Êsêkiên 40:2 - Sơ̆p Hlabơar Nơ̆r 'Bok Kei-Dei

² Lăm tơdrong tơ'bôh đơ̆ng Kră Yang 'Bok Kei-Dei, Sư chông ba inh năm tơ char Isơrael păng dan inh 'bơ̆t kông kơjung, kơpal kông. Gah gơal kông noh 'bôh đei minh pôm pơlei.

Êsêkiên 40:2 ပူးပေါင်းရင်းမြစ်များ

I Ho 28:12

Pơtao kư̆m pơjao dơ̆ng đĭ-đăng rup đơ̆ng Yang Bơhngol mă đei ăn lăm kơ̆l đon sư, gah hnam Kră Yang păng gah lu anih puăn pah, gah hnam tah tơmam Kră Yang 'Bok Kei-Dei păng gah lu hnam 'măn tơmam pơyơ̆r,

I Ho 28:19

Đawit pơma khan: “Đĭ-đăng lu 'nâu, inh đei đơ̆ng ti Kră Yang tơhlâu, păng ăn kơ inh hlôh băt đĭ-đăng rim tơdrong wă pơm.”

Horiso 48:2

Kông Siôn 'lơ̆ng rŏ chơngôl kơjung, thoi anih kơjung Saphon noh, kông Siôn pơlei kơ pơtao tih oei, jing tơdrong chơt hiôk kơ đĭ teh đak.

Êsai 14:13

Mă ih tơchĕng lăm to khan: “Inh gô tŏk tơ kơpal plĕnh, inh gô hơtŏk tang-dŏ pơtao inh tơ kơpal hloh kơ lu hơnglŏng Kră Yang 'Bok Kei-Dei, inh gô tŏk hơ-oei kơpal tang-dŏ pơtao tơ kơpal kông anih lu yang akŭm, tôch tơ gah yă-nơ̆m.

Êsai 48:2

Lu iĕm khan lu iĕm kơdih kon pơlei đơ̆ng pơlei 'lơ̆ng rơgoh, păng gơnang kơ Kră Yang 'Bok Kei-Dei Isơrael, anăn Sư Kră Yang Tih Hloh.

Êsêkiên 1:1

Lăm sơnăm pêng-jĭt, năr pơđăm khei puăn, kơplah inh oei hơdai hăm lu bơnă tơ krong Kêbar, lu plĕnh tơpơih păng inh lăng đei tơdrong tơ'bôh đơ̆ng Kră Yang 'Bok Kei-Dei.

Êsêkiên 20:40

Kră Yang khan: Tơ kơpal kông rơgoh Inh, tơ kơpal kông Isơrael, tơ noh đĭ adrĕch Isơrael, đĭ-đăng kơ lu sư lăm dêh char gô awih awăn kơ Inh. Tơ noh Inh gô sơng iŏk lu sư; Inh gô iŏk tơmam pơyơ̆r păng tơmam pơyơ̆r plei blŭng-a, hăm tơmam soi 'lơ̆ng rơgoh lu sư.

Êsêkiên 37:22

Inh gô akŭm lu sư jing minh adrĕch adrung lăm char noh, tơ kơpal groi kông Isơrael. Lu sư đei minh 'nu pơtao pơgơ̆r đĕch. Lu sư ưh pă đei 'bar adrĕch adrung păng ưh pă klah 'bar tŏ dêh char pơtao dơ̆ng.

Êsêkiên 41:1

Sư anhăk ba inh tơ lăm anih 'lơ̆ng rơgoh, Sư pơtŏ lu jrăng tơjră, să sư đei tơdrâu hơgăt, jrăng rim pah tŏ ăi.

Êsêkiên 43:12

Âu khôi juăt gah hnam akŭm: Đĭ-đăng anih tăp dăr kơ kơpal kông, noh anih 'lơ̆ng rơgoh. Noh boih khôi juăt hnam akŭm. Chơnang soi

Êsêkiên 8:3

Sư yơ̆r kiơ noh thoi tơpang ti, rôp sŏk tơ kơpal kơ̆l inh. Yang Bơhngol pôk hơtŏk inh tŏk-bŏk teh hăm plĕnh, păng lăm tơdrong Kră Yang 'Bok Kei-Dei tơ'bôh sư ba inh mơ̆t tơ pơlei Jêrusalem tơ trong 'măng jang gah yă-nơ̆m kơ cham gah lăm, anih mă đe dan rup yang areh wă khan rup yang mă pơm kơ 'Bok Kei-Dei areh.

Da 7:1

Sơnăm blŭng-a chăl pơtao Belsatsar pơgơ̆r, teh đak Babilôn, Đaniel apo 'bôh păng đei 'bôh lăm tơdrong tơchĕng kơplah sư oei 'bĭch kơpal giơng sư. Na sư chih hloi dôm tơdrong apo noh păng roi tơblang lu tơdrong noh.

Da 7:7

Đơ̆ng rŏng inh lăng dơ̆ng mă tơdrong tơ'bôh kơ inh tơ kơmăng noh, 'nâu đei sem brem mă puăn, krưp dêh, kơtang tơpă păng đei jơhngơ̆m pran dêh tơpă. Sem brem noh đei grĕng bơsei tih tih; sư kơkă hĕch đĭ, luăn sa păng sư pơjuă lê̆ đĭ lu tơmam sa hăm jơ̆ng, sư pha kơ lu kon sem brem truh adrol noh păng đei mơjĭt tŏ hơke.

Mi 4:1

Tơdrong truh lăm năr đơ̆ng rŏng kơnh, hnam Kră Yang gô pơjing pơdơ̆ng pơm hơtŏk tơ rim kơ̆l kông kơjung păng đe kư̆m gô tơiung sư rai dêh hloh kơ lu kông groi. Lu kon pơlei gô jur năm luh leng tơ noh;

Jang 16:9

Truh tơ Pơlei Trôs boih Pôl tep kơmăng sư apo 'bôh minh 'nu bơngai đơ̆ng dêh char Masêđôn pơma kơ sư khan: “Apinh ih năm tơ dêh char Masêđôn tơgŭm lu nhôn 'biơ̆.”

Jang 2:17

‘'Bok Kei-Dei khan: Lăm năr hơtuch kơnh, Inh wă ăn Yang Bơhngol Inh kơ jơ̆p-jang bơngai. Lu kon drŏ-nglo drŏ-kăn sư wă pơma nơ̆r khan lê̆ hơdrol, lu tơdăm gô apo 'bôh lu tơdrong mă ưh tam mă truh, lu 'bok kră gô apo mơ̆n.

Galati 4:26

Mă-lei kư̆m đei minh pôm Pơlei Jêrusalem nai tơ kơpal plĕnh ti đĕch gơh rơngei. Lu bơngai mă gô oei tơ noh gơh rơngei, yua kơ lu sư lui kơ Yêsu Krist. Pơlei noh wă pơtih gia kơ yă Sara mĕ bơ̆n.