Êsêkiên 32:7 - Sơ̆p Hlabơar Nơ̆r 'Bok Kei-Dei

⁷ Kơplah Inh pơlôch ih, Inh pĕng klơ̆p lê̆ plĕnh pơm kơ sơnglŏng măng mu. Inh gô pĕng klơ̆p lê̆ măt 'năr hăm hơmơ̆l păng măt khei kư̆m ưh kơ đei hơdah dơ̆ng.

Êsêkiên 32:7 ပူးပေါင်းရင်းမြစ်များ

Jop 9:7

Sư tơtă kơ măt 'năr 'nĕ kơ lĕch Sư găn lê̆ lu sơnglŏng

Tơdrông Pơđơk 13:9

Ŭnh kơđeng lu bơngai tơpăt pơchrang hơdah; Gah ŭnh kơđeng lu bơngai kơnê̆ păt đĭ.

Bôk Bơthô 12:2

Adrol kơ măt 'năr, măt khei, lu sơnglŏng ưh pă hơdah dơ̆ng păng hơmơ̆l đông hơlơ̆k đơ̆ng rŏng kơ 'mi.

Êsai 13:10

Lu sơnglŏng păng khŭl sơnglŏng rang tơ kơpal plĕnh ti ưh pă pơchrang hơdah dơ̆ng bơih. Măt 'năr lĕch ră mă kư̆m oei măng mu, măt khei kư̆m ưh pă pơchrang hơdah dơ̆ng mơ̆n.

Êsai 34:4

Đĭ-đăng lu măt khei sơnglŏng kơpal plĕnh gô hach lek, plĕnh gô tơlôm nhen đe lôm sơnôm hla bơar. Đĭ-đăng lu măt khei sơnglŏng sư gô hiong đĭ, nhen thoi hla hơmu hơlŭng, nhen thoi plei hơra hơlŭng huŏng đơ̆ng tơm sư.

Je 13:16

Ư-ang bĕ kơ Kră Yang 'Bok Kei-Dei iĕm, adrol kơ Sư wă ăn măng mu truh, adrol kơ jơ̆ng lu iĕm kơtơih 'bơm kông măng mu gueo. Kơplah lu iĕm chă hơdah ră, Sư tơplih tă tơ măng mu, Sư gô ăn kơ măng mu jing măng klăm hơ'bơ̆l gueo.

Êsêkiên 30:18

Tơ pơlei Tahpanhes, kơ'năr đei măng mu kơplah Inh gô pơrăm lê̆ 'long ăt char Êyiptơ; tơ noh jơhngơ̆m pran pơang lu sư gô pơrăm đĭ pă đei. Hơmơ̆l găm gô klơ̆p gom char noh, lu kon pơlei sư gô pơm bơnă.

Êsêkiên 30:3

Yua kơ năr noh wă jê̆ boih, năr Kră Yang wă jê̆ boih. Năr noh năr măng mu năr noh năr đĭ-đăng lu adrĕch adrung lăm teh.

Êsêkiên 31:15

Kră Yang khan thoi âu: Lăm năr mă sư huŏng lăm anih bơngai lôch, Inh ăn kơ lu bơngai nhơ̆m hmoi, Inh klơ̆p lê̆ sơlŭng jrŭ, găn lê̆ lu glung găn lê̆ lu đak ro jăng. Inh ăn kơ kông Liban sơ'ngon yua kơ sư păng đĭ-đăng lu 'long tơ bri jô kro yua kơ sư.

Êsêkiên 34:12

Thoi bơngai wei triu oei hơdai triu păng jô̆ lăng khŭl triu hiong, Inh kư̆m jô̆ lăng khŭl triu Inh; Inh gô dŏng pơklaih lu sư đơ̆ng rim anih mă lu sư tơklah tơklang lăm năr măng mu gueo.

Jôel 2:10

Teh đak tơdrŏ 'bơ̆t anăp lu sư, plĕnh kư̆m pơpơ̆, măt 'năr măt khei jing măng mu, lu sơnglŏng ưh pă pơchrang hơdah dơ̆ng.

Jôel 2:2

Wă khan năr măng klăm măng mu gueo, năr hơmơ̆l găm păng tŭk hơ'bơ̆l gom kông. Đei minh adrĕch adrung tih păng pran kơtang truh thoi hơdah pơgê hrôih pơchrang jơ̆p kơpal kông. Đơ̆ng sơ̆ tam biơh đei, mă truh tơ ning-mônh kư̆m ưh kơ đei lu adrĕch bơngai thoi lu sư noh.

Jôel 2:31

Măt 'năr gô măng mu, măt khei gô jing thoi pham, adrol kơ năr krưp tih Kră Yang truh.

Jôel 3:15

Măt 'năr măt khei jing măng mu, lu sơnglŏng pă hơdah dơ̆ng.

Am 8:9

Kră Yang khan: Lăm năr noh gô đei tơdrong truh, inh gô pơm ăn kơ măt 'năr mơ̆t kơplah măt 'năr dơ̆ng păng pơm kơ teh măng mu kơplah 'năr oei đei.

Mathiơ 24:29

“Đơ̆ng rŏng kơ tơdrong anat noh boih măt 'năr gô măng mu, măt khei ưh kơ hơdah, sơnglŏng gô huŏng đơ̆ng plĕnh.

Markôs 13:24

“Đơ̆ng rŏng kơ tơdrong anat noh boih măt 'năr gô măng mu, măt khei ưh kơ hơdah.

Luka 21:25

“Iĕm gô 'bôh tơdrong hlĭch hlăch tơ măt 'năr, tơ măt khei păng lu sơnglŏng mơ̆n. Tơ ala teh âu lu teh đak đei tơdrong gleh tơpă. Lu sư hli kơ jơwa đak dơsĭ poh-yă tih.

Tơdrông Tơ'bôh 8:12

Linh jang mă puăn hlôm keng, đei minh pah lăm pêng pah măt 'năr, đei minh pah lăm pêng pah măt khei, đei minh pah lăm pêng pah lu sơnglŏng jing măng mu minh pah. Đĭ lu sư jing ưh pă gan hơdah boih; 'noh jĭ kơ'năr ră, rai kơmăng rai loi.