Êsêkiên 32:22 - Sơ̆p Hlabơar Nơ̆r 'Bok Kei-Dei

²² Yŏng Asiri hăm đĭ-đăng kon pơlei sư oei tơ noh, bơsat lu sư jum dăr kơ sư, đĭ-đăng lu sư đe pơlôch hăm đao;

Êsêkiên 32:22 ပူးပေါင်းရင်းမြစ်များ

Êsai 14:25

Inh gô blah pơrăm bơngai Asiri lăm teh đak Inh, gô pơjuă bơhlơ̆r sư tơ kơpal kông Inh, 'long ăt sư gô plôh gơ̆ lê̆ đơ̆ng lu kon pơlei Inh, hơnong trăp sư gô hơ'nglơh lê̆ đơ̆ng hơngiĕng lu sư.”

Êsai 30:33

Tôphêt đei hơmet lê̆ đơ̆ng sơ̆ bơih anih wă soh. Sĭt tơpă đei hơmet bơih ăn kơ pơtao, Hơlŭng ŭnh jrŭ păng să, đei ŭnh păng 'long ŭnh lơ, hơyuh dui jơhngơ̆m Kră Yang thoi glung tơmo ŭnh sa khơ̆ng.

Êsêkiên 27:23

Bơngai mơdro đơ̆ng lu pơlei Haran, Kannê păng Êđen, Sêba, Asur păng Kilmat bơngai mơdro sa hăm ih.

Êsêkiên 32:24

Elam hăm đĭ-đăng lu sư oei tơ noh, bơsat lu sư tăp dăr; đĭ-đăng lu sư pơ̆k lôch đe pơlôch hăm đao. Lu sư bơngai ưh kơ chu kăt tơdra akar jur lăm bơsat; lu sư bơngai mă hlôi pơm kơ lu char bơngai arih hli tơrơ. Lu sư pŭ iŏk mơlâu hơdai hăm lu bơngai jur lăm sơlŭng jrŭ.

Êsêkiên 32:26

Mesek hăm Tubal păng đĭ-đăng lu kon pơlei sư oei tơ noh; bơsat lu sư oei jum dăr kơ sư. Đĭ-đăng lu sư ưh kơ kăt tơdra akar ngăl, đe pơlôch hăm đao. Lu sư đei pơm kơ char lu bơngai arih hli tơrơ.

Na 1:14

Kră Yang ăn boih tơdrong pơtă trŏ kơ ih, ih ưh pă đei kon hơ'lơ̆p wă pơtrơp iŏk anăn ih. Inh gô tơhiong pơrăm lê̆ lu rup yang iĕm man păng lu rup yang iĕm hling đơ̆ng lu hnam yang ih. Inh gô sir sơlŭng bơsat 'bŭ ih yua kơ ih yoch kơnê̆ dêh.

Jo 24:24

Mă-lei gô đei lơ duk đơ̆ng dêh Kitim truh rôp pơmat lu bơngai Asur păng lu bơngai Eber; Păng lu sư đe kư̆m gô pơrăm đĭ mơ̆n.