Êsêkiên 37:4 - Sơ̆p Hlabơar Nơ̆r 'Bok Kei-Dei

⁴ Kră Yang khan kơ inh: “Athei khan lê̆ adrol bĕ kơ kơting 'nâu, khan kơ lu sư: “Ơ lu kơting kro, mơ̆ng bĕ nơ̆r Kră Yang.”

Êsêkiên 37:4 ပူးပေါင်းရင်းမြစ်များ

I Pot 13:2

Bơngai 'noh ôr khan kơ chơnang soi kiơ̆ thoi nơ̆r Kră Yang khan: “Ơ chơnang soi, chơnang soi! 'Nâu nơ̆r Kră Yang khan: 'Nâu đe gô tơpŭ kơ minh 'nu kon drŏ-nglo ăn kơ adrĕch hnam Đawit anăn sư Jôsia. Sư gô pơyơ̆r tơmam soi kơpal ih, lu 'bok soi đơ̆ng anih kơjung, lu 'bok soi noh bơngai mă soh tơmam 'bâu phu kơpal ih tơ rim anih kơjung păng đe gô soh kơting bơngai kơpal ih.”

Jop 10:11

Ih pơhrŭk ăn kơ inh sĕch păng akar, na tanh inh hơbĭ hơdai hăm kơting păng huan.

Êsai 26:19

Lu bơngai lôch lăm Ih gô iung arih, akâu akar lôch bơih lu sư gô iung dơ̆ng. Ơ lu bơngai lăm 'mui teh iung bĕ, hiôk chơt hơri bĕ. Đak ngom Ih nhen đak ngom pơgê hrôih, teh gô tơpŭ tơlĕch lu bơngai đơ̆ng lôch bơih.

Êsai 42:18

Ơ lu bơngai klĭk, mơ̆ng bĕ, ơ lu bơngai măt tol lar măt iĕm lăng bĕ;

Je 22:29

Ơ dêh char, dêh char, dêh char! Mơ̆ng bĕ nơ̆r Kră Yang.

Êsêkiên 36:1

Gah ih, ơ kon bơngai, khan lê̆ adrol bĕ gah kông kŏ Isơrael păng khan: “Ơ kông Isơrael, mơ̆ng bĕ nơ̆r Kră Yang!

Êsêkiên 37:11

Kră Yang khan kơ inh: “Ơ kon bơngai, lu kơting âu boih đĭ kơ adrĕch Isơrael. To, lu sư khan: ‘Kơting lu bơ̆n kro boih, tơdrong hơmĕng lu bơ̆n hiong đĭ boih, lu bơ̆n lôch răm đĭ boih!’

Êsêkiên 37:12

Na, khan lê̆ adrol bĕ, khan kơ lu sư: ‘Kră Yang khan thoi âu: Ơ kon pơlei Inh, Inh gô pơih bơsat lu iĕm, wă hơtŏk lu iĕm đơ̆ng lăm bơsat păng Inh anhăk ba lu iĕm brŏk tơ teh đak Isơrael.

Êsêkiên 37:9

Kră Yang khan kơ inh: Athei khan lê̆ adrol kơ kial arih, ‘ơ kon bơngai, athei khan lê̆ adrol bĕ kơ kial arih khan: ‘Kră Yang khan thoi âu: Ơ kial arih năm bĕ đơ̆ng puăn pah kial mơ̆t dui jơhngơ̆m bĕ tơ akâu lu bơngai lôch wă kơ lu sư arih.’”

Mi 6:2

Ơ lu kông păng lu hơnă teh kơjăp ling-lang, mơ̆ng bĕ nơ̆r đơ̆ng Kră Yang pơma hil! Yua kơ Kră Yang pơma chrih dơ̆ng kơ kon pơlei Sư păng Sư gô pơma hil dơ̆ng kơ kon pơlei Sư.

Jo 20:8

Iŏk bĕ 'long jra ih, hăm Arôn 'nhŏng ih, năm akŭm bĕ kon pơlei, na măr iĕm athei khan kơ tơmo 'bơ̆t anăp kon pơlei, na tơmo noh đei đak lĕch; ih gô pơm kơ tơmo noh đei đak lĕch ăn kơ kon pơlei hăm lu sem dơrong nhă.

Mathiơ 21:21

Yêsu khan kơ lu sư: “Inh khan kơ iĕm tơpă, dah iĕm đei đon lui kơjăp, 'nĕ kơ pơngiĕl, lei ưh kơ sĭ kơ pôm 'long hơra âu đĕch ôh iĕm gơh sơkat. Dah iĕm wă sơkat kơ kông âu gơh mơ̆n. Iĕm khan thoi âu: ‘Weh bĕ e, hiŏng kơtah kơdih tơ đak dơsĭ to.’ Tơdrong iĕm pơma noh gô 'bôh hloi tơpă.

Yo 2:5

Mĕ Sư kơtơ̆ng thoi noh boih, na sư năm khan kơ lu bơngai awih: “Iĕm jang kiơ̆ kơ Sư athei hŏ.”

Yo 5:25

“Inh khan tơpăt kơ iĕm dơ̆ng, ning-mônh kư̆m thoi dang ei mơ̆n, lu bơngai lôch gô kơtơ̆ng nơ̆r Kon 'Bok Kei-Dei krao sư, na bu mă mơ̆ng Sư krao, sư 'noh gô iung arih.

Tơdrông Tơ'bôh 10:11

Na sư khan kơ inh dơ̆ng thoi âu: “Ih athei pơtruh kơ lơ dêh char, teh đak, nơ̆r pơma khŭl kon bơngai păng lu 'bok pơtao kơ tơdrong wă truh kơ lu sư.”