Êsêkiên 38:13 - Sơ̆p Hlabơar Nơ̆r 'Bok Kei-Dei

¹³ Lu bơngai Sêba păng Đêdan, lu bơngai mơdro đơ̆ng Tarêsi păng đĭ-đăng lu drŏ-nglo nuih kơtang thoi dăm-brang mơlôh sư gô khan kơ ih. ‘Hăm trŏ ih truh wă blah tơgar iŏk tơmam Ih akŭm linh wă blah iŏk tơmam, iŏk hu păng maih, wă blah iŏk sem dơrong mŭk tơmam păng wă tơgar iŏk lơ mŭk drăm hă?”’

Êsêkiên 38:13 ပူးပေါင်းရင်းမြစ်များ

Horiso 57:4

Bơhngol inh oei tŏk-bŏk dăm-brang Inh 'bĭch tŏk-bŏk lu sem bri sa bơngai. Mă đei hơnĕnh thoi tơju păng thoi 'brơ̆m, Hơpiĕt lu sư nhen đao suĕng han.

Êsai 10:6

Inh wơh sư năm pơm kơ lu adrĕch adrung mă ưh kơ chu lui kơ Kră Yang 'Bok Kei-Dei, Inh athei sư blah kon pơlei mă tơblĕk Inh, wă plah tơgar iŏk tơmam, păng pơjuă lu sư thoi rơpŭk rok trong.

Êsai 33:23

Tơlei lu ayăt chô̆ lu iĕm tơlang lê̆ bơih, ưh pă chô̆ tơ jrăng păng ưh pă dăng che duk noh dơ̆ng. Kơplah noh đe gô klah asong băl lơ lu tơmam đêl blah tơgar iŏk, mă lu bơngai jopo kư̆m gô đei iŏk tơmam đêl blah tơgar noh mơ̆n.

Je 15:13

Yua kơ đĭ-đăng tơdrong yoch lu iĕm pơm boih tơ jơ̆p-jang kơ dêh char, na Inh gô jao kơ đe plah tơgar iŏk đĭ-đăng mŭk tơmam iĕm, ưh kơ đei bu 'mong kơ iĕm yă kiơ.

Je 50:17

Isơrael boih khŭl triu jrok, Đei dăm-brang druh rôp. Adrol sơ̆ pơtao Asiri hek sa lu sư boih; Đơ̆ng rŏng Nebukatnessar, pơtao Babilôn, kăp rĕn kơting sư.”

Je 51:38

Lu kon pơlei ôr hơdai thoi dăm-brang, grĕnh thoi dăm-brang kon.”

Êsêkiên 25:13

Kră Yang khan: Inh gô yơ̆r ti Inh phak char Eđôm gô pơlôch đĭ bơngai păng lu sem dơrong noh; Inh gô pơm kơ char noh jing juơ đơ̆ng pơlei Thêman truh tơ pơlei Đêđan, lu sư gô pơ̆k lôch kơ đao.

Êsêkiên 27:12

Lu bơngai char Tarêsi mơdro hăm ih yua kơ ih đei tôm tơmam, lu sư iŏk hu, mam, kem, bơlơ̆k tơplih iŏk tơmam ih.

Êsêkiên 27:15

Lu bơngai pơlei Đêđan tĕch mơdro hăm ih, kon pơlei mă đei lơ bŏl teh lăm dơsĭ kư̆m tĕch mơdro hăm ih. Lu sư chĕp ba bơla rôih hăm 'long gơnhum tơplih tơmam ih.

Êsêkiên 27:20

Lu bơngai Đêđan mơdro hăm ih lu khăn pơm an aseh.

Êsêkiên 27:25

Lu duk đơ̆ng Tarêsi chơ tơmam mơdro ăn kơ ih na ih đei lơ tơmam rơkah rơkai păng chơ trăp tơpă lăm đak dơsĭ.

Êsêkiên 32:2

“Ơ kon bơngai, athei nhơ̆m hmoi kơ Pharaôn pơtao Êyiptơ, khan bĕ kơ sư: ‘Ih nhen thoi dăm-brang lăm lu dêh char, ih kư̆m thoi sem brem kơnê̆ lăm đak dơsĭ, pơm kơ lu đak glung tơprah, ih wơ̆r đak hăm jơ̆ng, pơm kơ lu đak glung jing gơsŏk.

Jôel 3:8

Inh gô tĕch kon drŏ-nglo drŏ-kăn iĕm tơ lăm ti kon sâu Juđa, kon sâu Juđa gô tĕch lu sư tơ bơngai Sabean, mă adrĕch bơngai oei ataih dêh; Kră Yang đei khan bơih thoi noh.

Sa 11:3

Đei nơ̆r ôr nhơ̆m hmoi lu bơngai wei triu! Yua kơ pơrăm đĭ boih tơdrong ư-ang lu sư; đei lu kon dăm-brang grĕnh ôr! Yua kơ tơdrong 'lơ̆ng rŏ Jôrđăn răm đĭ boih.