21 Lu jrăng 'măng anih 'lơ̆ng rơgoh sư dơ'bŭng. Păng 'măng 'bơ̆t anăp anih 'lơ̆ng rơgoh hloh kư̆m lei-lăi thoi noh.
Trong mơ̆t tơ Anih Rơgoh, sư kư̆m pơm jrăng 'măng puăn pah hăm 'long ôliwơ,
Sư pơtŏ lu jrăng gah cheng đei tơdrâu-jĭt hơgăt. Puăn pah 'măng jang đei cham tăp dăr.
Bơngai pơtŏ kơdeng 'măng jang đei tơhngam hơgăt păng lu jrăng tơjră 'bar hơgăt; kơdeng lăm 'măng jang tơklă gah hnam akŭm,
Sư anhăk ba inh tơ lăm anih 'lơ̆ng rơgoh, Sư pơtŏ lu jrăng tơjră, să sư đei tơdrâu hơgăt, jrăng rim pah tŏ ăi.