Êsêkiên 39:18 - Sơ̆p Hlabơar Nơ̆r 'Bok Kei-Dei

¹⁸ Lu iĕm gô sa sĕch lu bơngai nuih kơtang, huch pham lu yŏng pơgơ̆r tơ ala teh thoi sa sĕch lu triu tơno lu bơbe, rơmo, lu sem dơrong bek tơ char Basan.

Êsêkiên 39:18 ပူးပေါင်းရင်းမြစ်များ

Horiso 22:12

Đei lơ rơmo bri tơno tăp dăr kơ inh, Lu rơmo tơno pran kơtang đơ̆ng Basan wang tăp kơ inh.

Horiso 68:30

Hil bĕ kơ lu kon sem bri tơ lăm 'nhĕt pơtăng, Hil bĕ kơ lu rơmo tơno păng lu kon iĕ rơmo kon pơlei; Dĭng dôm lu bơngai hơtơ̆p kŭl-tăng pơyơ̆r hu. Ih puh tơweh lê̆ lu bơngai mă 'maih tơblah tơblŭng.

Êsai 34:6

Đao gưm Kră Yang 'bĕnh kơ pham păng rơmă, thoi pham triu păng bơbe. Hăm rơmă đơ̆ng boh-lăn triu tơno. Yua kơ Kră Yang đei tơdrong soi sơmah tơ pơlei Bôsra, tơdrong pơlôch tih dêh tơ dêh char Eđôm.

Êsai 34:7

Lu kon pơlei thoi rơmo bri tơno gô wang pơ̆k hơdai lu sư; đĭ lu rơmo bri dăm păng lu rơmo tơno pran kơtang. Teh đak lu sư 'bĕnh kơ pham. 'Mui teh hơiuh rơbơ̆r yua kơ rơmă.

Je 46:5

Liơ inh 'bôh? Lu sư hli tơrơ kơdŭn đĭ tơ rŏng, lu linh tơblah, thuơ kơdâu tơklah tơklang. Pă pơ̆n hue-huo. Tơdrong hli krưp puăn pah!” Noh Kră Yang khan:

Je 50:11

Ơ lu bơngai mă blah iŏk mŭk tơmam Inh. Mă lu iĕm chơt hiôk 'nă hal, Mă lu iĕm pơplŏng thoi kon rơmo adruh lăm tơmăn 'nhĕt.a Hmoi thoi aseh tơno.

Je 50:27

'Bet pơlôch bĕ đĭ-đăng rơmo tơno sư; ba tơ anih đe pơm 'nhĕm! Răm-'băm tơpă kơ lu sư, truh boih năr mă phak lu sư.

Je 51:40

Inh gô chông ba lu sư tơ anih đe 'bet pơlôch pơm 'nhĕm, thoi triu tơno thoi bơbe tơno.

Êsêkiên 29:5

Inh gô klơ̆m hŭt lê̆ ih tơ char glă, Ih hăm lu ka lăm đak glung ih. Ih gô pơ̆k tơ lăm bri; pă đei bu iŏk păng ưh kơ đei bu dônh 'bŭ. Inh gô ăn ih jing tơmam sa ăn kơ sem bri ala teh păng lu sem păr tơ plĕnh.

Êsêkiên 34:17

Kră Yang khan: Bĕ lu iĕm, ơ triu Inh, Inh gô sek tơlang triu tơduă triu, triu tơno păng bơbe bram.

Êsêkiên 34:8

Kră Yang khan: Thoi Inh mă arih, yua kơ ưh kơ đei bơngai wei, triu Inh jing tơmam tơgar iŏk, jing tơmam sa kơ lu sem bri brah; lu bơngai wei ưh kơ chơchă triu Inh, lu sư hăt wei kơdih akâu ưh kơ wei khŭl triu Inh.

Êsêkiên 39:19

Lu iĕm gô sa rơmă dĭng bơ̆l, huch pham dĭng suai, đơ̆ng lu tơmam soi mă Inh đei hơmet ăn kơ lu iĕm.

Am 4:1

Mơ̆ng bĕ ơ lu rơmo akăn dêh Basan, oei tơ kông Samari, iĕm pơjuă lu bơngai dơnuh, pơgŏ pơđep lu bơngai hoh kơ đei, khan kơ lu klo iĕm: Chĕp ba sik tơ âu, lu nhôn huch!

Both 32:14

Đơ̆ng khŭl rơmo păng triu bơbe lu sư đei đak toh păng đak toh iŭ. Sa 'nhĕm sĕch rơmă đơ̆ng triu kon păng triu tơno. Rơmo triu tơno, bơbe tơno đơ̆ng char Basan lu iĕm sŏng 'ba 'mi mă 'lơ̆ng hloh; Huch sik đak hơmu đơ̆ng tơm 'brê thoi pham.

Tơdrông Tơ'bôh 19:21

Na lu linh bre sư lôch đĭ kơ 'Bok mă hao aseh koh chong drong tơ'lĕnh păng đao 'bar pah măt mă lĕch đơ̆ng 'bơ̆r Sư. Klaih kơ noh na ăn kơ lu sem păr jur sa sĕch ôm lu atâu bơngai noh hrăp hreng.