Êsêkiên 38:4 - Sơ̆p Hlabơar Nơ̆r 'Bok Kei-Dei

⁴ Inh gô pơm kơ ih wih dơ̆ng tah gơwŏk mam, 'bơ̆t kang ih, dui ba ih, hơdai hăm đĭ-đăng lu linh ih, aseh păng đĭ-đăng lu bơngai hao seh, đĭ-đăng lu sư tă kơ hrŭk ao mam minh khŭl linh lơ chĕp khêl tih iĕ păng đĭ-đăng chĕp đao ngăl.

Êsêkiên 38:4 ပူးပေါင်းရင်းမြစ်များ

II Pot 19:28

Yua kơ ih hil blĕk kơ inh păng yua kơ nơ̆r ih pơang, kơtơ̆ng truh tơ đon Inh bơih, sĭt Inh gô tôt gơwang 'bơ̆t muh ih, Inh tah dam bơsei pơhơ̆p 'bơ̆r ih. Đơ̆ng noh Inh pơm kơ ih wơ̆t brŏk kiơ̆ đêl trong mă ih hlôi năm bơih.

I Ho 12:8

Lăm adrĕch adrung Gat đei lu bơngai năm kiơ̆ Đawit tơ anih kơjăp lăm tơmăn glă; lu sư bơngai nuih pran kơtang, gơh hơgei tơblah, chĕp khêl chĕp tơju. Muh măt lu sư nhen dăm-brang, hơbĕch hơbal nhen thoi juei kơpal kông.

II Ho 25:5

Amasia krao akŭm đĭ lu bơngai Juđa kiơ̆ kơ adrĕch adrung 'bok sư lăm Juđa păng Bênjamin, na pơjao ăn pơm yŏng pơgơ̆r kơ minh-rơbâu 'nu, minh-hrĕng 'nu; jô̆ iŏk đơ̆ng 'bar-jĭt sơnăm tơ kơpơ̆ng, đei pêng-hrĕng rơbâu 'nu lu bơngai mă gơh năm tơblah, chĕp khêl hơlă.

Êsai 37:29

Yua kơ tơdrong ih hil iung wă blah Inh, nơ̆r ih pơma tơan kơnê̆ kơtơ̆ng truh tơ đon Inh bơih, na Inh iŏk gŏp tôt lăm muh ih păng iŏk dam pơhơ̆p 'bơ̆r ih, pơm kơ ih brŏk kiơ̆ đêl trong ih năm.

Êsai 43:17

Pơm ăn kơ lu gre aseh, lu linh pran kơtang akŭm băl, đĭ-đăng lu sư pơ̆k tơ noh, ưh kơ kĕ kơ iung dơ̆ng, lu sư lôch đĭ, nhen đe pĭt ŭnh kơđeng.

Je 46:9

Drong tơ anăp bĕ, ơ aseh! Puh mă tĕnh bĕ ơ lu bơngai hao gre aseh! Lu linh năm tơblah yak năm tơ anăp: Lu linh char Êthiôpi păng lu linh char Phut chĕp khêl. Lu linh char Liđi prah hră đam.

Êsêkiên 23:12

Sư hưch kơ lu bơngai Asiri, lu yŏng pơgơ̆r, lu yŏng linh, lu linh hrŭk hơbĕn ao 'lơ̆ng, lu linh hao aseh, đĭ-đăng lu tơdăm 'lơ̆ng hơbŏ.

Êsêkiên 29:4

Inh gô wŏk kang ih păng ăn lu ka đơ̆ng lăm đak glung ih gô đom tơwŏk tơ kơchap ih. Inh gô dui hơđuh ih păng đĭ-đăng lu ka đơ̆ng lu đak glung mă đom tơwŏk tơ kơchap ih hơtŏk tơ kông.

Êsêkiên 38:15

Đơ̆ng anih ih oei tơ gah yă-nơ̆m ih gô năm truh, đei lơ kon pơlei kiơ̆ ih, đĭ-đăng lu sư gô hao aseh đei lơ bơngai pơgơ̆p jing minh khŭl linh nuih kơtang.

Êsêkiên 38:3

Khan bĕ: Kră Yang đei khan thoi âu: Ơ Gôk pơtao Rôs, Mêsêk păng Tuban, âu Inh blah ih.

Êsêkiên 39:2

Inh gô pơm kơ ih wơ̆t dơ̆ng, Inh gô chông ih lĕch năm, na ih gô tŏk năm gah yă-nơ̆m, chông ba ih tŏk blah tơ kông groi Isơrael.

Êsêkiên 39:20

Tơ kơpal gơ'bang Inh, lu iĕm gô sa phĭ lu 'nhĕm seh, lu bơngai chĕp gre aseh, lu linh nuih kơtang păng lu linh hmă, Kră Yang khan.

Da 11:40

Truh tơnăr đơ̆ng rŏng, pơtao gah gơal gô truh tơblah hăm sư. Pơtao gah yă-nơ̆m gô chĕp ba khŭl linh gre aseh păng duk lơ, na tŏk blah pơtao noh thoi phŭt huơ̆r. Sư gô blah truh tơ lơ dêh char nai.

Am 4:2

Kră Yang mă 'lơ̆ng rơgoh sư pơkă pơsĭt boih khan: 'Nâu, lu năr wă truh kơ lu iĕm, đe gô wŏk lê̆ lu iĕm, truh tơ kon pơlei iĕm mă oei klaih đe gô wah iŏk.