Êsêkiên 38:22 - Sơ̆p Hlabơar Nơ̆r 'Bok Kei-Dei

²² Inh gô phak lu sư hăm tơdrong jĭ hơpoh hăm đao hơlă 'bet pơlôch pham lĕch, Inh gô ăn 'mi hơbŭt, 'mi prĕl, ŭnh păng tơmo ngŭr tuh tơ lu sư, tơ lu kon pơlei kiơ̆ sư hăm lu linh sư.

Êsêkiên 38:22 ပူးပေါင်းရင်းမြစ်များ

Bl 19:24

Na, Kră Yang ăn 'mi prĕl ŭnh păng ŭnh đơ̆ng plĕnh ti jruh tơ Sôđôm păng Gômôrơ,

Horiso 11:6

Sư gô tuh ngar ŭnh tơmo ngŭr tơ lu bơngai kơnê̆, Kial tŏ hang tuh ăn kơ lu sư.

Êsai 28:17

Inh gô iŏk tơdrong tơpăt hơnơ̆ng pơm tơlei pơtŏ, tơdrong 'lơ̆ng tơpăt pơm 'long hơgăt, 'mi prĕl gô pơrăm lê̆ anih pơma hơlĕnh lu iĕm ôn kơ'nơp, đak gô lơ̆p lê̆ iĕm lu sư wă kơdâu klĕnh.

Êsai 29:6

Kră Yang Tih Hloh gô yua grơ̆m glaih, teh pơpơ̆, jơwa re, păng pla ŭnh soh phak lu sư.

Êsai 34:3

Lu bơngai đe pơlôch, đe gô klơ̆m hŭt lê̆ lu sư. 'Bâu ôm atâu bơngai lôch jơ̆p-jang, rim kơ kông 'bĕnh-'bang kơ pham.

Êsai 66:16

Kră Yang gô iŏk ŭnh păng đao gưm wă phak lu bơngai pơm yoch. Đei lơ bơngai Kră Yang pơlôch.

Je 25:31

Đe gô kơtơ̆ng nơ̆r tơjrông tơjrang tơ tôch kơ teh, yua kơ Kră Yang gô sek đĭ kơ adrĕch adrung, Sư wă phak đĭ-đăng kon bơngai, Sư pơjao ăn lu bơngai kơnê̆ lôch kơ đao gưm.’ ” 'Noh Kră Yang khan.

Êsêkiên 13:11

Na khan bĕ kơ lu bơngai bah chŭr tơ dur, dur noh gô hơlih. 'Mi tih gô lơ̆p, 'mi prĕl gô jur; păng kial hơbŭt gô truh.

Êsêkiên 28:23

Inh gô ăn tơdrong lôch hơbuh truh lăm pơlei, tuh pham lĕch sĕch huŏng jơ̆p kơ trong. Lu bơngai pơ̆k lôch tơ lăm pơlei, yua kơ đao blah lu sư đơ̆ng puăn pah; na lu sư gô băt Inh boih Kră Yang.

Êsêkiên 39:6

Inh gô ăn ŭnh soh Magôk, păng lu bơngai mă oei hiôk-hian tơ lu anih đak dơsĭ, na lu sư gô băt Inh boih Kră Yang.

Êsêkiên 5:17

Inh gô ăn tơdrong pơngot rơwĕt păng ăn sem bri wă pơrăm lu kon hơ'lơ̆p ih jing pă đei tơdrong lôch hơbuh păng tơdrong tơblah truh tơ pham gô ro truh tơ ih, Inh gô iŏk đao gưm pơrăm ih. Inh boih Kră Yang mă đei khan thoi noh!”

Jôel 3:2

Inh gô akŭm đĭ-đăng lu bơngai đơ̆ng jơ̆p kơ dêh char păng ba lu sư năm jur tơ lăm thŭng Jêhôsaphat. Tơ noh, Inh gô sek tơlang lu sư, gah lu kon pơlei pơla Inh, lu bơngai Isơrael bơih jing tơmam Inh, yua kơ lu sư pơpuh lu kon pơlei pơla Inh tơ jơ̆p-jang kơ dêh char păng pĕng iŏk teh đak Inh,

Mathiơ 7:27

Na mưh truh bơyan 'mi tih, đak lơ̆p, kial hơbŭt, hnam 'noh hơlŭng păk pơchah hoch đĭ.”

Jôsuê 10:11

Kơplah lu linh ayăt kơdâu ôn kơ lu linh Isơrael, lu sư jur tơ krang đơ̆ng pơlei Bêt Hôrôn, truh tơ Asêka, Kră Yang ăn 'mi prĕl tih thoi tơmo đơ̆ng plĕnh, jur păng lu linh ayăt lôch kơ 'mi prĕl tih noh lơ hloh, kơ lu linh Isơrael pơlôch hăm đao gưm.

Tơdrông Tơ'bôh 14:10

bơngai noh 'Bok Kei-Dei hil areh tơpă, dang ăn kơ sư et sik hrăp, sik noh 'Bok Kei-Dei tring tơ kơchŏk 'nhŭ tăng hơ̆-hang. Bơngai noh gô hăl hang oei tơ anih pơmat-tat tơ lăm dơnâu ŭnh tơbang 'bơ̆t anăp lu linh jang 'lơ̆ng păng Kon Triu.

Tơdrông Tơ'bôh 16:21

Klaih kơ noh Sư pơm 'mi pru prĕl tih huŏng đơ̆ng plĕnh kơdŭk kơdăk trăp dang pơđăm-jĭt kĭ kơtĭt kon bơngai tơ teh. Kon bơngai blei hiap 'Bok Kei-Dei, yua kơ 'Bok Kei-Dei phak păng 'mi prĕl tih krưp ei.

Tơdrông Tơ'bôh 20:9

Na lu sư nơnăm jơ̆p kơ teh đak wang tăp dăr kơ lu kon 'Bok Kei-Dei, pơlei mă 'Bok Kei-Dei 'mêm. Mă-lei đei 'Bok Kei-Dei tơgŭm lu kon Sư. 'Bok Kei-Dei tơhuŏng ŭnh đơ̆ng kơpal plĕnh soh pơlôch lu bơngai kơnê̆ noh.

Tơdrông Tơ'bôh 8:7

Lăp linh jang 'lơ̆ng mă mônh hlôm keng, na đei hloi 'mi prĕl tih tơpă. Păng đei ŭnh hăm pham huŏng đơ̆ng plĕnh truh tơ teh, ŭnh sa pơđĭ minh lăm pêng pah teh đak. Lu 'long, ŭnh sa đĭ minh lăm pêng pah, tôm kơ 'nhĕt kư̆m lei-lăi sa pơgoh hloi.