Êsêkiên 38:12 - Sơ̆p Hlabơar Nơ̆r 'Bok Kei-Dei

¹² Ih gô blah tơgar tơtông iŏk mŭk tơmam, ti ih teh pơchah lu anih mă đĭ juơ sơ̆ dang ei đei kon pơlei oei păng ih blah lu kon pơlei mă truh đơ̆ng lu char, pơlei mă đei lu sem dơrong mŭk tơmam oei lăm tŏk-bŏk tơring char noh.

Êsêkiên 38:12 ပူးပေါင်းရင်းမြစ်များ

Êsai 10:6

Inh wơh sư năm pơm kơ lu adrĕch adrung mă ưh kơ chu lui kơ Kră Yang 'Bok Kei-Dei, Inh athei sư blah kon pơlei mă tơblĕk Inh, wă plah tơgar iŏk tơmam, păng pơjuă lu sư thoi rơpŭk rok trong.

Je 30:16

Mă-lei đe bu kăp sa iĕm đe gô kăp sa lu sư; lu bơngai ayăt kơ iĕm gô jing bơnă; bu mă tơgar iŏk tơtông tơmam đơ̆ng iĕm, đe kư̆m gô blah tơgar iŏk đơ̆ng lu sư.”

Êsêkiên 29:19

Na, Kră Yang khan: Âu, Inh gô pơjao char Êyiptơ ăn kơ Nebukatnessar pơtao Babilôn; sư gô iŏk chĕp ba tơmam noh păng tơgar iŏk lu tơmam nai păng pơjei iŏk teh; noh boih tơmam apah kơ lu linh sư.

Êsêkiên 38:8

Đei loi kơ lơ năr đunh, đe gô krao ih; lăm lu sơnăm tuch-luch ih gô năm tơ minh pôm char mă đei hlôi klaih đơ̆ng đao, akŭm băl đơ̆ng lơ adrĕch adrung; gô truh tơ kông Isơrael, anih mă pơchah jing juơ sơ̆. Kon pơlei noh đei chông ba đơ̆ng lu kon pơlei nai păng đĭ-đăng oei arih hiôk-hian.

Am 1:8

Inh gô pơrăm kon pơlei oei lăm pơlei Asdôt păng bơngai chĕp 'long jra pơtao sư tơ pơlei Askalon. Inh gô yơ̆r ti Inh blah pơlei Ekrôn; păng lu bơngai Philistin mă oei klaih gô lôch, Kră Yang khan thoi noh.

Sa 1:12

Đơ̆ng noh linh jang Kră Yang khan: “Ơ Kră Yang Tih hloh! Ih gô ưh pă 'mêm kơ pơlei Jêrusalem păng lu pơlei lăm char Juđa dĭng truh dang yơ? Noh boih lu pơlei tih mă Ih đei hil kơ lu sư tơpơh-jĭt sơnăm kơ âu?”

Sa 1:17

Ôr ră roi pă minh 'măng dơ̆ng bĕ thoi âu: ‘Lu pơlei tih Inh gô oei đei 'bĕnh kơ tơdrong hiôk jơnap, Kră Yang kư̆m oei pơlung Siôn păng oei rơih iŏk Jêrusalem.’ ”

Sa 13:7

Kră Yang Tih Hloh khan thoi âu:* “Ơ đao iung tơblah bĕ hăm lu bơngai wei triu Inh păng blah hăm lu buăl juăt Inh. Blah bĕ lu bơngai wei triu, lê̆ triu tơklah tơklang; păng Inh gô iŏk ti Inh pơm tơwih kơ lu triu iĕ noh.”

Lu 9:37

Mă-lei Gaal khan dơ̆ng: Inh 'bôh tơpă to lu linh jur đơ̆ng kông păng đei minh khŭl năm đơ̆ng 'long kôih lu bơngai tơwir.