Êsêkiên 40:6 - Sơ̆p Hlabơar Nơ̆r 'Bok Kei-Dei

⁶ Sư năm tơ măng jang gah hơlĕch, sư tŏk rim kơnao wă pơtŏ kơtơ̆n 'măng, wơ̆l minh hlok.

Êsêkiên 40:6 ပူးပေါင်းရင်းမြစ်များ

I Pot 6:8

'Măng mơ̆t tơ anih ala gah cheng Hnam akŭm gah gơal, đe yua kung dăr kơdŭt hơbâu jur tŏk tơ anih tăl tŏk-bŏk, na gơh tŏk tơ tăl mă pêng.

I Ho 9:18

Lu sư gak 'Măng Jang Pơtao gah hơlĕch truh tơ dang ei lu sư wei gak 'măng jang kơđông bơngai Lêwi.

I Ho 9:24

Lu bơngai gak 'măng jang puăn pah, gah hơlĕch, gah bơmơ̆t, gơal păng gah yă-nơ̆m.

Ne 3:29

Pơtrơp đơ̆ng đe noh, Sađơ̆k kon drŏ-nglo Immer pơm hơmet tơklă hnam lu sư kơdih, 'blă kơ đe noh đei Sêmaia, kon drŏ-nglo Sêkania bơngai wei-lăng 'măng dur pơm hơmet.

Horiso 84:10

Minh năr lăm cham hnam akŭm Ih gĭt hloh kơ minh-rơbâu năr tơ anih nai. Lê̆ inh jing bơngai wei 'măng dur lăm hnam Ih, Hloh kơ oei lăm hnam lu bơngai pơm kơnê̆.

Je 19:2

Năm tơ lăm Thŭng Ben Hinôm, jê̆ trong mơ̆t tơ 'Măng Jang Ge Pơchah, athei roi tơbăt lu nơ̆r mă Inh gô ăn kơ ih tơ noh.

Êsêkiên 10:18

Tơdrong ư-ang rang mơnhal Kră Yang lĕch đơ̆ng anăp 'măng hnam akŭm na dơ̆ng tơ kơpal lu chêrubim.

Êsêkiên 11:1

Yang Bơhngol hơtŏk inh tơ kơpal păng 'nhăk ba inh tơ 'măng jang hnam Kră Yang gah hơlĕch. 'Bơ̆t trong mơ̆t tơ 'măng jang noh đei 'bar-jĭt pơđăm 'nu drŏ-nglo; lăm lu sư inh 'bôh Jaasania kon drŏ-nglo Asur, păng Phêlatia kon drŏ-nglo Bênaia, kră pơgơ̆r kon pơlei.

Êsêkiên 40:20

Sư pơtŏ kơ tor păng wơ̆l 'măng jang mơ̆t tơ cham 'nguaih gah yă-nơ̆m.

Êsêkiên 40:22

Lu 'măng-'mŏk, lu kơdeng, lu rup 'long gol să iĕ kư̆m lei-lăi kơ 'măng jang gah hơlĕch; đei tơpơh tŏ kơnao tŏk tơ noh păng đei kơdeng tơ anăp noh.

Êsêkiên 40:24

Kơplah noh sư chông ba inh năm tơ gah gơal. Tơ noh đei 'măng jang gah gơal. Sư pơtŏ lu jrăng 'măng jang tơ gah to, lu jrăng gah cheng păng kơdeng, să iĕ lu sư kư̆m lei-lăi thoi lu 'măng jang nai.

Êsêkiên 40:26

Kung đei tơpơh hơgăt wă tŏk păng đei kơdeng 'bơ̆t anăp. Rim kơ 'măng-'mŏk đei jrăng gah cheng tă kơ đei chhơ̆ rup 'long gol.

Êsêkiên 40:5

To, đei dur tơ 'nguaih jum dăr kơ anih hnam akŭm. Bơngai noh chĕp 'long pơtŏ kơjung tơdrâu hơgăt minh hơđa. Lăm rim hlok kơjung hloh kơ hlok hmă minh hơđa. Bơngai noh pơtŏ hơ'bơ̆l dur minh hlok, kơjung minh hlok.

Êsêkiên 40:7

Lu anih gak tor minh hlok păng wơ̆l minh hlok, dur tŏk-bŏk lăm lu anih gak să pơđăm hlok; 'măng kơdeng lăm wơ̆l să minh hlok.

Êsêkiên 41:16

lu kơtơ̆n 'măng, lu 'măng-'mŏk pơ̆ng dơhlông, lu kơdeng jum dăr, đei pêng pah gah anăp tơklă kơ kơtơ̆n 'măng, lăm hnam akŭm đe pơ̆ng tơ̆r 'long tăp dăr. Đơ̆ng teh truh lu 'măng-'mŏk, lu 'măng-'mŏk đe pơ̆ng lom đĭ.

Êsêkiên 42:15

Đang kơ pơtŏ keh lăm hnam akŭm sư anhăk ba inh lĕch trong 'măng gah hơlĕch tơ cham gah 'nguaih păng pơtŏ jum dăr cham gah 'nguaih kơ hnam akŭm.

Êsêkiên 43:1

Na sư anhăk ba inh truh tơ 'măng jang gah hơlĕch.

Êsêkiên 43:17

Không tŏk-bŏk chơnang soi tor wơ̆l mơjĭt-puăn hlok puăn pah dơ'bŭng đei gơnăp jum dăr minh puăt hơgăt; đei hơbong jum dăr minh hơgăt, lu kơnao sư noh tơwih gah hơlĕch.

Êsêkiên 43:8

Đơ̆ng lu sư dan kơtơ̆n 'măng hnam lu sư 'bơ̆t jê̆ kơtơ̆n 'măng hnam Inh, dan jrăng 'măng hnam lu sư jê̆ jrăng 'măng hnam Inh, đei tơnăr pĕng găn sơlam Inh păng lu sư đĕch, lu sư pơm kơnê̆ 'mê̆-'mach boih kơ anăn 'lơ̆ng rơgoh Inh. Kơplah lu sư pơm tơdrong kơnê̆ krưp noh, lei na Inh đei pơlôch pơrăm lê̆ lu sư lăm năr Inh hil mĭl.

Êsêkiên 44:1

Na sư chông ba inh năm tơ 'măng 'nguaih kơ anih 'lơ̆ng rơgoh, 'măng noh gah hơlĕch; mă-lei 'măng noh đe tang lê̆ boih.

Êsêkiên 46:12

Mưh yŏng pơgơ̆r pơyơ̆r tơmam soi 'buh, jơhngơ̆m wă kơdih, dah tơmam soi apinh hiôk-hian, jơhngơ̆m wă kơdih ăn kơ Kră Yang, măng jang gah hơlĕch đe pơih kơ sư. Sư gô pơyơ̆r tơmam soi 'buh păng tơmam soi apinh hiôk-hian thoi đei pơm lăm năr Sa'bat, na sư lĕch, mưh sư lĕch hlôi boih, 'măng jang đe gô tang lê̆ dơ̆ng.

Êsêkiên 47:1

Bơngai noh, sư chông ba inh wih dơ̆ng tơ ‘măng mơ̆t tơ anih hnam akŭm; na inh 'bôh đak ro đơ̆ng ala kơtơ̆n 'măng anih hnam akŭm, ro gah hơlĕch; yua kơ anăp hnam akŭm tơ gah hơlĕch, Đak đơ̆ng ala 'măng hnam akŭm gah gơal ro năm tơ gah gơal kơ chơnang soi.

Êsêkiên 8:16

Na, Kră Yang Sư ba inh mơ̆t tơ cham hnam Kră Yang; păng tơ noh trong mơ̆t tơ hnam kơkuh kơ Kră Yang, tŏk-bŏk kơdeng 'măng păng chơnang soi, inh 'bôh đei dang 'bar-jĭt pơđăm 'nu bơngai drŏ-nglo, rŏng tơwih kơ hnam Kră Yang păng muh măt lu sư tơwih gah hơlĕch, drap kơkuh kơ măt 'năr đơ̆ng hơlĕch.