Êsêkiên 42:20 - Sơ̆p Hlabơar Nơ̆r 'Bok Kei-Dei

²⁰ Thoi noh sư pơtŏ puăn pah jum dăr kơ cham hnam akŭm tor pơđăm-hrĕng hơgăt, wơ̆l pơđăm-hrĕng hơgăt; tơnăr âu plah sơlam anih 'lơ̆ng rơgoh păng anih hmă.

Êsêkiên 42:20 ပူးပေါင်းရင်းမြစ်များ

Êsêkiên 45:2

Lăm teh noh, lu iĕm iŏk lê̆ dơ'bŭng tor pơđăm-hrĕng hơgăt, wơ̆l pơđăm-hrĕng hơgăt lê̆ kơ pơm anih hnam akŭm 'lơ̆ng rơgoh; jum dăr teh noh kư̆m lê̆ trong pơđăm-jĭt hơgăt.

Êsêkiên 40:5

To, đei dur tơ 'nguaih jum dăr kơ anih hnam akŭm. Bơngai noh chĕp 'long pơtŏ kơjung tơdrâu hơgăt minh hơđa. Lăm rim hlok kơjung hloh kơ hlok hmă minh hơđa. Bơngai noh pơtŏ hơ'bơ̆l dur minh hlok, kơjung minh hlok.

Êsêkiên 22:26

Lu 'bok soi pơm glăi kơ khôi juăt Inh, pơm 'mê̆-'mach kơ tơmam rơgoh Inh. Lu sư ưh kơ băt lăng ayơ rơgoh, ayơ hmă, ưh kơ băt bơtho tơ'bôh ayơ 'mê̆-'mach, ayơ rơgoh. Lu sư tep măt ưh kơ kiơ̆ lu năr Sa'bat Inh, lei na pơm pơ'mê̆ kơ Inh boih lăm lu sư.

Sa 2:5

Yua kơ Inh, Kră Yang: ‘Inh gô pơm dur pơlei noh hăm ŭnh păng gô đei tơdrong ư-ang tơ lăm sư.’ ”

Êsêkiên 48:15

Teh oei wơ̆l pơđăm-rơbâu hơgăt păng tor 'bar-jĭt pơđăm-rơbâu hơgăt tor, noh 'măn lê̆ wă yua lăm pơlei tih, pơm hnam oei gah 'nguaih rong 'nhĕt, pơm pơlei tih lăm tŏk-bŏk.

Êsêkiên 44:23

Lu sư gô bơtho khan kơ kon pơlei băt kơ tơdrong kiơ mă 'lơ̆ng rơgoh Păng tơdrong kiơ mă hmă đĕch, tơdrong kiơ 'mê̆-'mach păng băt tơdrong kiơ mă rơgoh.

Êsai 60:18

Lăm dêh char ih gô ưh pă kơtơ̆ng bơih gah tơdrong pơm kơnê̆, mă lăm hơdral teh đak ih kư̆m ưh pă đei pơchah răm dơ̆ng bơih; mă-lei ih gô krao dur ih kơdih noh tơdrong “Dŏng pơklaih” 'măng jang ih kơdih noh tơdrong “Bơnê ư-ang.

II Kor 6:17

“Thoi noh yua kơ Inh Kră Yang iĕm na Inh athei iĕm lĕch jăk đơ̆ng lu bơngai ưh kơ lui. Tơklah đơ̆ng lu sư, 'nĕ pă pel 'bơm dôm tơdrong kơnê̆ 'mê̆-'mach lu sư, na Inh gô sơng iŏk iĕm.

Luka 16:26

Păng kư̆m đei sơlŭng jrŭ păng să tăm sơlam bơ̆n, na mă nhôn wă năm tơ iĕm ưh kơ gơh păng iĕm wă năm tơ nhôn kư̆m ưh kơ gơh mơ̆n.’

Mi 7:11

Gô đei lăm năr ei kơnh dur iĕm đe gô man pơdơ̆ng ming, lăm năr noh tơdrong pơkă khan gô pơih rai să.

Êsêkiên 48:20

Lu iĕm athei 'măn lê̆ minh 'bôt teh dơ'bŭng 'bar-jĭt pơđăm-rơbâu hơgăt kơ minh pah pơm teh 'lơ̆ng rơgoh hăm teh pơlei tih.

Êsai 26:1

Lăm năr noh tơ dêh Juđa, đe gô hơri 'bai âu: Lu bơ̆n đei pơlei tih kơjăp! Kră Yang 'Bok Kei-Dei ăn tơdrong dŏng pơklaih Sư pơm thoi dur pơlei kơjăp.

Êsai 25:1

Ơ Kră Yang Ih bơih Kră Yang 'Bok Kei-Dei inh! Inh ư-ang kơ Ih, inh bơnê pôk pơư kơ anăn Ih, Ih đei pơm boih tơdrong hlĭch, tơdrong Ih pơkă lê̆ đơ̆ng sơ̆, hăm tơdrong tơpăt sĭt.

Hơri Hiôk 2:9

Bơngai mă inh hơyuh nhen thoi kơtŏng. Dah thoi juei dăm. To sư dơ̆ng tơ rŏng tơnăr hnam nhôn. Sư tơmang đơ̆ng 'măng-'mŏk, Sư gŏk lăng đơ̆ng 'măng hơdrao.

Lêwi 10:10

Wă kơ iĕm gơh kơnăl tơdrong 'lơ̆ng hăm tơdrong kơnê̆, tơdrong rơgoh păng tơdrong ưh kơ rơgoh.

Êsêkiên 42:19

Sư weh pơtŏ gah bơmơ̆t, đei pơđăm hơgăt kiơ̆ kơ tơlei pơtŏ.

Êsêkiên 43:12

Âu khôi juăt gah hnam akŭm: Đĭ-đăng anih tăp dăr kơ kơpal kông, noh anih 'lơ̆ng rơgoh. Noh boih khôi juăt hnam akŭm. Chơnang soi