Êsêkiên 32:30 - Sơ̆p Hlabơar Nơ̆r 'Bok Kei-Dei

³⁰ Đĭ-đăng lu yŏng char gah yă-nơ̆m, hơdai hăm đĭ-đăng lu kon pơlei Siđôn oei tơ noh, lu sư pŭ iŏk tơdrong mơlâu jur năm hơdai lu bơngai mă đe pơlôch, mă khan lu sư nuih kơtang pơm kơ đe hli tơrơ ră. Lu sư 'bĭch hơdai hăm lu bơngai ưh kơ kăt tơdra akar lu bơngai mă đe pơlôch hăm đao, lu bơngai mă pŭ tơdrong mơlâu jur tơ lăm sơlŭng jrŭ.

Êsêkiên 32:30 ပူးပေါင်းရင်းမြစ်များ

Je 1:15

'Nâu Kră Yang khan: “Inh gô krao lu adrĕch adrung đơ̆ng dêh char gah yă-nơ̆m,” Lu sư gô truh, rim 'nu lu sư kư̆m gô pơdơ̆ng anih pơtao lu sư tơ 'măng jang pơlei Jêrusalem; wă pơrăm dur tăp dăr kơ pơlei păng pơrăm đĭ lu pơlei lăm char Juđa.

Je 25:22

Ăn đĭ kơ lu pơtao Tirơ, kơ lu pơtao oei lăm Siđôn păng kơ lu pơtao oei lăm bŏl đak dơsĭ.

Je 25:26

Ăn đĭ kơ pơtao gah yă-nơ̆m, oei jê̆ dah ataih, ăn kơ đĭ-đăng dêh char kơpal teh. Đơ̆ng noh ăn kơ Pơtao Sêsach kư̆m huch sik lăm kơchŏk noh.

Êsêkiên 26:20

Kơplah noh Inh gô tơjur ih tơ lăm sơlŭng jrŭ hơdai hăm kon pơlei oei chăl sơ̆. Inh gô ăn kơ ih oei tơ anih jrŭ lăm teh sŭng hơdai hăm lu bơngai răm rai chăl sơ̆. Thoi noh, na kon pơlei ưh pă đei oei lăm ih dơ̆ng; ih kư̆m ưh kơ đei oei lăm teh lu bơngai arih mơ̆n.

Êsêkiên 28:10

Ih gô lôch nhen thoi bơngai tam mă kăt tơdra akar. Lăm ti lu bơngai tơmoi, yua kơ Inh khan boih, Kră Yang khan.’”

Êsêkiên 28:21

“Ơ kon bơngai tơwih bĕ muh măt ih gah pơlei Siđôn, khan lê̆ adrol blah sư.

Êsêkiên 28:23

Inh gô ăn tơdrong lôch hơbuh truh lăm pơlei, tuh pham lĕch sĕch huŏng jơ̆p kơ trong. Lu bơngai pơ̆k lôch tơ lăm pơlei, yua kơ đao blah lu sư đơ̆ng puăn pah; na lu sư gô băt Inh boih Kră Yang.

Êsêkiên 38:15

Đơ̆ng anih ih oei tơ gah yă-nơ̆m ih gô năm truh, đei lơ kon pơlei kiơ̆ ih, đĭ-đăng lu sư gô hao aseh đei lơ bơngai pơgơ̆p jing minh khŭl linh nuih kơtang.

Êsêkiên 38:6

Gômer păng đĭ-đăng lu linh sư, pơlei Tôgama oei tôch gah yă-nơ̆m hăm đĭ-đăng lu linh sư, kư̆m đei lơ kon pơlei kư̆m năm hơdai ih.

Êsêkiên 39:2

Inh gô pơm kơ ih wơ̆t dơ̆ng, Inh gô chông ih lĕch năm, na ih gô tŏk năm gah yă-nơ̆m, chông ba ih tŏk blah tơ kông groi Isơrael.