Êsêkiên 32:12 - Sơ̆p Hlabơar Nơ̆r 'Bok Kei-Dei

¹² Inh ăn kơ kon pơlei ih gô pơ̆k kơ đao lu bơngai nuih pran, lu bơngai mă kơnê̆ lăm dêh char. Lu sư gô blah pơrăm tơdrong pơang char Êyiptơ păng đĭ-đăng kon pơlei sư gô pơrăm đĭ.

Êsêkiên 32:12 ပူးပေါင်းရင်းမြစ်များ

Je 46:12

Đĭ-đăng dêh char nai gô kơtơ̆ng ang lu iĕm đei tơdrong mơlâu. Tơ lăm jơ̆p-jang kơ teh đak gô kơtơ̆ng ang tơdrong lu iĕm ôr krao dŏng; linh âu kơtơih kơ linh nai. Bre sư gô pơ̆k pơđĭ.”

Êsêkiên 28:19

Đĭ-đăng lu bơngai lăm lu adrĕch drung băt kơ ih, gô lăng ih chrơp. Ih gô truh tơ anih tôch krưp tơpă. Ih jing pă đei dơ̆ng tơ̆p ning-mônh.’ ”

Êsêkiên 28:7

Inh gô ăn lu teh đak nai năm blah ih lu kon pơlei mă pran kơtang hloh lăm lu dêh char iung blah ih; lu sư gô iŏk đao blah tơdrong hơgei păng tơdrong 'lơ̆ng rŏ ih, păng pơm 'mê̆ kơ tơdrong ư-ang ih.

Êsêkiên 29:19

Na, Kră Yang khan: Âu, Inh gô pơjao char Êyiptơ ăn kơ Nebukatnessar pơtao Babilôn; sư gô iŏk chĕp ba tơmam noh păng tơgar iŏk lu tơmam nai păng pơjei iŏk teh; noh boih tơmam apah kơ lu linh sư.

Êsêkiên 30:11

Sư hăm lu linh sư jing kơnê̆ dêh hloh kơ lu bơngai nai lu sư, gô truh wă pơrăm teh. Lu sư gô toh đao blah Êyiptơ, teh noh gô 'bĕnh kơ bơngai mă đe pơlôch.

Êsêkiên 31:11

Inh pơjao sư lăm tơpang ti bơngai yŏng pran kơtang lăm dêh char nai wă kơ bơngai noh pơm kơ sư trŏ thoi tơdrong kơnê̆ sư pơm. Inh achăng lê̆ sư boih.

Êsêkiên 31:12

Lu bơngai tơmoi đơ̆ng dêh char pơm kơnê̆ nuih pran kơtang hloh, gô kăl tơpăk lê̆ sư. Lu dơng tơ'bla sư gô huŏng tơ kông hăm tơ lăm lu thŭng; lu dơng sư tơgơ̆ huŏng tơ lăm thong, lu kon pơlei weh ataih pă ngôi yơ̆p păng achăng tŭk lê̆ sư.

Êsêkiên 32:18

“Ơ, kon bơngai nhơ̆m hmoi bĕ, kơ lu kon pơlei lơlap lăm char Êyiptơ, puh tơlơ̆ bĕ sư hăm đĭ-đăng lu kon drŏ-kăn adrĕch adrung pơang huŏng tơ ala teh sŭng, hơdai hăm lu bơngai jur tơ hơlŭng jrŭ!