Êsêkiên 32:23 - Sơ̆p Hlabơar Nơ̆r 'Bok Kei-Dei

²³ Bơsat lu sư lê̆ tơ lăm sơlŭng jrŭ, lu kon pơlei oei jum dăr kơ bơsat noh, đĭ-đăng lu sư noh đe pơlôch hăm đao; lu bơngai noh boih bơngai mă pơm kơ teh đak lu bơngai arih hli.

Êsêkiên 32:23 ပူးပေါင်းရင်းမြစ်များ

Jop 28:13

Kon bơngai ưh kơ băt trong ba truh tơ tơdrong gĭt gơh hơgei.a Ưh kơ gơh chă tơdrong hơgei tơ kơpal teh âu.

Horiso 116:9

Inh gô yak năm 'bơ̆t anăp Kră Yang. Lăm teh đak lu bơngai arih.

Horiso 142:5

Ơ Kră Yang, inh krao apinh Ih, Inh khan: “Ih boih anih inh kơ'nơp. Sư boih mă mŭk tơmam inh lăm teh lu bơngai arih.”

Horiso 27:13

Ngeh tơpă Inh gô 'bôh tơdrong pŭn hiôk đơ̆ng Kră Yang tơ lăm teh đak lu bơngai arih.

Êsai 14:17

Pơm kơ lu dêh char jing teh glă, pơrăm lê̆ lu plei tih, păng ưh kơ tơlĕch lu bơngai pơm bơnă brŏk tơ hnam sư kơdih?”

Êsai 38:11

Inh khan: “Inh gô ưh pă 'bôh bơih Kră Yang, Kră Yang mă oei tơ teh lu bơngai arih, inh ưh pă 'bôh bơih kon bơngai oei arih dah oei hơdai hăm kon bơngai lăm teh đak âu.

Je 11:19

Gah inh, thoi minh pôm kon triu rơmơ̆n đe ba wă pơlôch, inh ưh kơ băt lu sư pơđâu wă pơlôch inh, khan: “Pơrăm bĕ đơ̆ng tơm truh tơ plei sư. Kăl klơ̆m hŭt lê̆ sư đơ̆ng teh đak lu bơngai arih, Wă kơ huay pă đei bu 'blŏk kơ anăn sư dơ̆ng.”

Êsêkiên 26:17

Lu sư nhơ̆m hmoi kơ ih păng khan kơ ih: Ơ pơlei mă đei ư-ang liơ ih răm đĭ, pơlei lu bơngai mă oei tơ đak dơsĭ, ih păng lu kon pơlei ih oei kơjăp mơdrŏng lăm đak dơsĭ. Ih păng đĭ-đăng bơngai tơ noh pơm kơ đe hli.

Êsêkiên 26:20

Kơplah noh Inh gô tơjur ih tơ lăm sơlŭng jrŭ hơdai hăm kon pơlei oei chăl sơ̆. Inh gô ăn kơ ih oei tơ anih jrŭ lăm teh sŭng hơdai hăm lu bơngai răm rai chăl sơ̆. Thoi noh, na kon pơlei ưh pă đei oei lăm ih dơ̆ng; ih kư̆m ưh kơ đei oei lăm teh lu bơngai arih mơ̆n.

Êsêkiên 32:32

Mă khan Inh lê̆ sư pơm rai dêh tơhli lăm char bơngai arih, Pharaôn hăm đĭ-đăng kon pơlei sư gô tơ'bĭch hơdai hăm lu ưh kơ kăt tơdra akar, hơdai hăm lu bơngai đe pơlôch hăm đao, Kră Yang khan thoi noh.”

Na 1:14

Kră Yang ăn boih tơdrong pơtă trŏ kơ ih, ih ưh pă đei kon hơ'lơ̆p wă pơtrơp iŏk anăn ih. Inh gô tơhiong pơrăm lê̆ lu rup yang iĕm man păng lu rup yang iĕm hling đơ̆ng lu hnam yang ih. Inh gô sir sơlŭng bơsat 'bŭ ih yua kơ ih yoch kơnê̆ dêh.