Êsêkiên 30:3 - Sơ̆p Hlabơar Nơ̆r 'Bok Kei-Dei

³ Yua kơ năr noh wă jê̆ boih, năr Kră Yang wă jê̆ boih. Năr noh năr măng mu năr noh năr đĭ-đăng lu adrĕch adrung lăm teh.

Êsêkiên 30:3 ပူးပေါင်းရင်းမြစ်များ

Horiso 110:6

Sư sek tơlang kơ đĭ-đăng dêh char, pơm kơ jơ̆p-jang anih đei hơtâu bơngai lôch. Kŭm gô juă bơhlơ̆r lu yŏng mơng jơ̆p lăm teh.

Horiso 37:13

Kră Yang gô hiĕk kơ lu sư, Yua kơ 'bôh khei 'năr wă phak lu sư wă jê̆ boih.b

Le 14:20

Jrăng hơmơ̆l dơ̆ng sơlam khŭl linh bơngai Êyiptơ păng khŭl linh kon pơlei Isơrael, đei hơmơ̆l găn măng mu tơ minh pah âu, na minh pah to hơdah na prăt măng 'bar khŭl ưh kơ đei gơh năm tơ jê̆ băl.

Le 14:24

Đơ̆ng noh lăp măng wă đĭ, Kră Yang đơ̆ng lăm jrăng hơmơ̆l păng jrăng ŭnh, lăng tơ khŭl linh bơngai Êyiptơ, pơm hloi kơ lu sư hli hơwơ̆l hơwang.

Êsai 13:6

Nhơ̆m hmoi bĕ lu iĕm! Yua kơ năr Kră Yang truh jê̆ bơih, tơdrong noh gô truh, thoi tơdrong pơrăm tih đơ̆ng Tơ'ngla Mơsêh Mơyang.

Êsai 13:9

'Nâu năr Kră Yang truh bơih, năr kơnê̆ krưp đei tơdrong hil mĭl kơtang, wă pơrăm teh âu jing juơ păng pơlôch lu bơngai pơm kơnê̆ đơ̆ng lăm noh.

Êsai 19:1

Nơ̆r khan lê̆ adrol gah dêh đe Êyiptơ. Kră Yang jur hăm hơmơ̆l tĕnh truh tơ dêh Êyiptơ, lu rup yang dêh char đe Êyiptơ tơtơ̆ đĭ 'bơ̆t anăp Sư, jơhngơ̆m đe Êyiptơ hiong hach đĭ.

Je 25:31

Đe gô kơtơ̆ng nơ̆r tơjrông tơjrang tơ tôch kơ teh, yua kơ Kră Yang gô sek đĭ kơ adrĕch adrung, Sư wă phak đĭ-đăng kon bơngai, Sư pơjao ăn lu bơngai kơnê̆ lôch kơ đao gưm.’ ” 'Noh Kră Yang khan.

Êsêkiên 13:5

Lu iĕm ưh kơ đei năm tơ anih dur pơlei đe pơrăm pơchah hĕch wă hơmet ăn kơ adrĕch Isơrael, wă kơ oei dơ̆ng kơjăp lăm tơdrong tơblah lăm năr Kră Yang.

Êsêkiên 29:12

Lăm puăn-jĭt sơnăm Inh gô pơm kơ char Êyiptơ jing juơ rơhiăng lăm tŏk-bŏk lu char juơ rơhiăng păng lu pơlei sư pơchah răm tŏk-bŏk lăm pơlei mă pơchah răm Inh gô pơm kơ kon pơlei Êyiptơ tơklah tơklang tơ lăm jơ̆p kơ dêh char.

Êsêkiên 30:18

Tơ pơlei Tahpanhes, kơ'năr đei măng mu kơplah Inh gô pơrăm lê̆ 'long ăt char Êyiptơ; tơ noh jơhngơ̆m pran pơang lu sư gô pơrăm đĭ pă đei. Hơmơ̆l găm gô klơ̆p gom char noh, lu kon pơlei sư gô pơm bơnă.

Êsêkiên 32:7

Kơplah Inh pơlôch ih, Inh pĕng klơ̆p lê̆ plĕnh pơm kơ sơnglŏng măng mu. Inh gô pĕng klơ̆p lê̆ măt 'năr hăm hơmơ̆l păng măt khei kư̆m ưh kơ đei hơdah dơ̆ng.

Êsêkiên 34:12

Thoi bơngai wei triu oei hơdai triu păng jô̆ lăng khŭl triu hiong, Inh kư̆m jô̆ lăng khŭl triu Inh; Inh gô dŏng pơklaih lu sư đơ̆ng rim anih mă lu sư tơklah tơklang lăm năr măng mu gueo.

Êsêkiên 7:10

Âu, năr 'nâu! Sư truh boih. Tơdrong răm truh kơ ih boih, tơdrong pơm kơnê̆ rai krưp thoi 'long bluh pơkao, tơdrong pơang rai tih thoi 'long bluh tơmơ̆ng.

Êsêkiên 7:12

Jơ trŏ boih, 'năr truh boih! Bơngai răt 'nĕ kơ chơt hiôk, bơngai tĕch kư̆m 'nĕ kơ ơh sơ'ngon, yua kơ tơdrong truh kơ đĭ-đăng.

Êsêkiên 7:19

Lu sư hŭt lê̆ hu tơ trong, maih lu sư jing thoi tơmam kơnê̆. Maih, hu ưh kơ gơh pơklaih lu sư kơplah năr Kră Yang hil. Kŭm ưh kơ đei pơm kơ lu sư huay kơ pơngot, kư̆m ưh kơ pơm kơ lu sư phĭ klak, tơmam noh pơm kơ lu sư pơ̆k lăm tơdrong yoch.

Êsêkiên 7:7

Ơ lu kon pơlei oei lăm dêh char âu, tơdrong răm tih truh kơ lu iĕm boih, truh jơ 'năr boih, wă jê̆ năr boih noh năr hli tơrơ, ưh kơ trŏ năr chơt hiôk tơ kơpal kông.

Jôel 1:15

Răm-'băm tơpă yua kơ năr noh! Năr Kră Yang wă phak wă jê̆ boih! Năr noh truh hăm tơdrong pơrăm đơ̆ng Kră Yang Mơsêh Mơyang.

Ob 1:15

Yua kơ năr Kră Yang wă jê̆ truh năr phak đĭ-đăng adrĕch kon bơngai boih năr ei kơnh đe gô pơm kơ ih kư̆m thoi ih đei pơm kơ đe dôm tơdrong jang ih gô tuh kơpal kơ̆l ih kơdih dơ̆ng.

Jêphania 1:14

“Năr kăl tih Kră Yang jê̆ boih, wă jê̆ boih; sư wă truh tĕnh tơpă. Năr Kră Yang đei nơ̆r re jơwa, jơ noh lu bơngai nuih kơtang gô nhơ̆m ôr ơh sơ'ngon dêh.

Jêphania 1:7

Hreh bĕ 'bơ̆t anăp Kră Yang 'Bok Kei-Dei! Yua kơ năr Kră Yang wă jê̆ boih. Kră Yang đei hơmet boih tơmam soi, Sư đei 'măn klah lê̆ pha boih lu bơngai tơmoi mă Sư krao.

Mathiơ 24:33

Na dôm tơdrong Inh roi kơ iĕm noh hei kư̆m lei-lăi. Ning-mônh lăp iĕm 'bôh dôm tơdrong Inh roi kơ iĕm noh, iĕm băt Inh Kon Bơngai wă jê̆ jur boih. 'Noh dang lĕ kiơ̆ 'măng dur boih.

Philip 4:5

Iĕm athei iŏk đon dim thoi lu bơngai gơh găt pơm 'lơ̆ng kơ đĭ-đăng bơngai, yua kơ Kră Yang Yêsu Krist wă jê̆ jur boih.

Ya 5:9

Ơ 'nhŏng oh, iĕm 'nĕ kơ pơma mơmơnh dih băl, hli kơ Kră Yang sek tơlang tơdrong bơ̆n pơma mơmơnh noh Sư hil kơ bơ̆n, yua kơ 'Bok Sek Tơlang ei wă jê̆ jur tơpă, dang lĕ kơ kiơ̆ 'măng dur bơ̆n boih.

Tơdrông Tơ'bôh 6:17

yua kơ truh năr Sư hil kơ nhôn kơtang kơtĭt na bu kĕ sơ̆n.”