Êsêkiên 38:19 - Sơ̆p Hlabơar Nơ̆r 'Bok Kei-Dei

¹⁹ Lăm tơdrong Inh gar, lăm tơdrong Inh hil mĭl tơpă, lăm năr noh gô đei tơdrong pơpơ̆ tih dêh truh kơ char Isơrael.

Êsêkiên 38:19 ပူးပေါင်းရင်းမြစ်များ

Horiso 18:7

Dang ei teh pơpơ̆ păng tơdrŏ, Na lu kông kư̆m tơrĭ păng kư̆m tơdrŏ, yua kơ Sư hil.

Horiso 18:8

Đei 'nhui lĕch đơ̆ng trôm muh Sư, Pla ŭnh khơ̆ng lĕch đơ̆ng 'bơ̆r Sư, soh sa ngar ngŭr.

Horiso 79:5

Ơ Kră Yang! Dĭng truh dang yơ? Ih wă hil khŏm khŏm hloi ah? Ih wă hil gar oei sa thoi ŭnh ah?

Êsai 42:13

Kră Yang năm tơ anăp thoi minh 'nu bơngai pran kơtang, Sư pơtrŭt jơhngơ̆m hưch hal nhen thoi linh tơblah, Sư ôr pơret re, Sư nuih tơblah hăm ayăt jei Sư.

Êsai 42:15

Inh wă pơrăm lê̆ kông groi Inh pơm kơ lu 'nhĕt 'long jô kro, Inh gô pơm kơ glung krong jing teh hrĕng đak dơnâu gô hrơ̆.

Êsêkiên 36:5

Kră Yang khan thoi âu: Lăm tơdrong Inh hil gar tơtŏ thoi ŭnh, inh wă blah lu dêh char mă oei oei păng đĭ kơ char Eđôm, lu dêh char mă đĭ jơhngơ̆m chơt hiôk pơjăm tơgar iŏk teh Inh jing tơmam sư kơdih păng tơgar iŏk lu tơmăn 'nhĕt,

Êsêkiên 36:6

Thoi noh, khan lê̆ adrol bĕ gah teh đak Isơrael; khan bĕ kơ lu kông kŏ păng lu groi, lu glung păng lu teh thŭng dơnă: ‘Kră Yang khan thoi âu: Âu Inh khan hăm tơdrong Inh hil gar, yua kơ lu iĕm pŭ iŏk tơdrong mơlâu đơ̆ng lu char nai pơjăm.

Êsêkiên 39:25

Na, Kră Yang khan thoi âu: Âu Inh gô ăn kơ lu adrĕch Jakôp wih brŏk; hiôk-hian păng 'mêm mơnat kơ đĭ-đăng lu adrĕch Isơrael, păng gô gar anăn 'lơ̆ng rơgoh Inh.

Êsêkiên 39:6

Inh gô ăn ŭnh soh Magôk, păng lu bơngai mă oei hiôk-hian tơ lu anih đak dơsĭ, na lu sư gô băt Inh boih Kră Yang.

Êsêkiên 5:13

Inh gô tuh tơdrong Inh hil păng Inh gô hil mĭl truh kơ lu sư, na tơdrong blĕk Inh hrăp; păng kơplah Inh pơm keh tơdrong hil kơ lu sư, lu sư gô băt Inh boih Kră Yang, hlôi khan kơ lu sư Inh gar. Lăm tơdrong inh hil mĭl kơ lu sư.

Jôel 2:18

Na Kră Yang gar teh đak Sư păng 'mêm mơnat kơ kon pơlei pơla Sư.

Jôel 3:16

Kră Yang ôr gơhuh đơ̆ng pơlei Siôn, Sư ôr pơret thoi grơ̆m glaih đơ̆ng Jêrusalem. Tơ kơpal plĕnh tơ ala teh pơpơ̆ tơdrŏ ngăl, mă-lei Sư bơih anih kon pơlei pơla Sư kơ'nơp gơnang, jing minh kơđông kơjăp kơ lu kon sâu Isơrael.

Na 1:2

Kră Yang jơ̆ 'Bok Kei-Dei gar păng pơm 'mong; Kră Yang pơm tơwih păng 'bĕnh kơ tơdrong hil mĭl. Kră Yang pơm 'mong kơ bu mă blah Sư păng hil kơ lu đe bu mă ayăt kơ Sư.

Sa 1:14

Đơ̆ng noh linh jang mă oei pơma hăm inh, khan kơ inh thoi âu: “Ôr krao păng khan Kră Yang Tih hloh đei khan: ‘Yua kơ pơlei Jêrusalem păng Siôn jơhngơ̆m inh ơh gar dêh.

Both 29:20

Kră Yang ưh kơ mơnat tơdrong yoch bơngai noh, mă-lei tơdrong Kră Yang hil mĭl păng gar sư noh chhông blah bơngai noh păng đĭ lu tơdrong hiap pơtê̆ chih lăm sơ̆p hla bơar 'nâu gô tơpŭ tơ kơpal sư; păng Kră Yang gô sŭt lê̆ anăn sư đơ̆ng lăm teh đak 'nâu.

Both 32:22

Inh hil thoi ŭnh sa khơ̆ng blông blông. Sa hloi tôch tơ kơđĕl hơnă pơlei lôch, ŭnh sa đĭ teh păng plei sa, sa kông pơđĭ truh tơ hơnă.

Hêbrơ 12:26

Kơplah Sư pơma kơ lu bơngai noh sơ̆, nơ̆r Sư pơma pơm kơ teh adrŏ. Ahrei Sư khan thoi âu dơ̆ng: “Pă minh 'măng Inh pơm, ưh pă pơm kơdrô̆ teh boih; Inh wă pơm pơđĭ plĕnh păng teh hloi.”

Hêbrơ 12:29

yua kơ Sư Kră Yang bơ̆n, thoi lĕ kơ ŭnh soh chhông.

Tơdrông Tơ'bôh 11:13

Kơtă ei đei hloi teh adrŏ tih, mơjĭt tŏ kueng pơlei pơchah răm minh pah kueng. Đei tơpơh-rơbâu 'nu bơngai lôch yua kơ teh adrŏ noh. Lu bơngai mă oei arih huay truh tơdrong noh, lu sư hli tơrơ dêh, na pơma ư-ang Kră Yang 'Bok Kei-Dei tơ plĕnh.

Tơdrông Tơ'bôh 16:18

Klaih kơ noh na đei hloi grơ̆m aru 'mi pru sơaih glaih tơdrăng păng đei teh adrŏ tơtơ̆ng krưp dêh; đơ̆ng kon bơngai pơtơm oei tơ teh sơ̆ khơ̆ năr noh kơnh ưh tam kơtơ̆ng teh adrŏ krưp dang noh.

Tơdrông Tơ'bôh 16:20

Păng pơm kơ lu kông, lu bŏl lăm đak dơsĭ hơlŭng pơdang glach jing pă 'bôh.