Êsêkiên 4:4 - Sơ̆p Hlabơar Nơ̆r 'Bok Kei-Dei

⁴ Klaih kơ noh, ih athei 'bĭch cheng gah 'ngiĕo păng Inh gô dan tơdrong yoch bơngai Isơrael tơ kơpal ih. Ih 'bĭch thoi noh hơdôm năr, pŭ chĕp tơdrong yoch lu sư kư̆m dang noh.

Êsêkiên 4:4 ပူးပေါင်းရင်းမြစ်များ

Êsêkiên 4:5

Inh đei hơgăt kơ ih kơsô̆ năr dang ăi hăm kơsô̆ sơnăm tơdrong yoch lu sư, jing pêng-hrĕng tơsĭn-jĭt năr, ih gô pŭ tơdrong yoch bơngai Isơrael.

Êsêkiên 4:8

Inh gô iŏk tơlei chô̆ ih, wă kơ ih ưh kơ gơh pơdăr gah to, gah âu, truh tơ đĭ năr ih wang pơlei.

Lêwi 10:17

Liơ măr iĕm ưh kơ sa 'nhĕm tơmam soi huai đơ̆ng yoch tơ anih 'lơ̆ng rơgoh? Yua kơ noh jing tơmam 'lơ̆ng rơgoh hloh mă đe ăn boih kơ lu iĕm, wă kơ lu iĕm pŭ đĭ-đăng tơdrong yoch kon pơlei pơla păng soi sơmah huai đơ̆ng yoch ăn kơ lu sư 'bơ̆t anăp Kră Yang.

Lêwi 16:22

Kon bơbe noh gô pŭ tơ akâu sư dôm tơdrong yoch kon pơlei Isơrael, lĕch tơ bri brah ưh kơ đei bơngai, đe achăng bơbe noh tơ tơmăn glă.

Jo 14:34

Lu iĕm gô yak dăr lăng hơdôm năr wă khan puăn-jĭt năr păng lu iĕm gô pŭ iŏk tơdrong phak đơ̆ng yoch lu iĕm kơdih dôm yơ, wă khan puăn-jĭt sơnăm, minh sơnăm jô̆ thoi minh năr; kơplah noh lu iĕm băt boih kơ Inh achăng lê̆ iĕm.

Jo 18:1

Kră Yang khan kơ Arôn: Ih, lu kon drŏ-nglo ih păng adrĕch adrung ih kư̆m gô pŭ iŏk lu tơdrong yoch lăm anih rơgoh; gah ih lu kon drŏ-nglo ih gô pŭ tơdrong yoch lăm tơdrong jang 'bok soi.

Mathiơ 8:17

Yêsu pơm thoi noh wă kơ 'blep trŏ thoi Êsai khan lê̆ hơdrol sơ̆ thoi âu: “Sư pơklaih tôm tơdrong jĭ jăn kon bơngai bơ̆n.”

Hêbrơ 9:28

Kư̆m thoi noh Yêsu jur lôch minh 'măng noh sơ̆ wă pơrăm tôm tơdrong yoch hloi. Mă pă 'măng Sư jur Sư ưh pă pơrăm tơdrong yoch boih, Sư jur wă iŏk dôm lu bơngai mă oei chang gô Sư dang ei.

I Pet 2:24

Sư lôch pơmat tơ 'long pơglang yua kơ tơdrong yoch bơ̆n, wă kơ bơ̆n jing bơngai tơpăt, bơ̆n jing thoi bơngai lôch ưh kơ băt pơm tơdrong yoch kiơ, na bơ̆n iung arih jing bơngai 'nao pơm tôm tơdrong 'lơ̆ng. Sư chu iŏk tơdrong đe pơjĭ pơmat Sư wă kơ bơ̆n klaih 'lơ̆ng.