Êsêkiên 39:10 - Sơ̆p Hlabơar Nơ̆r 'Bok Kei-Dei

¹⁰ Lu sư ưh pă chă 'long ŭnh tơ chŭn, ưh pă chă 'long ŭnh tơ bri, yua tơmam tơblah wă tơkuh pơm 'long ŭnh, lu sư gô tơgar iŏk đơ̆ng lu bơngai tơgar iŏk đơ̆ng lu sư păng iŏk đơ̆ng lu bơngai mă iŏk đơ̆ng lu sư, Kră Yang khan.

Êsêkiên 39:10 ပူးပေါင်းရင်းမြစ်များ

Le 12:36

Kră Yang pơm ăn kơ kon pơlei Isơrael đei tơdrong mơnat 'bơ̆t anăp lu bơngai Êyiptơ, na ăn kơ lu sư. Kiơ̆ thoi lu sư apinh. Thoi noh kon pơlei Isơrael tơgar iŏk đĭ-đăng tơmam đơ̆ng bơngai Êyiptơ.

Le 3:22

rim 'nu bơngai drŏ-kăn Isơrael gô apinh đơ̆ng bơngai drŏ-kăn Êyiptơ rông 'bôt sư, hăm lu bơngai tơmoi oei hơdai lăm hnam dơnŏ, dôm tơmam thoi maih, hu, truh tơ hơbĕn ao, iŏk pơhrŭk ăn kơ kon drŏ-nglo, drŏ-kăn lu iĕm kơdih. Lu iĕm gô plôh iŏk pơđĭ đơ̆ng akâu kon pơlei Êyiptơ thoi noh.

Êsai 14:2

Lu kon pơlei teh đak tơmoi gô năm ba lu đe Isơrael brŏk tơ dêh lu sư kơdih; adrĕch Isơrael gô iŏk lu sư, pơm đam drŏ-nglo drŏ-kăn lăm teh đak Kră Yang. Lu sư gô rôp lu bơngai đêl rôp lu sư pơm bơnă, păng pơgơ̆r lu bơngai mă đêl pơgŏ pơđep lu sư.

Êsai 33:1

Răm-'băm dêh kơ ih, ơ bơngai pơrăm đe, đe ưh tam mă đei pơrăm ih, ơ bơngai blơ̆ blĕch đe, đe ưh tam đei blơ̆ ih! Kơplah mă ih pơdơh pơrăm đe, đe gô pơrăm ih dơ̆ng. Kơplah ih ưh pă blơ̆ blĕch đe gô blơ̆ ih.

Êsêkiên 39:11

Lăm năr noh, Inh gô ăn kơ Gôk minh anih pơm bơsat 'bŭ tơ Isơrael, lăm thŭng mă lu bơngai năm rok wih wơ̆t gah hơlĕch kơ đak dơsĭ; tơ anih 'bŭ noh găn trong lu bơngai năm wih wơ̆t. Gŏt păng đĭ-đăng kon pơlei kiơ̆ sư, đe gô 'bŭ tơ lăm anih noh, đe gô krao thŭng Hamon Gôk.

Mi 5:8

Apinh ti Kră Yang iung blah lu bơngai ayăt kơ Ih păng dôm lu bơngai mă areh kơ Ih gô pơlôch đĭ?

Habakuk 2:8

Yua kơ ih đei blah iŏk lơ dêh char nai, na lu kon pơlei mă oei oei gô plah tơgar iŏk đơ̆ng ih dơ̆ng, yua kơ pham lu sư, yua kơ tơdrong kơnê̆ ih pơrăm teh đak, pơrăm pơlei tih păng đĭ-đăng kon pơlei lu sư.

Habakuk 3:8

Ơ Kră Yang hăm trŏ kơ Ih blĕk hil kơ lu đak krong ưh? Tơdrong hil Ih tuh kơ đak glung ưh? Hăm trŏ tơdrong hil Ih blah đak dơsĭ, kơplah Ih hao aseh hao gre aseh Ih năm wă dŏng pơklaih?

Sa 14:14

Juđa gô tơblah hăm Jêrusalem păng dôm tơmam đơ̆ng rim kơ dêh char gô pơpôi akŭm đĭ tơ noh; hu maih păng lu ao tai hơ'bơ̆l lơ tơpă.

Mathiơ 7:2

Iĕm jô̆ kơ đe thoi yơ, 'Bok Kei-Dei jô̆ kơ iĕm thoi noh mơ̆n.

Tơdrông Tơ'bôh 13:10

Bơngai bu trŏ kơ đe wă tah sư tơ lăm hnam phak sư athei chu kơ đe tah đĕch. Bơngai bu trŏ kơ đe pơlôch păng đao sư athei chu lôch kơ pla đao đĕch. Iĕm băt kơ thoi noh boih, na lu bơngai mă lui athei adrin gơnang kơ 'Bok Kei-Dei đĕch.

Tơdrông Tơ'bôh 18:6

Mă sư pơm kơnê̆ dang yơ, gô pơm 'mong kơ sư phak sư dang noh, athei pơm tơwih kơ sư 'bar wơ̆t hloh. Sư pơgŏ iĕm et sik kơnê̆, minh tuh 'mong kơ sư, thim 'bar pơnhan hloh kơ sư tuh kơ iĕm.