tơ'bôh 21:11

Pơlei ei 'lơ̆ng rŏ tơpă yua kơ đei 'Bok Kei-Dei oei tơ noh. Pơlei ei rang hơdah dang tơpei hu, dang tơpei maih, rang kok thoi amĭl.

Tơdrông Tơ'bôh 21:23

Pơlei noh ưh kơ kăl kơ măt 'năr dah khei pơchrang hơdah ăn ôh, yua kơ tơdrong mơsêh 'Bok Kei-Dei hăm Kon Triu pơchrang ăn hơdah boih.