Êsêkiên 40:17 - Sơ̆p Hlabơar Nơ̆r 'Bok Kei-Dei

¹⁷ Sư chông ba inh năm tơ cham gah 'nguaih, tơ noh đei lăm lu anih, pơm hơnă păng tơmo jum dăr kơ cham; đei pêng-jĭt tŏ anih pơm tơklă hơnă păng tơmo.

Êsêkiên 40:17 ပူးပေါင်းရင်းမြစ်များ

I Pot 6:5

Tơ rok tơnăr Hnam akŭm, sư pơm anih tăp dăr păng anih rơgoh, sư kư̆m pơm lơ anih tăp dăr.

II Pot 23:11

Lu sư teh pơpuh lu aseh mă lu pơtao đe Juđa pơyơ̆r ăn kơ yang măt 'năr, pơdơ̆ng 'bơ̆t 'măng mơ̆t tơ Hnam akŭm kơkuh kơ Kră Yang, jê̆ hnam linh krĕo anăn sư Nathan Mêlek, 'bơ̆t cham Hnam akŭm,’ Jôsia soh rŭk lê̆ đĭ lu gre aseh pơyơ̆r kơ yang măt 'năr.

I Ho 23:28

Tơdrong jang lu bơngai Lêwi tơgŭm kon sâu Arôn, wă bơ̆jang lăm hnam Kră Yang, wei-lăng lu cham hnam, păng lu anih cheng, pơm rơgoh lu tơmam 'lơ̆ng rơgoh păng lăng awih awăn lăm hnam Kră Yang 'Bok Kei-Dei.

I Ho 9:26

Na puăn 'nu bơngai Lêwi pơm yŏng wei-lăng lu bơngai gak wei 'măng jang lu sư jao ăn tơdrong jang, păng wei-lăng lăm lu anih păng lu anih tah tơmam lăm anih akŭm Kră Yang 'Bok Kei-Dei.

II Ho 31:11

Hesekia athei đe hơmet lu anih mong tơ Hnam Kră Yang; na lu đe hơmet lu hnam noh.

Le 27:9

Ih athei pơm Bơsŭn Anih Akŭm, gah gơal athei đei che pĕng tanh che 'bui brai se kơjung minh-hrĕng hơgăt.a

Êsêkiên 10:5

Re jơwa đơ̆ng pơnăr chêrubim tơtuh đe kơtơ̆ng truh tơ cham 'nguaih, re thoi nơ̆r Kră Yang 'Bok Kei-Dei Tih Hloh pơma.

Êsêkiên 40:18

Hơnă pơm hăm tơmo pơm pơroh rok kiơ̆ truh tơ lu măng jang, wơ̆l sư hơtŏ kơ tor 'măng jang. Noh hơnă tơmo cham ala.

Êsêkiên 40:38

Đei minh anih đei 'măng jih kơdeng 'măng jang, tơ noh đe ôp tơmam soi 'buh.

Êsêkiên 40:44

Tơ cham lăm đei 'bar anih, minh gah cheng kơ 'măng jang yă-nơ̆m, tơklă tơ gah gơal păng đei minh anih dơ̆ng gah 'măng jang hơlĕch, tơklă tơ gah yă-nơ̆m.

Êsêkiên 40:45

Sư khan kơ inh: “Anih mă tơklă gơal âu 'măn lê̆ kơ lu 'bok soi mă wei-lăng hnam akŭm.

Êsêkiên 40:46

Anih mă tơklă gah yă-nơ̆m 'măn lê̆ kơ lu 'bok soi wei chơnang soi. Noh lu kon drŏ-nglo Sađŏk, lăm lu adrĕch Lêwi gơh năm jê̆ wă bơ̆jang kơ Kră Yang.”

Êsêkiên 41:10

Hăm lu anih cheng jih dur cham lăm wơ̆l 'bar-jĭt hơgăt. ‘Noh jum dăr kơ hnam akŭm puăn pah.

Êsêkiên 41:6

Lu anih cheng đei pêng tăl, kơpơ̆ng ala lăm minh tăl đei pêng-jĭt tŏ lăm; anih hnam noh đei jrăng tơjră kơdih, ưh kơ hơgơn tơ tơnăr hnam akŭm.

Êsêkiên 42:1

Sư chông ba inh lĕch tơ cham 'nguaih, gah yă-nơ̆m, ba inh mơ̆t tơ lăm anih tơklă hăm cham hnam akŭm păng dur gah yă-nơ̆m.

Êsêkiên 42:10

Tơm tơnăr cham lăm hnam akŭm gah gơal, tơklă 'bơ̆t sơlam hnam akŭm đei lu anih.

Êsêkiên 42:3

Hơlam rơhơi să 'bar-jĭt hơgăt tơklă cham lăm păng, hơnă tơmo tơ cham 'nguaih, đei lu kơdeng pơtrơp băl pêng tăl.

Êsêkiên 42:4

'Bơ̆t anăp lu anih đei trong wơ̆l mơjĭt hơgăt, tor kơjung đei minh-hrĕng hơgăt. Păng đei lu trong năm mơ̆t tơ gah yă-nơ̆m.

Êsêkiên 44:1

Na sư chông ba inh năm tơ 'măng 'nguaih kơ anih 'lơ̆ng rơgoh, 'măng noh gah hơlĕch; mă-lei 'măng noh đe tang lê̆ boih.

Êsêkiên 45:5

Minh pah nai lăm teh noh tor 'bar-jĭt pơđăm-rơbâu hơgăt wơ̆l sư mơjĭt-rơbâu hơgăt, noh 'măn lê̆ kơ lu bơngai Lêwi, lu bơngai âu awih awăn lăm anih hnam akŭm teh noh lu sư pơm pơlei oei păng jang sa.

Êsêkiên 46:21

Sư kư̆m chông ba inh tơ cham gah 'nguaih, chông inh năm tơ puăn pah mum cham; âu inh 'bôh tơ rim mum cham đei minh hlak cham nai.

Tơdrông Tơ'bôh 11:2

Gah tơ 'ngoaih hnam tơ cham ih lê̆ kơ pơtŏ kư̆m bưh, yua kơ cham noh đe pơjao ăn kơ lu bơngai oei tơ teh âu juă lăm pơlei 'lơ̆ng wă khan Pơlei Jêrusalem kơplah lăm puăn-jĭt 'bar khei.