Êsêkiên 3:22 - Sơ̆p Hlabơar Nơ̆r 'Bok Kei-Dei

²² Tơ noh ti Kră Yang dan kơpal inh, Kră Yang khan kơ inh: “Iung bĕ năm tơ teh thŭng dơnă Inh gô khan kơ ih tơ noh.”

Êsêkiên 3:22 ပူးပေါင်းရင်းမြစ်များ

Êsêkiên 1:3

Kră Yang khan tơ'bôh kơ Êsêkiên, kon drŏ-nglo 'bok soi Busi, kơplah sư oei lăm char Kalđê jih đak krong Kêbar; tơ noh Kră Yang dan ti kơpal sư.

Êsêkiên 3:14

Yang Bơhngol hơtŏk inh tơ kơpal păng anhăk inh năm, inh năm hăm jơhngơ̆m chhŭr nuih blĕk dêh tơpang ti Kră Yang kơtĭt kơpal inh trăp dêh.

Êsêkiên 37:1

Ti Kră Yang dan kơpal inh; Yang Bơhngol Kră Yang chông ba inh na tơoei inh tŏk-bŏk thŭng dơnă 'bĕnh kơ kơting.

Êsêkiên 40:1

Lăm sơnăm mă 'bar-jĭt pơđăm đơ̆ng rŏng kơ lu nhôn pơm bơnă, sơnăm blŭng-a, năr mơjĭt lăm khei, noh trŏ mơjĭt-puăn sơnăm đơ̆ng rŏng kơ pơlei Jêrusalem đe blah iŏk, Lăm năr noh ti Kră Yang chro kơpal inh păng Kră Yang chông ba inh năm tơ noh.

Êsêkiên 8:4

Păng inh 'bôh tơdrong rang mơnhal Kră Yang 'Bok Kei-Dei Isơrael tơ noh thoi inh đei 'bôh tơ anih thŭng dơnă.

Jang 9:6

Na dang ei ih iung bĕ năm mơ̆t tơ Pơlei Đamas. Tơ noh đe gô khan kơ ih Inh wă ăn kơ ih jang tơdrong kiơ kơnh.”