Êsêkiên 4:14 - Sơ̆p Hlabơar Nơ̆r 'Bok Kei-Dei

¹⁴ Na inh khan: “Ơ! Kră Yang Tih Hloh; inh ưh kơ layơ pơm 'mê̆-'mach kơdih akâu đơ̆ng oei 'lơ̆p mă truh dang ei, inh kư̆m ưh kơ layơ sa tơmam lôch kơmăp dah đơ̆ng sem bri châu; păng ưh kơ đei 'nhĕm 'mê̆-'mach ayơ mă đei tah sa lăm 'bơ̆r inh.”

Êsêkiên 4:14 ပူးပေါင်းရင်းမြစ်များ

Le 22:30

Gah lu triu păng rơmo ih kư̆m athei pơm thoi noh mơ̆n, lăm tơpơh năr blŭng-a lê̆ oei hơdai mĕ sư, năr mă tơhngam ih athei pơyơ̆r sư kơ Inh.

Le 22:31

Lu iĕm gô jing bơngai 'lơ̆ng rơgoh 'măn kơ Inh, yua kơ thoi noh 'nĕ kơ sa 'nhĕm mă đơ̆ng sem bri kăp tơ bri brah; athei klơ̆m ăn kơ kŏ sa.

Êsai 65:4

Lu sư ngôi tơ lăm bơsat; oei kơmăng tơ lăm anih hrĕp, sa 'nhĕm nhŭng păng mong đak 'nhĕm ưh kơ rơgoh lăm gŏ lu sư.

Êsai 66:17

“Lu bơngai mă hơmet akâu sư kơdih, wă năm mơ̆t tơ lu pơgar, kiơ̆ minh 'nu bơngai dơ̆ng tŏk-bŏk noh, sa 'nhĕm nhŭng, 'nhĕm kơne, lu tơmam sa kơnê̆ krưp.” Kră Yang khan: “Lu sư gô tơ'bơ̆p tơdrong tôch hiong răm pơđĭ.

Je 1:6

Inh tơl: “Ơ Kră Yang! Inh ưh kơ băt wă pơma kiơ, yua kơ inh oei 'lơ̆p.

Êsêkiên 20:49

Na inh khan, “Ơ Kră Yang, lu sư khan gah inh. ‘Hăm trŏ 'bok noh pơma pơtih đĕch?’ ”

Êsêkiên 4:15

Sư khan kơ inh: “Inh ăn kơ ih iŏk ĭch rơmo tơplih kơ ĭch bơngai wă 'buh 'bĕng.”

Êsêkiên 44:31

Lu 'bok soi ưh kơ gơh sa sem dơrong sem bri sem păr ayơ lôch kơmăp, dah mă đơ̆ng lu tơduă châu hek

Êsêkiên 9:8

Kơplah lu sư năm pơlôch đe, inh oei minh 'nu. Inh bon muh măt tơ teh ôr krao: “Ơ Kră Yang Tih Hloh, Ih hil mĭl kơ pơlei Jêrusalem, Ih wă pơlôch đĭ lu kon pơlei Isơrael hă?”

Da 1:8

'Nâu, Đaniel pơkă lăm jơhngơ̆m sư khan, ưh kơ wă sŏng sa tơmam 'lơ̆ng păng tơdrô pơtao soi kơ yang jing pơm kơ inh kơnê̆, na apinh bơngai wei-lăng 'nĕ pơgŏ sư pơm yoch kơnê̆ noh.

Lêwi 17:15

Bơngai bu đơ̆ng pơlei kơtă dah đơ̆ng tơmoi, na sa 'nhĕm sem brem lôch kơmăp kơdih dah lôch đơ̆ng đêl sem bri kăp bơngai noh athei pih hơbĕn ao sư, hum lăm đak păng gô đei kơnê̆ 'mê̆-'mach truh kơmăng, klaih kơ noh sư jing rơgoh.

Lêwi 19:7

Tơdah đe sa 'nhĕm 'măn truh kơ năr mă pêng noh jơ̆ minh tơdrong kơnê̆ Inh Kră Yang areh dêh; ưh kơ iŏk ôh.

Lêwi 22:8

Sư ưh kơ gơh sa ôh kon sem bri lôch kơmăp, dah lôch đơ̆ng sem bri kăp, wă kơ sư huay kơ kơnê̆ 'mê̆-'mach, yua kơ Inh boih Kră Yang.

Jang 10:14

Mă-lei Pêtrôs khan: “Ơ Kră Yang, inh ưh kơ gơh sa ôh, yua kơ inh ưh kơ lah sa lu tơmam âu, kơlih kơ tơdrong juăt nhôn giĕng ưh kơ gơh sa.”

Both 14:21

Lu iĕm 'nĕ kơ sa minh pôm kon sem brem lôch kơmăp, gơh ăn kơ lu bơngai tơmoi mă oei lăm pơlei ih, ăn kơ sư sa, kư̆m gơh tĕch ăn kơ bơngai tơmoi. Yua kơ ih jơ̆ adrĕch rơgoh 'lơ̆ng ăn kơ Kră Yang 'Bok Kei-Dei lu iĕm. 'Nĕ kơ pai hơbĭ 'nhĕm bơbe kon hăm đak toh mĕ sư.

Both 14:3

'Nĕ kơ sa minh anăn tơmam kiơ mă Inh areh lăng krưp kơnê̆.