Êsêkiên 39:22 - Sơ̆p Hlabơar Nơ̆r 'Bok Kei-Dei

²² Đơ̆ng âu tơ anăp, adrĕch Isơrael gô băt Inh boih Kră Yang 'Bok Kei-Dei lu sư.

Êsêkiên 39:22 ပူးပေါင်းရင်းမြစ်များ

Horiso 9:16

Kră Yang pơdah boih Sư kơdih; đơ̆ng sek tơlang tơpăt; lu bơngai pơm kơnê̆, 'leh boih lăm hơnhuăl đơ̆ng ti lu sư dăng kơdih. Higaiôn Sêla

Je 24:7

Inh gô ăn kơ lu sư đei jơhngơ̆m băt kơ Inh boih Kră Yang. Lu sư gô jing kon pơlei Inh, Inh boih Kră Yang 'Bok Kei-Dei lu sư, yua kơ lu sư gô đĭ jơhngơ̆m wih brŏk tơ Inh.’ ”

Je 31:34

Ưh pă đei pơhrăm băl boih lu rông 'bôt sư; păng lu 'nhŏng oh sư khan: Athei băt kơ Kră Yang! Yua kơ đĭ-đăng lu sư gô băt kơ Inh, bơngai pơm iĕ truh tơ bơngai pơm tih Kră Yang khan: “Inh ưh pă jô̆ yo kơ tơdrong lu sư pơm kơnê̆, păng kư̆m ưh pă 'blŏk kơ yoch glăi đêl lu sư pơm.”

Êsêkiên 28:26

Lu sư oei tơ noh hiôk-hian, pơm hnam pơtăm hơmu. Lu sư oei tơ noh hiôk-hian kơplah Inh sek tơlang phak lu teh đak jum dăr lu sư, lu bơngai mă areh kơ lu sư. Lu sư gô băt Inh bơih Kră Yang 'Bok Kei-Dei lu sư.

Êsêkiên 34:30

Kơplah noh lu sư gô băt inh boih Kră Yang 'Bok Kei-Dei lu sư oei hơdai hăm lu sư, păng lu sư adrĕch adrung Isơrael jing kon pơlei pơla Inh, Kră Yang khan.

Êsêkiên 39:23

Đĭ-đăng lu teh đak gô băt adrĕch Isơrael đe chông ba pơm bơnă yua kơ tơdrong yoch lu sư yua kơ lu sư sơngah ưh kơ chu Inh. Yua kơ thoi noh Inh ôn muh măt Inh đơ̆ng lu sư, Inh pơjao lu sư lăm ti lu bơngai ayăt, lu sư gô lôch đĭ-đăng đơ̆ng đao gưm.

Êsêkiên 39:28

Lu sư gô băt Inh boih Kră Yang 'Bok Kei-Dei lu sư, mă khan Inh ăn lu sư jing bơnă kơ lu dêh char, mă-lei iŏk wih lu sư tơ char lu sư kơdih, ưh kơ đei lê̆ minh 'nu bơngai bu oei tơ noh.

Êsêkiên 39:7

Inh gô ăn anăn 'lơ̆ng rơgoh Inh tơbăt tơ lăm lu kon pơlei Isơrael Inh păng Inh ưh pă ăn lu sư pơma kơnê̆ kơ anăn 'lơ̆ng rơgoh Inh dơ̆ng. Kơplah noh lu adrĕch adrung gô băt Inh boih Kră Yang, Kră Yang 'Lơ̆ng Rơgoh lăm Isơrael.

Yo 17:3

Lu sư đei tơdrong arih ling-lang yua kơ lu sư lui kơ Ih Kră Yang 'Bă Tơm kơpal plĕnh păng băt kơ Inh Yêsu Krist mă Ih wơh jur tơ ala teh âu.

I Yo 5:20

Bơ̆n băt Kon pôm 'Bok Kei-Dei jur tơ bơ̆n boih. Sư roi tơbăt ăn kơ bơ̆n tôm tơdrong 'Bok Kei-Dei Kră Yang tơm tơpă. Bơ̆n pôm đon păng Kră Yang 'Bok Kei-Dei păng pôm đon păng Kon Sư Yêsu Krist mơ̆n. Yêsu Krist Sư kư̆m Kră Yang tơpă mơ̆n na Sư ăn kơ bơ̆n arih ling-lang.