Êsêkiên 34:4 - Sơ̆p Hlabơar Nơ̆r 'Bok Kei-Dei

⁴ Lu kon triu tơrăn, iĕm ưh kơ tơgŭm ăn kơ lu sư pran; lu triu jĭ, iĕm ưh kơ ming hơmet wă kơ klaih; lu triu rơka, iĕm ưh kơ đei hơmet lu triu mă jrok tơklah tơklang, lu iĕm ưh kơ chông brŏk lu kon triu mă jrok hiong lu iĕm ưh kơ năm chă. Lu iĕm wei rong sư hăm tơdrong pơgŏ pơđep.

Êsêkiên 34:4 ပူးပေါင်းရင်းမြစ်များ

Êsai 1:5

Lơliơ lu iĕm wă kơ oei teh hơnơ̆ng? Yua kơ kiơ lu iĕm oei 'maih blah plơ̆ ling-lang? Rim kơ̆l lu iĕm đĭ rơka, jơhngơ̆m lu iĕm đĭ jĭ bơih.

Êsai 3:7

Mă-lei lăm năr noh, bơngai noh gô ôr khan, “inh ưh kơ trŏ bơngai gơh pơklaih ôh, lăm hnam inh ưh kơ đei tơmam sa, kư̆m ưh kơ đei ao tai, 'nĕ rôp inh pơm yŏng pơgơ̆r kon pơlei.”

Êsai 56:10

Lu bơngai Isơrael gak tă kơ măt tol, ưh kơ băt tơdrong kiơ. Đĭ-đăng lu sư thoi kŏ kơmlo, ưh kơ băt kơ kuăl, 'maih 'bĭch ling-lang păng tep blêk apo kư̆ kă đĕch;

Je 22:13

Răm-'băm tơpă kơ bơngai bu mă pơdơ̆ng hnam pơtao sư hăm tơdrong ưh kơ trŏ păng pơm anih tơ kơpal hăm tơdrong ưh kơ tơpăt hơnơ̆ng rôp lu bơngai rông 'bôt sư jang hoh; ưh kơ đei apah lu sư;

Je 8:22

Lăm dêh Gileat hăm pă đei 'long pơgang pơklaih rơka ưh? Hăm pă đei 'bok pơgang tơ noh? Liơ mă rơka lu kon pơlei inh ưh kơ klaih?

Êsêkiên 19:6

Sư chă yak năm hơdai hăm lu dăm-brang jing dăm-brang mơlôh, pơjuăt chă rôp kon sem păng sa bơngai.

Êsêkiên 19:7

Sư pơrăm lu pơlei kơjăp; păng pơm kơ lu pơlei lu sư jing juơ tơtŭng, teh đak păng kon pơlei oei lăm noh hli ngăl kơ nơ̆r sư ôr gơhuh.

Êsêkiên 19:9

Đe chô̆ sư hăm gơwŏk glang, tah sư lăm bai na năm ba sư tơ char Babilôn; chĭt sư lăm hnam bơnă na huay pă kơtơ̆ng nơ̆r sư ôr tơ kông Isơrael dơ̆ng.

Êsêkiên 34:16

Inh gô chă lu triu tơklah, Inh gô anhăk ba lu triu jrok wih brŏk, Inh gô pơ̆n hơmet lu triu rơka păng tơgŭm triu ayơ đei jĭ jăn jing pran. Mă-lei lu triu bek, pran Inh gô pơlôch, yua kơ Inh gô wei rong lu triu inh hăm tơdrong 'lơ̆ng tơpăt.

Lêwi 25:43

Pơgơ̆r sư 'nĕ kơ pơjuă pơđep dêh, sơmă athei hli yom kơ Kră Yang 'Bok Kei-Dei ih.

Mathiơ 10:6

Iĕm athei năm tơ tơring bơngai Isơrael bơ̆n, yua kơ lu sư dang triu jrok trong.

Mathiơ 21:35

Mă-lei lu bơngai jang mơng rôp lu đĭch đam sư, mơ'nah sư tôn teh, mơ'nah sư pơlôch, mơ'nah sư klơ̆m păng tơmo.

Mathiơ 24:49

na sư ngôi hơdai sa et păng lu bơngai suai sik, tôn teh lu buăl sư tăm,

Mathiơ 9:36

Yêsu 'bôh lu bơngai tơpôl noh Sư mơnat dêh, lu sư oei hli sơ'ngon đon ưh kơ băt pơm thoi yơ, dang lĕ kơ triu ưh kơ đei tơ'ngla wei-lăng.

II Kor 1:24

Mă-lei ưh kơ sĭ nhôn wă pơgŏ pơđep tơdrong lui iĕm ôh. Kơlih kơ nhôn 'bôh iĕm lui kơjăp, na nhôn wă jang hơdai iĕm, wă kơ iĕm chơt.

Hêbrơ 12:12

Thoi noh na iĕm 'nĕ kơ pơhơi, athei iung mă tơpăt.