Êsêkiên 3:18 - Sơ̆p Hlabơar Nơ̆r 'Bok Kei-Dei

¹⁸ Layơ mă Inh khan kơ bơngai pơm kơnê̆! ‘Sĭt ih gô lôch,’ mă-lei ih ưh kơ khan tơbăt kơ sư păng ưh kơ pơma khă sư athei hŭt lê̆ tơdrong kơnê̆ wă kơ sư gơh arih, bơngai pơm kơnê̆ noh gô lôch lăm tơdrong yoch sư. Mă-lei Inh gô tơpŭ pham sư lăm tơpang ti ih.

Êsêkiên 3:18 ပူးပေါင်းရင်းမြစ်များ

Bl 2:17

Mă-lei gah tơnơm 'long băt tơdrong 'lơ̆ng păng tơdrong kơnê̆, ih 'nĕ kơ sa hŏ; dah ih sa sĭt ih gô lôch.”

Bl 42:22

Rubên tơl; Hăm trŏ kơ inh khan kơ lu đe oh khan: 'Nĕ kơ pơm yoch kơ bơngai 'lơ̆p noh? Mă-lei lu iĕm ưh kơ mơ̆ng, 'nâu dang tơiung pham sư tuh kơ lu bơ̆n.

II Sam 4:11

Pơma kơ kiơ kơ lu bơngai pơm kơnê̆ pơlôch bơngai 'lơ̆ng oei 'bĭch tep kơpal giơng lăm hnam sư kơdih! Inh wă apinh pham bơngai noh đơ̆ng ti măr iĕm păng inh gô pơlôch măr iĕm dang ei đơ̆ng teh âu.”

II Pot 1:4

Yua kơ thoi noh, na Kră Yang 'Bok Kei-Dei khan: ‘Ih ưh kơ đei iung đơ̆ng giơng ih 'bĭch noh ôh sĭt ih gô lôch.’ ” Thoi noh 'bok Êli yak năm hloi.

Tơdrông Pơđơk 14:32

Bơngai kơnê̆ gô răm lăm tơdrong yoch sư pơm. Mă khan oei lăm anih lôch bơngai tơpăt đei anih gơnang.

Êsai 3:11

Răm-'băm dêh kơ lu bơngai pơm kơnê̆, sư gô đei tơdrong pơmat-tat! Lu sư gô pŭ iŏk đêl ti lu sư pơm!

Êsêkiên 18:13

ăn tŏk iŏk sa lơi adrol păng iŏk lơi lơ, kon sư noh hăm gơh arih ưh? Sư ưh kơ đei arih ôh! Yua kơ sư hlôi pơm yoch dôm tơdrong kơnê̆, tơpă sư gô lôch păng pham sư gô tuh kơ kơ̆l sư.

Êsêkiên 18:20

Bơngai bu pơm yoch bơngai noh kơdih sư gô lôch, kon sư ưh kơ đei pŭ tơdrong yoch 'bă sư păng 'bă sư kư̆m ưh kơ đei pŭ tơdrong yoch kơnê̆ kon sư. Tơdrong tơpăt lu bơngai 'lơ̆ng tơpăt gô 'măn kơ lu bơngai tơpăt, tơdrong kơnê̆ lu bơngai pơm kơnê̆ gô tơpŭ tơ lu bơngai pơm kơnê̆ noh.

Êsêkiên 18:4

Yua kơ đĭ-đăng tơdrong arih lăm Inh, tơdrong arih 'bă kư̆m thoi tơdrong arih kon oei lăm Inh ngăl na Bơngai bu pơm yoch gô lôch.

Êsêkiên 3:20

Tơpă, dah minh 'nu bơngai tơpăt lê̆ tơdrong tơpăt sư na pơm yoch, Inh gô ăn đei tơdrong pơgăn 'bơ̆t anăp sư păng sư gô lôch yua kơ pơm yoch, mă-lei yua kơ ih ưh kơ khan khă bơngai noh, thoi noh sư gô lôch lăm tơdrong yoch sư, Inh ưh pă 'blŏk dôm tơdrong tơpăt mă sư đei pơm, mă-lei pham sư oei jô̆ lăm ti ih.

Êsêkiên 33:12

Gah ih, ơ kon bơngai, khan bĕ kơ pơlei pơla ih, Tơdrong tơpăt lu bơngai tơpăt ưh kơ gơh pơklaih sư ôh lăm năr sư pơm yoch; tơdrong kơnê̆ lu bơngai pơm yoch ưh kơ gơh tơpơ̆k sư lăm năr sư weh achăng đơ̆ng tơdrong yoch sư. Bơngai tơpăt ưh kơ đei arih yua đơ̆ng tơdrong tơpăt sư lăm năr sư pơm yoch,

Êsêkiên 33:6

Tơdah bơngai gak 'bôh đao hơlă truh blah mă ưh kơ hlôm keng, kon pơlei ưh kơ băt kơchăng, na đao hơlă noh blah đei minh 'nu bơngai lôch yua kơ tơdrong yoch sư kơdih, mă-lei Inh gô tơpŭ pham noh tơ tơpang ti bơngai gak.

Êsêkiên 34:10

Kră Yang khan thoi âu: Inh wă blah lu bơngai wei triu. Inh gô dui iŏk triu Inh đơ̆ng ti lu sư; Inh ưh pă ăn kơ lu sư wei triu Inh dơ̆ng păng lu sư ưh pă gơh 'me rong kơdih dơ̆ng; Inh dŏng iŏk triu Inh đơ̆ng lăm 'bơ̆r lu sư, wă kơ triu Inh ưh pă pơm tơmam sa kơ lu sư dơ̆ng.

Jo 26:65

Yua kơ Kră Yang đei khan boih gah lu bơngai noh thoi âu: Lu sư gô lôch lăm char glă ưh kơ đei bu oei arih, lăp bre Kalep kon drŏ-nglo Jêphunê păng Jôsuê kon drŏ-nglo Nun đĕch oei arih.

Luka 13:3

Ưh kơ trŏ ôh. Mă-lei dah lu iĕm ưh kơ tơbral kơdih tơdrong yoch, lei đĭ-đăng kơ lu iĕm kư̆m lôch lei-lăi thoi lu sư mơ̆n ning-mônh.

Luka 13:5

Ưh kơ trŏ ôh. Mă-lei dah lu iĕm ưh kơ tơbral kơdih tơdrong yoch, lei đĭ-đăng kơ lu iĕm kư̆m lôch lei-lăi thoi lu sư mơ̆n ning-mônh.”

Yo 8:21

Yêsu bơtho dơ̆ng lu sư thoi âu: “Inh gô jăk tơ nai, na iĕm gô chă Inh mă-lei ưh kơ 'bôh. Păng iĕm gô lôch yua kơ tơdrong yoch iĕm. Iĕm ưh kơ gơh truh tơ anih Inh ôh.”

Yo 8:24

Kơlih kơ thoi noh na Inh khan kơ iĕm boih, iĕm gô lôch yua kơ tơdrong yoch iĕm. Dah iĕm ưh kơ lui kơ Inh đơ̆ng plĕnh ti iĕm gô lôch yua kơ tơdrong yoch iĕm tơpă.”

Jang 2:40

Pêtrôs bơtho lơ tơdrong dơ̆ng hăm pơlung lu sư thoi âu: “Lu iĕm athei weh đơ̆ng adrĕch adrung bơngai pơm kơnê̆ 'nâu.”

Jang 3:19

Dang ei iĕm athei tơbral, wih tơ 'Bok Kei-Dei dơ̆ng, na 'Bok Kei-Dei gô pơklaih yoch iĕm păng ăn kơ iĕm hiôk chơt;

I Tim 4:16

Ih athei kơchăng gah akâu ih kơdih păng gah tơdrong ih bơtho mơ̆n. Ih kư̆ kơ adrin pơm khŏm khŏm kiơ̆ thoi inh pơkă na ih gô klaih đơ̆ng tơdrong yoch păng lu bơngai mơ̆ng ih kư̆m klaih mơ̆n.

I Tim 5:22

Ih 'nĕ kơ hăt hot pel kơ̆l krao khan kơ đe wă ăn kơ đe wei-lăng bơngai lui. Ih athei gô pơlong lăng sư đunh 'mơ̆i. Dah ih hơloh pel kơ̆l krao khan kơ sư, na sư ưh tam tơchĕng đon hơdrol noh, hli kơ sư pơm yoch ning-mônh, dang lĕ ih athei sư pơm yoch. Ih athei pơm 'lơ̆ng tơpăt ling-lang.

I Sam 8:9

Na dang ei, ih athei mơ̆ng nơ̆r lu sư, mă-lei ih 'nĕ hiơt pơma mă trŏ mă 'lơ̆ng păng tơbăt kơ lu sư băt kơ pơtao mă wă pơgơ̆r lu sư noh gô liơ kơnh.