Êsêkiên 41:18 - Sơ̆p Hlabơar Nơ̆r 'Bok Kei-Dei

¹⁸ Chhơ̆ rup chêrubim hăm rup 'long gol, minh rup 'long gol tŏk-bŏk sơlam 'bar tŏ rup chêrubim; rim kơ chêrubim đei 'bar pah măt,

Êsêkiên 41:18 ပူးပေါင်းရင်းမြစ်များ

I Pot 6:35

Pơtao Sôlômôn sư chhơ̆ lu rup chêrubim, 'long gol păng pơkao 'nao tơlang, sư kư̆m bah hăm maih, lu trong rek đêl chhơ̆.

I Pot 7:29

Rim tơnăr 'noh sư hling đei rup dăm-brang, rup rơmo păng rup chêrubim, sư pơm kơpal păng ala kơ rup dăm-brang, rup rơmo, păng rup chêrubim đei chhơ̆ rup pơkao ngăl.

I Pot 7:36

Kơpal kơ mam blat gơnăp hơpôm kơpal lu tơmam blat akâu gre sư chhơ̆ lu rup chêrubim, dăm-brang, hla gol, anih ayơ oei rơhơi sư chhơ̆ trong pơkao tăp dăr.

II Ho 3:5

Tơnăr hnam akŭm, đe pĕng păng tơ̆r 'long hơngo lom hăm maih se, chhơ̆ rup 'long gol păng chhơ̆ rup glang tơ noh.

II Ho 3:7

Hnam akŭm sư lom hăm maih, tơ̆r roh hơdrông, không 'măng, tơnăr păng 'măng hnam akŭm, 'bơ̆t tơnăr đe chhơ̆ rup chêrubim.

Êsêkiên 1:10

Muh măt lu sư thoi âu: Rim kơ lăm puăn tŏ noh đei muh măt thoi kon bơngai, rim lăm puăn tŏ noh đei muh măt dăm-brang gah 'ma; rim lăm puăn tŏ noh đei muh măt rơmo gah 'ngiĕo; păng rim lăm puăn tŏ noh đei muh măt sem klang.

Êsêkiên 10:14

Rim kơ chêrubim đei puăn tŏ muh măt; mă minh muh măt chêrubim, mă 'bar muh măt bơngai, mă pêng muh măt dăm-brang, mă puăn muh măt sem klang.

Êsêkiên 10:21

Rim chêrubim đei puăn pah muh măt păng puăn pah pơnăr, ala kơ lu pơnăr đei hơbŏ thoi ti kon bơngai.

Êsêkiên 40:16

Lu anih gak păng lu jrăng cheng đei 'măng-'mŏk tăp dăr gah lăm kơ 'măng jang jum dăr kơ kơdeng kư̆m đei 'măng-'mŏk tơ gah lăm păng lăp dăr kơ jrăng đei chhơ̆ rup 'long gol.

Êsêkiên 40:22

Lu 'măng-'mŏk, lu kơdeng, lu rup 'long gol să iĕ kư̆m lei-lăi kơ 'măng jang gah hơlĕch; đei tơpơh tŏ kơnao tŏk tơ noh păng đei kơdeng tơ anăp noh.

Êsêkiên 41:17

Kơpal trong mơ̆t, tơ anih 'lơ̆ng rơgoh, tơ lăm păng tơ 'nguaih, kơpal tơnăr tăp dăr, tơ lăm hăm tơ 'nguaih kư̆m đei chhơ̆ rup.

Êsêkiên 41:20

Đơ̆ng hơnă truh tơ kơpal măng, đei chhơ̆ rup chêrubim păng chhơ̆ rup 'long gol tơ jơ̆p kơ tơnăr hnam akŭm.

Êsêkiên 41:25

Đe đei chhơ̆ lu rup chêrubim păng lu 'long gol tơ kơpal 'măng hnam akŭm, kư̆m thoi đei chhơ̆ tơ tơnăr. Kơpal ‘măng mơ̆t tơ kơdeng anăp gah 'nguaih đei bơbŭng pơm păng tơ̆r.

Tơdrông Tơ'bôh 7:9

Klaih kơ noh inh 'bôh lơlap lơlang ưh kơ kĕ jô̆ ôh, yua kơ đơ̆ng rim dêh char, rim adrĕch adrung, rim khŭl bơngai, rim kơ nơ̆r pơma, lu sư dơ̆ng 'bơ̆t anăp tang-dŏ 'Bok Kei-Dei păng Kon Triu. Lu sư tă ling hrŭk ao tai kok păng chĕp sơdrai hla.