Êsêkiên 38:16 - Sơ̆p Hlabơar Nơ̆r 'Bok Kei-Dei

¹⁶ Ơ Gôk Ih gô blah kon pơlei Isơrael Inh thoi hơmơ̆l gom teh. Lăm năr hơtuch noh Inh gô ăn kơ ih blah char Inh, wă kơ adrĕch kon bơngai băt kơ Inh, kơplah Inh pơdah tơdrong 'lơ̆ng rơgoh Inh đơ̆ng tơdrong truh tơ ih 'bơ̆t anăp lu sư.

Êsêkiên 38:16 ပူးပေါင်းရင်းမြစ်များ

II Pot 19:19

Thoi noh na dang ei, ơ Kră Yang 'Bok kei-Dei nhôn! Pơklaih nhôn đơ̆ng ti pơtao noh bĕ wă kơ đĭ-đăng dêh char tơ teh âu băt minh 'nu Ih đĕch Kră Yang 'Bok Kei-Dei.”

Le 14:18

Anăn Inh gô ư-ang yua kơ Pharaôn, gre aseh sư, lu linh chĕp gre aseh sư, lei na bơngai Êyiptơ gô băt kơ Inh Kră Yang.

Le 14:4

Inh gô pơm kơ Pharaôn arăng kơ̆l ưh kơ chu, sư gô druh kon pơlei Isơrael Inh gô đei ư-ang yua kơ đơ̆ng Pharaôn păng lu linh sư; na bơngai Êyiptơ gô băt Inh bơih Kră Yang. Kon pơlei Isơrael mă pơm thoi noh.

Êsai 2:2

Gô đei tơdrong truh lăm lu năr hơtuch kơnh: Kông hnam Kră Yang gô oei kơjăp tơ kơpal lu kơ̆l kông, kơjung hloh kơ đĭ-đăng lu groi. Păng rim kơ teh đak gô luh leng năm tơ noh.

Êsai 29:23

Mưh lu sư 'bôh lu kon hơ'lơ̆p sư, jơ̆ tơdrong jang đơ̆ng ti Inh pơm kơ lu sư, lu sư gô pôk pơyom kơ anăn Inh 'lơ̆ng rơgoh băt pơyom kơ Tơ'ngla 'lơ̆ng tơpăt Jakôp, păng gô hli yom kơ Kră Yang 'Bok Kei-Dei đe Isơrael.

Êsai 5:16

Mă-lei Kră Yang Tih Hloh, gô pôk hơtŏk tơ kơpal hloh hăm tơdrong sek tơlang tơpăt hơnơ̆ng, păng Kră Yang 'Bok Kei-Dei 'lơ̆ng Rơgoh gô pơdah Sư 'lơ̆ng rơgoh lăm tơdrong 'lơ̆ng tơpăt.

Êsai 8:13

Pôk pơư pơang bĕ Kră Yang Tih Hloh 'lơ̆ng rơgoh, Kră Yang mă lu iĕm athei hli Sư bơih Kră Yang trŏ kơ iĕm hli yom.

Êsêkiên 20:41

Inh gô sơng iŏk lu iĕm thoi tơmam 'bâu phu, kơplah Inh chông lu iĕm lĕch đơ̆ng lăm lu kon pơlei păng akŭm lu iĕm đơ̆ng char mă lu iĕm đêl oei tơklah tơklang; păng Inh gô tơ'bôh tơdrong 'lơ̆ng rơgoh Inh đơ̆ng lăm lu iĕm 'bơ̆t anăp kon pơlei nai.

Êsêkiên 28:22

Khan bĕ kơ sư: Kră Yang khan thoi âu: Ơ pơlei Siđôn, âu, Inh blah ih; Inh wă kơ đei ư-ang lăm ih. Lu sư gô băt inh boih Kră Yang, kơplah inh sek tơlang phak ih wă tơ'bôh tơdrong rơgoh Inh.

Êsêkiên 36:23

Inh gô hơmet ming anăn 'lơ̆ng rơgoh Inh anăn mă lu iĕm pơm pơ'mê̆ boih tơ lăm lu dêh char, noh anăn Inh mă lu iĕm hlôi pơm pơ'mê̆ 'bơ̆t anăp lu sư, Kră Yang khan: Thoi noh lu adrĕch adrung gô băt Inh boih Kră Yang, 'bơ̆t anăp lu sư Inh gô tơ'bôh pơdah tơdrong rơgoh 'lơ̆ng Inh lăm lu iĕm 'bơ̆t anăp lu sư.

Êsêkiên 38:23

Na Inh gô pơm pơdah tơdrong krưp 'lơ̆ng rŏ Inh hăm 'lơ̆ng rơgoh Inh kơ lơ adrĕch adrung kon bơngai păng lu sư gô băt Inh boih Kră Yang.

Êsêkiên 39:21

Inh gô tơ'bôh tơdrong ư-ang 'lơ̆ng rŏ Inh tơ lăm lu dêh char; đĭ-đăng lu dêh char gô 'bôh tơdrong Inh sek tơlang đei pơm bơih păng tơpang ti Inh dan kơpal lu sư.

Êsêkiên 39:27

Kơplah Inh chông lu sư wih brŏk đơ̆ng lu kon pơlei, pơpôi akŭm đơ̆ng teh đak lu ayăt kơ lu sư Inh yua lu sư gô tơ'bôh tơdrong 'lơ̆ng rơgoh Inh 'bơ̆t anăp lơ lu dêh char.

Êsêkiên 39:7

Inh gô ăn anăn 'lơ̆ng rơgoh Inh tơbăt tơ lăm lu kon pơlei Isơrael Inh păng Inh ưh pă ăn lu sư pơma kơnê̆ kơ anăn 'lơ̆ng rơgoh Inh dơ̆ng. Kơplah noh lu adrĕch adrung gô băt Inh boih Kră Yang, Kră Yang 'Lơ̆ng Rơgoh lăm Isơrael.

Da 10:14

Dang ei inh truh tơ âu wă tơbăt kơ ih hlôh kơ tơdrong wă truh kơ kon pơlei ih lăm năr tôch kơnh; yua kơ tơdrong tơ'bôh 'nâu gô truh oei đunh năr đơ̆ng rŏng kơnh.

Da 2:28

Mă-lei minh 'nu Kră Yang 'Bok Kei-Dei oei tơ kơpal plĕnh gô tơbăt ăn tơdrong hlơp; păng tơbăt hloi kơ pơtao Nebukatnessar băt tơdrong wă truh tơ anăp âu kơnh, lăm năr wă tôch thoi âu: Tơdrong ih apo păng đei 'bôh kơplah ih 'bĭch kơpal giơng noh.

Hôsia 3:5

Đơ̆ng rŏng kơ noh lu bơngai Isơrael gô wih chơchă Kră Yang 'Bok Kei-Dei lu sư păng Đawit pơm pơtao lu sư. Lu sư gô wih brŏk păng hli tơrơ yom kơ Kră Yang păng tơdrong 'lơ̆ng hiôk-hian lăm năr hơtuch kơnh.

Jôel 3:11

Năm mă tĕnh bĕ ơ đĭ-đăng lu iĕm, lu mă teh đak jum dăr, lu iĕm athei akŭm băl bĕ tơ noh. Ơ Kră Yang, apinh Ih krao wơh lu bơngai pran kơtang Ih jur tơ noh!

Lêwi 10:3

Thoi noh Môis khan kơ Arôn tơdrong âu: Kră Yang đei khan boih, Inh gô pơdah jơhngơ̆m rơgoh Inh kơ lu đe bu mă oei jê̆ Inh păng Inh đei tơdrong đe pơyom 'bơ̆t anăp đĭ-đăng kon pơlei. Arôn ngăn hreh.

Mi 4:1

Tơdrong truh lăm năr đơ̆ng rŏng kơnh, hnam Kră Yang gô pơjing pơdơ̆ng pơm hơtŏk tơ rim kơ̆l kông kơjung păng đe kư̆m gô tơiung sư rai dêh hloh kơ lu kông groi. Lu kon pơlei gô jur năm luh leng tơ noh;

Both 31:29

Inh băt gô răm-'băm tơpă, achăng lê̆ trong mă đơ̆ng inh bơtho khan, ning-mônh lu iĕm gô tơblĕk Kră Yang pơm tơdrong kơnê̆ 'mê̆, mă Kră Yang, ưh kơ lăp đon păng tơdrong răm pơmat-tat gô truh kơ lu iĕm.

I Tim 4:1

Yang Bơhngol 'Lơ̆ng khan tơpăt wă kơ bơ̆n băt nhên: Ning-mônh gô đei lu bơngai achăng lê̆ tơdrong lui sư, lu sư wă lui yom kơ lu yang mă pơma hơlĕnh kơ kon bơngai, lu sư gô lui kơ yang kơnê̆ bơtho.

II Tim 3:1

Ih athei 'blŏk hơdơ̆r tơdrong âu mă tơpă: Năr jê̆ tôch ning-mônh đei lơ tơdrong pơmat-tat.

Tơdrông Tơ'bôh 20:9

Na lu sư nơnăm jơ̆p kơ teh đak wang tăp dăr kơ lu kon 'Bok Kei-Dei, pơlei mă 'Bok Kei-Dei 'mêm. Mă-lei đei 'Bok Kei-Dei tơgŭm lu kon Sư. 'Bok Kei-Dei tơhuŏng ŭnh đơ̆ng kơpal plĕnh soh pơlôch lu bơngai kơnê̆ noh.