Êsêkiên 37:5 - Sơ̆p Hlabơar Nơ̆r 'Bok Kei-Dei

⁵ Kră Yang khan kơ lu kơting noh: “Âu, Inh ăn hơyuh kial jơhngơ̆m arih mơ̆t tơ lăm lu iĕm, na lu iĕm gô arih.”

Êsêkiên 37:5 ပူးပေါင်းရင်းမြစ်များ

Bl 2:7

Kră Yang 'Bok Kei-Dei iŏk 'mui teh man kon bơngai dơhlu kial arih lăm trôm muh; na kon bơngai jing đei bơhngol arih.

Êsai 26:19

Lu bơngai lôch lăm Ih gô iung arih, akâu akar lôch bơih lu sư gô iung dơ̆ng. Ơ lu bơngai lăm 'mui teh iung bĕ, hiôk chơt hơri bĕ. Đak ngom Ih nhen đak ngom pơgê hrôih, teh gô tơpŭ tơlĕch lu bơngai đơ̆ng lôch bơih.

Êsêkiên 37:14

Inh gô ăn Yang Bơhngol Inh kơ lu iĕm na lu iĕm gô arih; Inh gô ăn kơ lu iĕm brŏk tơ teh iĕm kơdih na lu iĕm gô băt Inh boih Kră Yang, Inh khan pơkă boih, Inh gô pơm Kră Yang khan.

Yo 20:22

Đang kơ Sư pơma thoi noh, Yêsu dơhlu hơyuh mơsêh kơ lu bơngai pơhrăm păng akhan: “Sơng iŏk Yang Bơhngol 'Lơ̆ng bĕ.

Rom 8:2

Yua kơ bơ̆n lui kơ Yêsu Krist, na Yang Bơhngol 'Lơ̆ng ăn kơ bơ̆n tơdrong arih 'nao, bơ̆n jing klaih đơ̆ng tơdrong yoch, ưh pă hli kơ lôch dơ̆ng.

Êphêsô 2:5

mă khan bơ̆n bơngai dang lôch yua kơ tơdrong yoch, mă-lei dang ei bơ̆n kư̆m dang Sư tơiung lu bơ̆n thoi Yêsu Krist boih. Bơ̆n gơh klaih đơ̆ng tơdrong yoch yua kơ Sư mơnat ăn.

Tơdrông Tơ'bôh 11:11

Lăp kơtĕch pêng năr minh puăt na 'Bok Kei-Dei tơiung arih bre sư, ăn kơ bre sư gơh dui jơhngơ̆m klaih kơ noh iung hloi. Lu đe mă 'bôh bre sư iung arih hli tơrơ dêh.