Êsêkiên 30:6 - Sơ̆p Hlabơar Nơ̆r 'Bok Kei-Dei

⁶ Kră Yang khan thoi âu: “Lu bơngai mă tơgŭm Êyiptơ gô pơ̆k; jơhngơ̆m pran kơtang mă lu sư ư-ang gô huŏng. Lu sư gô pơ̆k huŏng yua kơ đao tơ noh, iŏk đơ̆ng Mikdôl truh tơ Aswan, Kră Yang khan thoi noh.

Êsêkiên 30:6 ပူးပေါင်းရင်းမြစ်များ

Jop 9:13

Kră Yang 'Bok Kei-Dei ưh kơ đei lê̆ ôh tơdrong Sư hil; Lu bơngai tơgŭm Rahape bon drap ala jơ̆ng Sư.

Êsai 31:3

Lu bơngai Êyiptơ jơ̆ kon bơngai hmă đĕch, ưh kơ trŏ kơ Kră Yang 'Bok Kei-Dei ôh, lu aseh sư jơ̆ sĕch akar đĕch, ưh kơ trŏ kơ yang ôh, mưh Kră Yang yơ̆r ti Sư wă pơm, bơngai tơgŭm đe gô kơtơih, bơngai mă đe tơgŭm gô pơ̆k, 'bar 'nu măr sư gô lôch hiong hơdai.

Êsai 49:12

Lăng to lu sư gô truh đơ̆ng ataih; mơ'nah gô truh đơ̆ng gah yă-nơ̆m, lu mơ'nah gô truh đơ̆ng gah bơmơ̆t păng lu bơngai nai dơ̆ng đơ̆ng dêh char Sinim.a

Je 48:14

Liơ ih pơ̆n pơang khan: ‘Nhôn lu linh nuih păng lu linh pran kơtang lăm anih tơblah?’

Êsêkiên 29:10

lei na 'nâu, Inh blah ih păng lu krong ih, Inh gô pơm kơ char Êyiptơ iŏk đơ̆ng pơlei Mikdôl păng pơlei Aswan truh tơ hơdral Êthiôpi jing juơ tơtŭng.

Êsêkiên 33:28

Inh gô pơm kơ char âu jing juơ tơtŭng pơchah pơchek, tơdrong pơang lu sư gô tôch; kông Isơrael jing juơ pă đei bu oei yak trong noh.

Na 3:9

Char Êthiôpi, char Êyiptơ jing tơdrong pran kơtang sư. Char Phut păng char Libi jing buăl tơgŭm dŏng sư,