Êsêkiên 36:3 - Sơ̆p Hlabơar Nơ̆r 'Bok Kei-Dei

³ Yua kơ thoi noh khan lê̆ adrol thoi âu: ‘Kră Yang khan thoi âu: Yua kơ lu sư pơm kơ ih jing juơ rơhiăng pă đei, blah ih đơ̆ng gah puăn pah, pơm kơ ih jing tơmam lu adrĕch adrung oei đei yua iŏk păng jing nơ̆r đe pơma roi sa, pơjăm,

Êsêkiên 36:3 ပူးပေါင်းရင်းမြစ်များ

Horiso 35:25

'Nĕ ăn kơ lu sư khan lăm jơhngơ̆m: “Ơ! To, tơdrong mă lu bơ̆n wă,”e Dah khan: “Lu bơ̆n luăn đĭ sư boih.”

Horiso 61:1

Ơ Kră Yang 'Bok Kei-Dei apinh Ih mơ̆ng nơ̆r inh krao ôr. Mơ̆ng nơ̆r inh krao khan.

Horiso 69:12

Lu bơngai ngôi 'bơ̆t măng jang che bơle kơ inh; Inh jing nơ̆r lu et tơdrô hơri jô̆.

Horiso 79:10

Yua kơ kiơ lu teh đak pơ̆n khan: “Kră Yang 'Bok Kei-Dei lu sư tơ yơ?” 'Bơ̆t anăp lu nhôn ăn kơ kon bơngai băt iung kơting kơ lu đĭch đam Ih, mă đe pơlôch boih.

Horiso 79:4

Lu nhôn jing bơngai pơm pơhiĕk ăn kơ rông 'bôt. Jing bơngai lu dêh char tăp dăr đe che bơle păng pơjăm.

Tơdrông Pơđơk 1:12

Lu bơ̆n gô luăn lu sư oei arih thoi dêh hơtâu, Păng luăn oei akâu hơpôm thoi đe huŏng lăm sơlŭng bơsat.

Je 18:16

Na teh đak lu sư jing bri juơ, pơm kơ đe hiĕk ling-lang; lu bơngai yak rok ei lăng chrơp, Na tơtreh kơ̆l.

Je 2:15

Dăm-brang ôr grĕnh, hơnganh bruh tơ sư. Pơm ăn kơ teh đak sư jing juơ. Lu pơlei tih sư đe soh pơrăm ưh pă đei bơngai oei.

Je 24:9

Inh gô pơm ăn kơ đĭ-đăng dêh char lăm teh đak lăng 'brơ̆ krưp kơ lu sư. Lăng lu sư đei đe blei hiap, đe pơ'brơh, đe pơjăm pơjuă, tơ jơ̆p lăm dêh char mă Inh đei pơpuh lu sư tơ noh.

Je 33:24

“Ih hăm đei kơtơ̆ng nơ̆r lu kon pơlei 'nâu pơma: Lu sư khan: ‘'Bar tŏ adrĕch adrung mă Kră Yang rơih boih, na achăng lê̆ dơ̆ng. Lu sư pơjăm kon pơlei Inh, ưh kơ lăng kon pơlei Inh thoi minh pôm dêh char dơ̆ng.”

Je 51:34

Nebukatnessar pơtao Babilôn luăn sa inh boih, sư pơjuă inh hĕch hoch; sư huet inh 'biao thoi gŏ hoh, Luăn sa inh thoi yă-grai sa tơmam 'lơ̆ng inh 'bĕnh kơ klak sư; Na hăk lê̆ inh.

Je 52:1

Sêđekia pơtơm pơm pơtao kơplah sư 'bar-jĭt mônh sơnăm; sư pơgơ̆r mơjĭt-mônh sơnăm lăm pơlei Jêrusalem. Mĕ sư anăn Hamuta kon drŏ-kăn Jêrêmi đơ̆ng pơlei Lipna.

Nhom 2:2

Kră Yang pơrăm boih, ưh pă đei mơnat, đĭ-đăng anih Jakôp oei. Đơ̆ng tơdrong Sư hil teh pơchah kơđông kơjăp kon adruh Juđa; Sư teh tơjruh tơ teh, pơm kơ lu teh đak sư hăm lu kră pơgơ̆r lăm char sư mơlâu.

Nhom 2:5

Kră Yang jing thoi bơngai ayăt, pơrăm boih Isơrael. Pơrăm đĭ hnam pơtao, pơrăm đĭ kơđông pơm ăn kơ kon adruh Juđa ơh sơ'ngon nhơ̆m hmoi.

Nhom 3:62

Dôm lu ayăt kơ inh, pơđâu wă pơm kơnê̆ păng pơrăm inh rim năr.

Êsêkiên 12:20

Lu pơlei gô đei lơ bơngai đe pơlôch pơrăm, na teh đak jing juơ rơhiăng, na lu sư gô băt inh boih Kră Yang.’ ”

Êsêkiên 13:10

Lu sư hơlĕnh pơm kơ kon pơlei Inh wơ̆l jrok hăm nơ̆r sư khan, “Hiôk-hian,” mă-lei ưh kơ đei hiôk-hian. To, kon pơlei Inh man dur ưh kơ kơjăp, âu lu sư hơlĕnh bah hăm chŭr kok.

Êsêkiên 35:13

Nơ̆r ih pơma pơang blah Inh; păng rai thim nơ̆r blah inh, Inh kơtơ̆ng boih!

Êsêkiên 36:5

Kră Yang khan thoi âu: Lăm tơdrong Inh hil gar tơtŏ thoi ŭnh, inh wă blah lu dêh char mă oei oei păng đĭ kơ char Eđôm, lu dêh char mă đĭ jơhngơ̆m chơt hiôk pơjăm tơgar iŏk teh Inh jing tơmam sư kơdih păng tơgar iŏk lu tơmăn 'nhĕt,

Da 9:16

Ơ! Kră Yang 'Bok Kei-Dei, kư̆ kiơ̆ tơdrong tơpăt Ih, inh apinh Ih pơm kơ tơdrong Ih hil weh đơ̆ng pơlei Jêrusalem Ih, wă khan kông rơgoh Ih; yua kơ tơdrong yoch lu nhôn păng tơdrong kơnê̆ lu 'bok yă nhôn, na mă pơlei Jêrusalem păng kon pơlei pơla sư pŭ iŏk tơdrong pơ'brơh đơ̆ng lu bơngai oei tăp dăr kơ lu nhôn.

Lêwi 26:43

Yua kơ char lu sư hlôi achăng lê̆ bri juơ, gô đei dôm sơnăm Sa'bat, kiơ̆ kơ lu sư đei achăng lê̆ dôm yơ noh; lu sư gô chu iŏk tơdrong bơtho pơjĭ yua kơ tơdrong yoch lu sư kơdih, yua kơ lu sư sơngah ưh kơ kiơ̆ nơ̆r Inh tơtă păng areh kơ tơdrong juăt Inh.

Ob 1:13

Trŏ kơ ih 'nĕ kơ mơ̆t tơ 'măng jang kon pơlei Inh kơplah lu sư đei tơdrong pơmat-tat; glăi boih ih pơang lăng tơ tơdrong gleh truh kơ lu sư, lăm năr lu sư pơmat-tat glăi boih ih iŏk mŭk tơmam lu sư, kơplah lu sư oei đei tơdrong gleh pơmat.

I Kor 4:13

đe chă pơchê nhôn ră, mă-lei nhôn tơl tơwih pơ'lơ̆ng đĕch; oei khơ̆ dang ei đĕch tơdrong lu nhôn thoi lĕ kơ 'bruih đe bơngai ala teh.

Both 28:37

Lăm lu adrĕch adrung mă Kră Yang puh iĕm truh tơ yơ, đĭ-đăng kon pơlei tơ noh hli tơrơ, 'bôh tơdrong pơmat-tat lu iĕm. Lu iĕm jing bơngai pơm kơ đe pơjăm hiĕk ăr.