Êsêkiên 38:11 - Sơ̆p Hlabơar Nơ̆r 'Bok Kei-Dei

¹¹ Ih khan: “Inh gô năm truh tơ tơring pơlei mă ưh kơ đei dur; inh gô blah kon pơlei mă oei arih sa hiôk-hian; đĭ-đăng lu sư oei lăm pơlei mă ưh kơ đei kơđông, ưh kơ đei kơ dur păng ưh kơ đei măng jang.

Êsêkiên 38:11 ပူးပေါင်းရင်းမြစ်များ

Horiso 10:9

Sư ôn lăm anih hlơp thoi dăm-brang oei lăm trôm sơlŭng sư, Sư oei răp wă rôp lu bơngai dơnuh răm. Sư răp bơngai dơnuh răm puh lăm hơnhuăl sư, na rôp hloi lu sư.

Le 15:9

Linh ayăt khan: Bơ̆n druh, bơ̆n gô druh tam, Bơ̆n gô hiôk asong băl tơmam đơ̆ng bơ̆n blah iŏk; Inh toh đao gưm pơlôch lu sư.

Êsêkiên 30:9

Lăm năr noh, đei lu bơngai lĕch đơ̆ng Inh tŏk duk năm roi tơhli tơdrong krưp kơ lu bơngai Êthiôpi kơplah oei hiôk-hian. Lu sư gô sơ'ngon tơtăm lăm năr răm truh tơ Êyiptơ; yua kơ năr noh jê̆ truh boih!”

Êsêkiên 34:27

'Long tơ bri brah gô đei plei, teh gô chăt jing đei plei yua. Lu sư gô oei hiôk hơđơ̆ng tơ teh đak lu sư kơdih păng băt kơ Inh boih Kră Yang, kơplah Inh gơ̆ lê̆ 'long ăt đơ̆ng lu sư, pơklaih lu sư đơ̆ng ti lu bơngai rôp lu sư pơm đĭch.

Êsêkiên 38:14

Thoi noh, ơ kon bơngai, khan lê̆ adrol bĕ păng tơbăt ăn kơ Gôk: Kră Yang khan thoi âu: Kơplah năr noh, kon pơlei Isơrael Inh oei arih sa hiôk-hian, ih ưh kơ băt ôh hă?

Êsêkiên 38:8

Đei loi kơ lơ năr đunh, đe gô krao ih; lăm lu sơnăm tuch-luch ih gô năm tơ minh pôm char mă đei hlôi klaih đơ̆ng đao, akŭm băl đơ̆ng lơ adrĕch adrung; gô truh tơ kông Isơrael, anih mă pơchah jing juơ sơ̆. Kon pơlei noh đei chông ba đơ̆ng lu kon pơlei nai păng đĭ-đăng oei arih hiôk-hian.

Sa 2:8

Yua kơ Kră Yang Tih Hloh khan: “Đơ̆ng rŏng kơ tơdrong ư-ang; na Sư wơh inh năm blah lu teh đak pơgŏ lu iĕm; yua kơ tơdah bu hơtŭt 'bơm lu iĕm, noh kư̆m thoi hơtŭt 'bơm kơ kon-ngai lăm măt Sư.

Rom 3:15

Jơ̆ng kư̆m băt kơ chop pơlôch đe.

Both 12:10

Mă-lei lu iĕm gô tŏk tơ pah to kơ Krong Jôrđăn, oei lăm dêh mă Kră Yang 'Bok Kei-Dei lu iĕm wă ăn bơ̆jang sa. Sư gô ăn hiôk hơđơ̆ng pơdơh, ưh pă đei lu ayăt wang dăr.

Lu 18:27

Đơ̆ng noh bơngai Đan chĕp ba đĭ tơmam kiơ ma Mika đei pơm boih păng chông ba 'bok soi sư, lu bơngai Đan năm tơ pơlei Lais, minh adrĕch kon pơlei âu oei hiôk-hian, iŏk đao gưm pơlôch kon pơlei păng iŏk ŭnh soh hloi pơlei.

Lu 18:7

Pơđăm 'nu noh sư yak năm truh tơ pơlei Lais, lu sư 'bôh kon pơlei pơla tơ noh oei sa rơnŭk rơnua thoi lu kon pơlei Siđôn, oei hơđơ̆ng hiôk-hian păng oei jơnap lăm teh đak ưh kơ đei tơmam kiơ khăi? Lu sư oei ataih đơ̆ng pơlei Siđôn, kư̆m ưh kơ đei tơdrong kiơ hăm bơngai nai.