Êsêkiên 32:2 - Sơ̆p Hlabơar Nơ̆r 'Bok Kei-Dei

² “Ơ kon bơngai, athei nhơ̆m hmoi kơ Pharaôn pơtao Êyiptơ, khan bĕ kơ sư: ‘Ih nhen thoi dăm-brang lăm lu dêh char, ih kư̆m thoi sem brem kơnê̆ lăm đak dơsĭ, pơm kơ lu đak glung tơprah, ih wơ̆r đak hăm jơ̆ng, pơm kơ lu đak glung jing gơsŏk.

Êsêkiên 32:2 ပူးပေါင်းရင်းမြစ်များ

Bl 49:9

Juđa jơ̆ dăm-brang mơlôh; Ơ dăm! E đei rôp bơnă na anhăk ba brŏk, Sư sơtơ̆p kŭl-tăng, thoi dăm-brang tơno drum. Thoi dăm-brang akăn; hăm đei bu pơ̆n tơiung?

Jop 41:23

Lu akar sĕch sư tơklep băl kơjăp, Klep hơrăk thoi đe tuh bơsei, ưh kơ đei tơpleh.

Jop 7:12

Inh hăm trŏ kơ đak dơsĭ Tih, dah 'bih Prao lăm đak dơsĭ jrŭ, Na Ih mah wei gak inh?

Tơdrông Pơđơk 25:26

Bơngai tơpăt huŏng lăm bơngai pơm kơnê̆ pơhlŭ. Thoi đak sơlŭng gơsŏk đĭ, thoi đak mơlĕch mơgrĭ boih.

Tơdrông Pơđơk 28:15

Bơngai kơnê̆ pơgơ̆r kon pơlei dơnuh hin; Nhen thoi dăm-brang grĕnh gơhuh nhen thoi chơgơu druh sem bri wă rôp sa.

Tơdrông Pơđơk 30:30

Dăm-brang pran kơtang hloh kơ đĭ-đăng sem brem, Ưh kơdŭn tơ rŏng ôh 'bơ̆t anăp lu sem brem nai:

Êsai 27:1

Lăm năr noh, Kră Yang gô yua đao gưm arăng, Tih păng pran kơtang wă phak: Lêwiathan jơ̆ 'bih hơbĕch hơbal, phak Lêwiathan jơ̆ 'bih đŏng đĕo păng Sư gô pơlôch kơ-nang-grai lăm đak dơsĭ.

Êsai 51:9

Ơ ti Kră Yang hơđơ̆r bĕ hơđơ̆r bĕ! Pơpôi jơhngơ̆m pran. Iung bĕ thoi sơ̆. Thoi jơhngơ̆m blŭng-a sơ̆! Hăm trŏ kơ Ih Tơ'ngla wă koh hơjăl Ahap, păng 'bet bơih kon sem brem tih noh dah kiơ?

Je 4:7

Dăm-brang lĕch boih đơ̆ng anih sư, lu bơngai chă pơrăm dêh char đe, pơtơm lĕch đơ̆ng anih lu sư boih wă pơrăm pơm ăn kơ teh âu jing bri brah, Lu pơlei tih iĕm jing juơ, pă đei bơngai oei.

Je 46:7

Bơngai bu noh, tŏk hơlôk thoi đak Krong Nil, thoi đak krong tih ro hơlôk hơlak?

Je 46:8

Noh dêh char Êyiptơ tŏk hơlôk thoi đak Krong Nil, thoi đak krong tih ro hơlôk hơlak. Êyiptơ khan: Inh gô tŏk lơ̆p đĭ teh đak; ‘Inh gô pơrăm đĭ lu pơlei păng kon pơlei lăm noh.’

Je 9:18

Athei lu sư mă kuăng jah nhơ̆m hmoi kơ bơ̆n, Wă kơ măt lu bơ̆n kư̆m lĕch đak măt ăn kơ kon-ngai lăm măt lu bơ̆n đei đak măt ro.

Êsêkiên 26:17

Lu sư nhơ̆m hmoi kơ ih păng khan kơ ih: Ơ pơlei mă đei ư-ang liơ ih răm đĭ, pơlei lu bơngai mă oei tơ đak dơsĭ, ih păng lu kon pơlei ih oei kơjăp mơdrŏng lăm đak dơsĭ. Ih păng đĭ-đăng bơngai tơ noh pơm kơ đe hli.

Êsêkiên 27:2

“Ơ kon bơngai, nhơ̆m hmoi bĕ kơ pơlei Tirơ.

Êsêkiên 27:32

Kơplah nhơ̆m hmoi 'mêm kơeng lu sư hmoi jô̆ sơ'ngon kơ ih, hmoi thoi âu: Bu đei tơdrong truh thoi pơlei Tirơ, môch hiong biŏng lăm đak dơsĭ?

Êsêkiên 28:12

“Ơ kon bơngai, nhơ̆m hmoi kơ pơtao Tirơ bĕ khan kơ sư: ‘Kră Yang khan thoi âu: Ih bơngai đei tôm tơdrong gơh hơgei, 'lơ̆ng rŏ.

Êsêkiên 29:15

Char Êyiptơ jing iĕ hloh kơ lu char nai, ưh pă gơh tơiung kơdih hloh kơ lu char nai dơ̆ng; Inh gô ăn lu sư iĕ hloh, wă kơ lu sư pă gơh pơgơ̆r lu char nai dơ̆ng.

Êsêkiên 29:3

Pơma khan kơ sư: Kră Yang khan thoi âu: “Ơ Pharaôn, pơtao Êyiptơ, âu Inh blah ih, ih jing sem brem tih kơnê̆ oei 'bĭch lăm đak glung. Ih khan: “Đak krong Nil noh gah Inh, đêl Inh kôch pơm sư.

Êsêkiên 32:16

Âu boih tơdrong nhơ̆m hmoi; lu sư gô hơri pôk. Lu kon drŏ-kăn lăm jơ̆p kơ dêh char gô hơri 'bai nhơ̆m hmoi noh, lu sư gô hơri 'bai hơri nhơ̆m hmoi kơ char Êyiptơ. Păng ăn kơ đĭ-đăng kon pơlei lu sư, Kră Yang khan thoi noh.”

Êsêkiên 32:18

“Ơ, kon bơngai nhơ̆m hmoi bĕ, kơ lu kon pơlei lơlap lăm char Êyiptơ, puh tơlơ̆ bĕ sư hăm đĭ-đăng lu kon drŏ-kăn adrĕch adrung pơang huŏng tơ ala teh sŭng, hơdai hăm lu bơngai jur tơ hơlŭng jrŭ!

Êsêkiên 34:18

Lu iĕm sa 'nhĕt hơdrih 'lơ̆ng, ưh tam mah ôh hă? Na iĕm iŏk jơ̆ng pơjuă lê̆ 'nhĕt mă oei oei noh; iĕm nhă đak hlăng boih na iŏk jơ̆ng jur pơpŭk lê̆ gơsŏk đĭ lu đak mă oei oei noh.

Êsêkiên 38:13

Lu bơngai Sêba păng Đêdan, lu bơngai mơdro đơ̆ng Tarêsi păng đĭ-đăng lu drŏ-nglo nuih kơtang thoi dăm-brang mơlôh sư gô khan kơ ih. ‘Hăm trŏ ih truh wă blah tơgar iŏk tơmam Ih akŭm linh wă blah iŏk tơmam, iŏk hu păng maih, wă blah iŏk sem dơrong mŭk tơmam păng wă tơgar iŏk lơ mŭk drăm hă?”’

Jo 24:9

lu sư drap, drum thoi dăm-brang tơno, kư̆m thoi dăm-brang akăn: Bu pơ̆n râu tơiung lu sư? Pŭn hiôk dêh kơ bơngai bu hơpơi ăn pŭn hiôk kơ ih, Hiap bĕ lu bơngai bu hiap ih.

Mathiơ 7:24

“Bơngai bu mơ̆ng nơ̆r Inh bơtho, na kiơ̆ hloi, bơngai 'noh dang bơngai hơgei pơm hnam kơpal tơmo kŭk.