Êsêkiên 30:9 - Sơ̆p Hlabơar Nơ̆r 'Bok Kei-Dei

⁹ Lăm năr noh, đei lu bơngai lĕch đơ̆ng Inh tŏk duk năm roi tơhli tơdrong krưp kơ lu bơngai Êthiôpi kơplah oei hiôk-hian. Lu sư gô sơ'ngon tơtăm lăm năr răm truh tơ Êyiptơ; yua kơ năr noh jê̆ truh boih!”

Êsêkiên 30:9 ပူးပေါင်းရင်းမြစ်များ

Êsai 19:17

'Bơ̆t ei kơnh teh đak Juđa jing minh tơdrong pơm ăn kơ Êyiptơ hli krưp mưh đe roi kơ Juđa rim 'nu hli ngăl, yua gah tơdrong tơdă Kră Yang Tih Hloh pơkă bơih wă pơm kơ char lu sư.

Êsai 20:3

Kră Yang khan: “Thoi đĭch đam Inh Êsai năm akâu hoh păng yak jơ̆ng hoh lăm pêng sơnăm wă pơm tơdra tơ'bôh wă blah teh đak Êyiptơ păng Kus.

Êsai 20:5

Kơplah noh lu bơngai gơnang kơ teh đak Kus păng hơmĕng kơ teh đak Êyiptơ gô hli păng mơlâu.

Êsai 23:5

Kơplah tơdrong âu kơtơ̆ng truh tơ char Êyiptơ, đe gô ơh dêh yua kơ đei kơtơ̆ng tơdrong đe roi gah pơlei Tir.

Êsai 47:8

“Thoi noh, ơ lu bơngai 'maih hiôk đĕch. Tơchĕng khan ưh pă đei tơdrong anat kiơ đơ̆ng âu tơ anăp, mơ̆ng bĕ âu: Ih khan lăm jơhngơ̆m. ‘Inh âu, adrĕch yŏng mơng ưh pă đei bơngai bu dang inh, inh gô ưh kơ đei layơ sơ'ngon thoi yă adro kư̆m ưh kơ đei nhơ̆m hmoi thoi bơngai hiong kon hơ'lơ̆p.’

Je 49:21

Tơdah kơtơ̆ng lu sư pơchah răm, lăm teh đak pơpơ̆; kơtơ̆ng nơ̆r ôr krao truh tơ Dơsĭ 'Brê.

Je 49:31

Kră Yang khan: “Iung blah bĕ, kon pơlei mă oei hiôk-hian, kon pơlei noh ưh kơ đei 'măng jang, păng kư̆m ưh kơ đei 'long chơkăl păng oei adrô̆.

Êsêkiên 24:14

Inh bơih Kră Yang, đei khan dôm tơdrong noh gô truh, Inh gô pơm. Inh ưh kơ gơ̆t lê̆ ti, ưh kơ hmach, ưh kơ tơplih. Inh gô sek kiơ̆ kơ trong ih năm păng kiơ̆ kơ tơdrong jang ih, Kră Yang khan thoi noh.

Êsêkiên 26:16

Đĭ-đăng lu yŏng lăm dêh char jê̆ đak dơsĭ, gô jur đơ̆ng tang-dŏ lu sư. Plôh ao tai păng hơleh hŭt lu ao reng. Lu sư pŭ iŏk tơdrong hli tơrơ păng oei tơ ala teh tơtơ̆. Lu sư gô hli yua kơ tơdrong truh tơ ih.

Êsêkiên 27:35

Đĭ-đăng kon pơlei oei lăm lu bŏl đak dơsĭ, lăng hlĭch chrêu tơpă yua kơ tơdrong truh kơ ih; pơtao lu sư hli tơrơ dêh muh măt lu sư hơ'brơ̆p hơ'brăp.

Êsêkiên 33:33

Mưh tơdrong 'nâu truh, gô truh tơpă, lu sư gô băt đei minh 'nu 'bok khan lê̆ adrol oei lăm lu sư.”

Êsêkiên 38:11

Ih khan: “Inh gô năm truh tơ tơring pơlei mă ưh kơ đei dur; inh gô blah kon pơlei mă oei arih sa hiôk-hian; đĭ-đăng lu sư oei lăm pơlei mă ưh kơ đei kơđông, ưh kơ đei kơ dur păng ưh kơ đei măng jang.

Êsêkiên 39:6

Inh gô ăn ŭnh soh Magôk, păng lu bơngai mă oei hiôk-hian tơ lu anih đak dơsĭ, na lu sư gô băt Inh boih Kră Yang.

Am 4:2

Kră Yang mă 'lơ̆ng rơgoh sư pơkă pơsĭt boih khan: 'Nâu, lu năr wă truh kơ lu iĕm, đe gô wŏk lê̆ lu iĕm, truh tơ kon pơlei iĕm mă oei klaih đe gô wah iŏk.

Habakuk 2:3

Yua kơ tơdrong tơ'bôh gô 'blep trŏ lăm năr đêl pơkă, gô keh thoi noh, ưh kơ đei pơngiĕl ôh; tơdah sư hiơ̆ 'biơ̆, ih kư̆ gô; yua kơ gô truh tơpă, ưh kơ hiơ̆ ôh.

Jêphania 2:12

“Ơ kon pơlei Êthiôpi, đe gô 'bet lu iĕm hăm đao Inh.”

Jêphania 2:15

To, pơlei chơt hiôk dang ei oei rơnŭk hơnơ̆ng huay pă tơtăm păng khan lăm jơhngơ̆m: “Inh âu, ưh pă đei bu boih 'nguaih kơ inh!” Ô anih lu sư đĭ juơ boih, jing pơm anih 'bĭch kơ lu sem bri, pă băt dang yơ! Thoi noh mưh đei bơngai năm rok trong ei kơđôp ti hiĕk ăr.

I Tes 5:2

Mă iĕm kư̆m băt nhên mơ̆n tơdrong ưh kơ đei bu băt Kră Yang Yêsu wă jur layơ, kư̆m thoi bơ̆n ưh kơ băt kơ bơngai wă tơtông klĕ sư wă truh măng ayơ.

Lu 18:7

Pơđăm 'nu noh sư yak năm truh tơ pơlei Lais, lu sư 'bôh kon pơlei pơla tơ noh oei sa rơnŭk rơnua thoi lu kon pơlei Siđôn, oei hơđơ̆ng hiôk-hian păng oei jơnap lăm teh đak ưh kơ đei tơmam kiơ khăi? Lu sư oei ataih đơ̆ng pơlei Siđôn, kư̆m ưh kơ đei tơdrong kiơ hăm bơngai nai.