Êsêkiên 3:21 - Sơ̆p Hlabơar Nơ̆r 'Bok Kei-Dei

²¹ Mă-lei tơdah ih đei khan tơbăt kơ bơngai tơpăt bơih, 'nĕ pă pơm yoch, sư ưh pă pơm yoch, na gô arih, yua kơtơ̆ng nơ̆r ih khă, lei ih gơh klaih huay kơ jô̆.”

Êsêkiên 3:21 ပူးပေါင်းရင်းမြစ်များ

Horiso 19:11

Đơ̆ng tơdrong noh bơtho ăn kơ đĭch đam Kră Yang hlôh wao; Bu bơwei, sư đei apah tih tơpă.

Tơdrông Pơđơk 17:10

Nơ̆r chrih mơ̆t jrŭ lăm jơhngơ̆m bơngai hơgei. Đei hloh kơ minh-hrĕng wơ̆t teh lu bơngai kơwao.

Tơdrông Pơđơk 9:9

Bơtho pơhrăm bĕ bơngai gơh hơgei, na sư gô gơh hơgei hloh. Pơhrăm bơngai tơpăt, na sư rai tơpăt hloh. Bơtho bơngai tơpăt, na sư gô rai thim hơgei.

Êsêkiên 33:9

Tơdah ih đei khă lu bơngai pơm yoch wă kơ sư achăng lê̆ trong sư, mă-lei sư ưh kơ lê̆ trong kơnê̆ sư, na sư lôch yua kơ tơdrong yoch sư, lei ih arih huay kơ pŭ yoch ôh.

Jang 20:31

Na iĕm athei kơchăng. Iĕm 'nĕ kơ hiơt kơplah măng năr inh bơtho iĕm lăm pêng sơnăm sơ̆. Inh kư̆m nhơ̆m hmoi ơh yua kơ iĕm, hli kơ iĕm lui ưh kơjăp.

I Kor 10:12

Thoi noh boih na bơngai bu ngêh kơ tơ'ngla sư lui kơjăp, bơngai 'noh athei kơchăng hli kơ sư jing rơdu pơm yoch.

I Kor 4:14

Inh chih kơ iĕm thoi noh ưh kơ sĭ inh wă kơ iĕm mơlâu ôh. Inh wă bơtho iĕm yua kơ iĕm dang kon inh mă 'mêm kơeng.

Kôlôsê 1:28

Tơdrong 'Bok noh boih nhôn bơtho dang ei, 'Bok noh boih mă nhôn gơnang kơ 'Bok Kei-Dei, wă kơ 'Bok Kei-Dei ăn kơ nhôn hơgei tôm tơdrong Sư na gơh năm bơtho khan kơ jơ̆p-jang bơngai. Yua kơ tơdrong 'Bok noh boih na nhôn pơjao kon bơngai kơ 'Bok Kei-Dei wă kơ kon bơngai wih đĭ tơ 'Bok Kei-Dei jing bơngai 'lơ̆ng tơpăt hăm Sư boih, pôm đon hăm Yêsu Krist.

I Tes 5:14

Ơ 'nhŏng oh, nhôn pơkă kơ iĕm thoi âu: Iĕm athei bơtho bơngai alah wă kơ sư pơnam. Iĕm athei pơma dơnuh kơ bơngai sơ'ngon wă kơ sư hiơt kơ tơdrong sơ'ngon huay pă ơh klai dơ̆ng. Bơtho lu bơngai lui rơdu wă kơ sư lui kơjăp. Đe hơwĕng hil areh kơ iĕm, iĕm athei lê̆ đĕch.

I Tim 4:16

Ih athei kơchăng gah akâu ih kơdih păng gah tơdrong ih bơtho mơ̆n. Ih kư̆ kơ adrin pơm khŏm khŏm kiơ̆ thoi inh pơkă na ih gô klaih đơ̆ng tơdrong yoch păng lu bơngai mơ̆ng ih kư̆m klaih mơ̆n.

Tit 2:15

Dôm tơdrong inh bơtho ih âu ih bơtho ăn kơ đe dơ̆ng hŏ. Păng ih pơlung lu sư lui mă kơjăp. Ih khă lu sư 'nĕ pă pơm yoch. Ih tơbăt ăn kơ lu sư dôm tơdrong ih bơtho đơ̆ng nơ̆r 'Bok Kei-Dei, na ih athei đĭ-đăng kơ lu sư pơm kiơ̆ tơdrong ih bơtho noh.

Ya 5:20

bơngai noh 'lơ̆ng tơpă băt 'mêm kơ bôl sư jrok trong pơlung bôl sư wih lui dơ̆ng kơ 'Bok Kei-Dei. Na 'Bok Kei-Dei gô pơklaih bôl sư mă jrok trong noh đơ̆ng tơdrong lôch pơmat huay kơ jô̆ yo dôm tơdrong sư pơm yoch.

Tơdrông Tơ'bôh 3:19

‘Dôm lu bơngai mă Inh 'mêm, Inh bơtho khan kơ lu sư hăm tơdrong gleh truh, pơm kơ lu sư dang Inh tôn dang Inh teh wă kơ lu sư jah tơbral na jing chu. Na dang ei iĕm athei tơbral kơdih tơdrong yoch păng adrin jang tơdrong Inh mă tơpă.