Êsêkiên 40:16 - Sơ̆p Hlabơar Nơ̆r 'Bok Kei-Dei

¹⁶ Lu anih gak păng lu jrăng cheng đei 'măng-'mŏk tăp dăr gah lăm kơ 'măng jang jum dăr kơ kơdeng kư̆m đei 'măng-'mŏk tơ gah lăm păng lăp dăr kơ jrăng đei chhơ̆ rup 'long gol.

Êsêkiên 40:16 ပူးပေါင်းရင်းမြစ်များ

I Pot 6:29

Tơ tơnăr tăp dăr kơ Hnam akŭm lăm Anih Rơgoh păng Anih Rơgoh Hloh sư chhơ̆ lu rup chêrubim, 'long gol, păng pơkao 'nao tơlang.

I Pot 6:32

'Bơ̆t 'bar pah tơnang 'măng pơm hăm 'long ôliwơ noh, sư chhơ̆ rup chêrubim, 'long gol păng pơkao 'nao tơlang, sư hling hăm maih tơ rup chêrubim păng 'bơ̆t rup 'long gol rup pơkao 'nao tơlang.

I Pot 6:35

Pơtao Sôlômôn sư chhơ̆ lu rup chêrubim, 'long gol păng pơkao 'nao tơlang, sư kư̆m bah hăm maih, lu trong rek đêl chhơ̆.

I Pot 6:4

Sôlômôn sư kư̆m pơm 'măng-'mŏk Hnam akŭm pơkăp đei dơhlông găn.

I Pot 7:4

Đei pêng trong 'măng-'mŏk sư pơrĕng tơklă băl, kư̆ kơ rim pêng tŏ 'măng-'mŏk sư minh khŭl.

II Ho 3:5

Tơnăr hnam akŭm, đe pĕng păng tơ̆r 'long hơngo lom hăm maih se, chhơ̆ rup 'long gol păng chhơ̆ rup glang tơ noh.

Horiso 92:12

Bơngai tơpăt gô bluh thoi 'long gol păng gô rai kơjung thoi 'long hơngo tơ char Liban.

Êsêkiên 40:12

'Bơ̆t anăp rim anih gak đei war găn să kơjung sư minh hơgăt; păng anih gak rim pah đei tơdrâu hơgăt.

Êsêkiên 40:15

Đơ̆ng anăp 'măng jang iŏk đơ̆ng trong mơ̆t truh tơ tôch kơdeng lăm 'măng jang đei pơđăm-jĭt hơgăt.

Êsêkiên 40:25

Lu măng jang păng kơdeng tă kơ đei 'măng-'mŏk jum dăr thoi lu 'măng-'mŏk 'măng jang gah to. Tor sư pơđăm-jĭt hơgăt wơ̆l sư 'bar-jĭt pơđăm hơgăt.

Êsêkiên 40:26

Kung đei tơpơh hơgăt wă tŏk păng đei kơdeng 'bơ̆t anăp. Rim kơ 'măng-'mŏk đei jrăng gah cheng tă kơ đei chhơ̆ rup 'long gol.

Êsêkiên 40:29

Lu anih gak lu jrăng cheng kơdeng să iĕ kư̆m lei-lăi lu adrol. 'Măng jang păng kơdeng đei 'măng-'mŏk jum dăr; tor pơđăm-jĭt hơgăt, wơ̆l 'bar-jĭt pơđăm hơgăt.

Êsêkiên 40:30

Rim 'măng jang jum dăr kơ cham gam lăm đei kơdeng, tor 'bar-jĭt pơđăm hơgăt, wơ̆l pơđăm hơgăt.

Êsêkiên 40:31

Kơdeng tơklă gah cham 'nguaih; đei rup 'long gol tơ lu jrăng păng kung đei tơhngam kơnao wă tŏk.

Êsêkiên 40:33

Lu anih gak, lu jrăng gah cheng păng kơdeng să iĕ kư̆m lei-lăi kơ adrol. 'Măng jang hăm kơdeng đei 'măng-'mŏk jum dăr, kơjung tor pơđăm-jĭt hơgăt, wơ̆l 'bar-jĭt pơđăm hơgăt.

Êsêkiên 40:34

Kơdeng tơklă gah cham 'nguaih; rim pah jrăng cheng, đei chhơ̆ rup 'long gol păng kung đei tơhngam kơnao wă tŏk.

Êsêkiên 40:36

Lu anih gak, lu jrăng cheng păng kơdeng kư̆m lei-lăi kơ adrol. Đei lu 'măng-'mŏk jum dăr. Kơjung tor pơđăm-jĭt hơgăt, wơ̆l 'bar-jĭt pơđăm hơgăt.

Êsêkiên 40:37

Kơdeng tơklă gah cham 'nguaih; rim kơ jrăng tơ rim pah đei chhơ̆ rup 'long gol păng kung đei tơhngam kơnao wă tŏk.

Êsêkiên 40:7

Lu anih gak tor minh hlok păng wơ̆l minh hlok, dur tŏk-bŏk lăm lu anih gak să pơđăm hlok; 'măng kơdeng lăm wơ̆l să minh hlok.

Êsêkiên 41:18

Chhơ̆ rup chêrubim hăm rup 'long gol, minh rup 'long gol tŏk-bŏk sơlam 'bar tŏ rup chêrubim; rim kơ chêrubim đei 'bar pah măt,

Êsêkiên 41:25

Đe đei chhơ̆ lu rup chêrubim păng lu 'long gol tơ kơpal 'măng hnam akŭm, kư̆m thoi đei chhơ̆ tơ tơnăr. Kơpal ‘măng mơ̆t tơ kơdeng anăp gah 'nguaih đei bơbŭng pơm păng tơ̆r.

Êsêkiên 41:26

Đei lu 'măng-'mŏk dơhlông păng lu rup 'long gol chhơ̆ tơ 'bar pah tơ kơpal kơ jrăng, lăm lu anih cheng hnam akŭm păng lu anih iĕ đei mơ̆n.

Êsêkiên 41:3

Sư mơ̆t tơ lăm anih 'lơ̆ng rơgoh hloh, pơtŏ lu jrăng 'bơ̆t trong 'măng mơ̆t 'bar hơgăt; wơ̆l 'măng mơ̆t să tơdrâu hơgăt; wơ̆l lu jrăng trong sư tơpơh hơgăt.

Êsêkiên 42:3

Hơlam rơhơi să 'bar-jĭt hơgăt tơklă cham lăm păng, hơnă tơmo tơ cham 'nguaih, đei lu kơdeng pơtrơp băl pêng tăl.

Yo 5:2

Tơ Pơlei Jêrusalem đei minh tŭm dơnâu đak 'bơ̆t jê̆ 'măng tơm pơlei mă đe anăn 'Măng Triu. Đak dơnâu ei lăm nơ̆r Juđê anăn khan dơnâu Betsatha. Tơ noh đei pơđăm tŏ prơng hnam.

I Kor 13:12

Dang ei bơ̆n băt tơdrong 'Bok Kei-Dei ưh kơ nhên ôh, mă-lei ning-mônh bơ̆n gô băt nhên tơpă, kư̆m thoi bơ̆n lăng muh măt đe tơ lăm amĭl mam ưh kơ gan nhên, mă-lei dah bơ̆n lăng tơklă muh măt sư bơ̆n gô băt nhên tơpă yơh. Tơdrong 'Bok Kei-Dei dang ei inh kư̆m ưh kơ hlôh tôm ôh, mă-lei ning-mônh inh gô hlôh tôm, kư̆m thoi 'Bok Kei-Dei hlôh tôm tơdrong inh dang ei mơ̆n.

Tơdrông Tơ'bôh 7:9

Klaih kơ noh inh 'bôh lơlap lơlang ưh kơ kĕ jô̆ ôh, yua kơ đơ̆ng rim dêh char, rim adrĕch adrung, rim khŭl bơngai, rim kơ nơ̆r pơma, lu sư dơ̆ng 'bơ̆t anăp tang-dŏ 'Bok Kei-Dei păng Kon Triu. Lu sư tă ling hrŭk ao tai kok păng chĕp sơdrai hla.