Êsêkiên 34:2 - Sơ̆p Hlabơar Nơ̆r 'Bok Kei-Dei

² Ơ kon bơngai, khan lê̆ adrol wă blah plơ̆ lu bơngai wei triu, lu bơngai wei rong Isơrael; khan lê̆ adrol pơma kơ lu sư, athei khan lê̆ kơ bơngai wei triu: Kră Yang khan thoi âu: Răm-'băm tơpă, ơ lu bơngai wei rong Isơrael, lăp hiơ̆k kơ wei rong kơdih akâu đĕch, hăm trŏ kơ lu bơngai wei triu noh wei rong khŭl triu dah kiơ?

Êsêkiên 34:2 ပူးပေါင်းရင်းမြစ်များ

II Sam 5:2

Adrol sơ̆ kơplah Sôl oei pơm pơtao, ih boih pơgơ̆r lu linh Isơrael năm tơblah. ‘Kră Yang đei khan kơ ih’ ‘Ih boih gô wei rong kon pơlei pơla Isơrael Inh, păng pơgơ̆r lu sư.”

Êsai 40:11

Sư gô wei rong khŭl triu Sư nhen thoi bơngai wei triu, akŭm lu triu kon lăm ti Sư, păng kơ'mĭn kuăr sư tơ kơtơh, chông hơdar hơdêh lu triu yŏng đei kon iĕ.

Êsai 56:11

Lu sư jơ̆ kŏ sa dư, ưh kơ băt phĭ. Noh bơih lu bơngai wei triu ưh kơ hlôh wao: Chă wơ̆t kiơ̆ trong kơdih lu sư; rim 'nu lu sư chă tơdrong pơyua kơdih, đơ̆ng blŭng truh tơ tôch.

Je 10:21

Lu bơngai yŏng kơhlôh. Ưh kơ đei apinh Kră Yang ôh na lu sư răm đĭ, Na kon pơlei lu sư tơklah tơklang.

Je 12:10

Lu bơngai wei triu pơrăm boih mir hơmu Inh; Pơjuă gơhlơ̆r teh Inh jang sa; lu sư pơm kơ teh 'lơ̆ng Inh jing bri juơ.

Je 2:8

Lu 'bok soi ưh pă jet: ‘Tơ yơ Kră Yang?’ Lu 'bok bơtho khôi juăt ưh pă băt kơ Inh dơ̆ng. Lu bơngai pơgơ̆r blah Inh. Lu 'bok khan lê̆ adrol yua anăn yang Baal na khan lê̆ adrol, kiơ̆ lu yang nai ưh kơ đei yua kiơ.

Je 23:1

Kră Yang khan: “Răm-'băm tơpă kơ lu bơngai wei triu, pơrăm păng pơm kơ triu Inh tơklah tơklang đơ̆ng tơmăn 'nhĕt Inh.”

Je 3:15

Inh gô ăn kơ iĕm lu bơngai wei-lăng kiơ̆ thoi Inh lăp; lu sư gô wei rong chông anhăk lu iĕm hăm tơdrong gơh hơgei hlôh wao.”

Êsêkiên 13:19

Lu iĕm pơm pơ'mê̆ kơ Inh lăm lu kon pơlei Inh, wă kơ đei minh chup 'ba tơ'bâu păng minh tơpei 'bĕng, pơma hơlĕnh kơ kon pơlei Inh, lu sư mơ̆ng kiơ̆ nơ̆r hơlĕnh lu iĕm, na pơlôch bơngai mă ưh kơ trŏ kơ lôch, păng rong bơngai mă ưh kơ trŏ wă rong arih.

Êsêkiên 22:25

Lu 'bok khan lê̆ adrol lăm lu iĕm đei pơgơ̆p băl nhen thoi dăm-brang grĕnh hơrum sa tơmam đêl lu sư rôp. Lu sư châu sa bơngai, tơtông iŏk lu mŭk tơmam gĭt, pơm kơ lơ bơngai drŏ-kăn jing adro po lăm pơlei.

Êsêkiên 33:24

“Ơ kon bơngai, lu bơngai oei lăm char Isơrael juơ tơtŭng âu đei pơma: 'Bok nhôn Abraham lăp minh 'nu sư đei iŏk char 'nâu, mă-lei lu bơ̆n bơngai lơ, sĭt bơ̆n gô iŏk teh char âu wă jang sa.

Êsêkiên 34:1

Kră Yang khan kơ inh:

Êsêkiên 34:14

Inh gô wei rong lu sư tơ anih 'nhĕt 'lơ̆p hơdrih; hơdrong lu sư oei tơ kơpal kông Isơrael, tơ noh lu sư gô 'bĭch pơdơh hiôk-hian păng sa 'nhĕt 'lơ̆p hơdrih tơ jơ̆p kơpal kông Isơrael.

Êsêkiên 34:15

Inh kơdih gô wei triu Inh, păng Inh kơdih gô ăn kơ lu sư drum pơdơh, Kră Yang khan thoi noh.

Am 6:4

Răm-'băm dêh kơ lu bơngai tep tơ giơng bơla păng yon pơdăng jơ̆ng kơpal tang-dŏ iĕm; 'buh sa lu kon triu mă rơih iŏk đơ̆ng lăm khŭl păng 'bet sa rơmo bek đơ̆ng lăm hơdrong.

Sa 11:17

Răm-'băm tơpă kơ lu bơngai wei triu ưh kơ brĕ, achăng lê̆ triu lu sư! Iŏk đao 'bet kơkŏng ti sư păng koh măt gah 'ma sư; kơkŏng sư jing jo păng măt sư jing tol.”

Yo 10:8

Đĭ-đăng bơngai truh hơdrol kơ inh khan wă wei-lăng triu, lu sư dang bơngai chă tơtông ngăl mă-lei triu ưh kơ kiơ̆ lu sư ôh.

Jang 20:26

Na inh wă khan tơpă kơ lu iĕm dang ei: Tơdah 'Bok Kei-Dei phak iĕm ning-mônh, măk ai lu iĕm hŏ, yua kơ inh ưh kơ hli na bơtho iĕm tôm tơdrong 'Bok Kei-Dei.

Jang 20:29

Inh băt đơ̆ng rŏng kơ inh tơklah đơ̆ng lu iĕm, lu bơngai kơnê̆ pă jor wă năm tơ iĕm, wă pơhlŭ lu bơngai lui achăng lê̆ Kră Yang Yêsu. Lu sư thoi lĕ kŏ-so wă rôp sa triu.

Rom 16:18

Dôm lu bơngai thoi noh lu sư ưh kơ jang tơdrong Kră Yang bơ̆n Yêsu Krist tơpă ôh, sư jang wă 'me akâu sư kơdih đĕch, sư pơma kơ đe rơngơp dêh, na lu đe mă 'bônh kơ lui kiơ̆ kơ sư.

II Kor 12:14

Na 'măng mă pêng âu inh wă năm tơ iĕm, mă inh năm inh ưh kơ năm pơgleh iĕm athei iĕm 'me inh, dah iŏk jên tơmam iĕm ôh; inh năm tơ iĕm, inh wă ngôi hơpong păng iĕm. Ưh kơ sĭ kon 'me 'bă ôh, 'bă 'me kon.

II Pet 2:3

Yua kơ lu sư bơngai ham dêh, na lu sư kư̆m hơlĕnh pơdăr kơ iĕm, wă kơ đei sa jên tơmam iĕm. Mă đơ̆ng sơ̆ 'Bok Kei-Dei phak lu bơngai thoi noh ngăl, na lu bơngai noh kơnh 'Bok Kei-Dei kư̆m phak mơ̆n, ưh kơ lê̆ ôh.

Ju 1:12

Kơplah iĕm sŏng sa tih, iĕm sa hơpong wă tơbăt kơ đe tơdrong iĕm 'mêm băl, lu sư kư̆m sŏng sa hơdai iĕm mơ̆n, mă-lei lu sư sa dư dêh wă kơ mă hrăp kơ hơlŏng klak lu sư kơdih, ưh kơ băt mơlâu kơ bôl buăl. Lu sư pơm tơdrong noh kơplah iĕm akŭm băl tơdrong 'lơ̆ng, thoi lĕ kơ ao 'nao, mă sư mơgrĭ. Lu sư jing bơngai ưh kơ yua, thoi hơmơ̆l păr tơ rơwơ̆ng ưh kơ đei 'mi, kial thu jơ̆p-jang; kư̆m thoi 'long ưh kơ plei, trŏ bơyan plei mă sư jing thoi 'long lôch, jing tơbuch đĭ rơh sư hloi.