Êsêkiên 3:14 - Sơ̆p Hlabơar Nơ̆r 'Bok Kei-Dei

¹⁴ Yang Bơhngol hơtŏk inh tơ kơpal păng anhăk inh năm, inh năm hăm jơhngơ̆m chhŭr nuih blĕk dêh tơpang ti Kră Yang kơtĭt kơpal inh trăp dêh.

Êsêkiên 3:14 ပူးပေါင်းရင်းမြစ်များ

I Pot 18:12

Inh ưh kơ băt mưh inh weh đơ̆ng ih, kơnh Yang Bơhngol Kră Yang gô pôk hiŏng tơweh ih tơ nai, Mưh inh năm roi kơ Ahap, athei năm tơ âu na ưh kơ 'bôh ih tơ anih 'nâu lei sư gô pơlôch inh, mă khan inh đam ih, hli yom kơ Kră Yang đơ̆ng inh oei 'lơ̆p ră.

I Pot 18:46

Ti Kră Yang chro pel akâu Êli. Sư iŏk tơlei tơ̆n, tơ̆n tơ kơiĕng păng sư kơdâu adrol kơ Ahap, truh tơ 'măng wă mơ̆t Pơlei Jêsreel.

II Pot 2:16

Păng khan kơ Êlisê: “Ơ 'bok thây, lăm lu đĭch đam ih âu đei pơđăm-jĭt 'nu bơngai nuih, apinh ih ăn lu sư năm chă yŏng tơ'ngla ih; băt jơ̆ Yang Bơhngol 'lơ̆ng Kră Yang anhăk ba sư klơ̆m hơtat lê̆ kơpal kông, dah klơ̆m hơtat lê̆ tơ thong ayơ bơih rŏ lăng?” Êlisê tơl: “'Nĕ kơ wơh lu sư năm.”

II Pot 3:15

Mă-lei dang ei, ba kơ inh minh 'nu bơngai gơh reh brŏ dung bĕ:” Kơplah bơngai ei oei reh brŏ dung na tơdrong mơsêh Kră Yang jur oei hơdai hăm Êlisê.

Êsai 8:11

Kră Yang yua ti pran kơtang Sư pơma hăm inh păng bơtho tơbăt khan kơ inh 'nĕ rok kiơ̆ trong lu kon pơlei 'nâu.

Je 6:11

Gah inh, Kră Yang hil 'bĕnh kơ inh, inh ưh kơ kĕ kơ dơ̆ng ôh. “Tuh bĕ tơdrong noh tơ lu bơngai hơ'lơ̆p tơ rok trong pơlei, Tơ lu bơngai tơdăm oei akŭm băl; tơ klo hăm akăn, tơ lu kră păng lu kră jơnei.

Êsêkiên 1:3

Kră Yang khan tơ'bôh kơ Êsêkiên, kon drŏ-nglo 'bok soi Busi, kơplah sư oei lăm char Kalđê jih đak krong Kêbar; tơ noh Kră Yang dan ti kơpal sư.

Êsêkiên 11:1

Yang Bơhngol hơtŏk inh tơ kơpal păng 'nhăk ba inh tơ 'măng jang hnam Kră Yang gah hơlĕch. 'Bơ̆t trong mơ̆t tơ 'măng jang noh đei 'bar-jĭt pơđăm 'nu drŏ-nglo; lăm lu sư inh 'bôh Jaasania kon drŏ-nglo Asur, păng Phêlatia kon drŏ-nglo Bênaia, kră pơgơ̆r kon pơlei.

Êsêkiên 3:12

Na Yang Bơhngol hơtŏk inh tơ kơpal păng inh kơtơ̆ng re jơwa tih tơ rŏng inh. Kơkuh bơnê ư-ang kơ Kră Yang lăm anih Sư oei.

Êsêkiên 37:1

Ti Kră Yang dan kơpal inh; Yang Bơhngol Kră Yang chông ba inh na tơoei inh tŏk-bŏk thŭng dơnă 'bĕnh kơ kơting.

Êsêkiên 40:1

Lăm sơnăm mă 'bar-jĭt pơđăm đơ̆ng rŏng kơ lu nhôn pơm bơnă, sơnăm blŭng-a, năr mơjĭt lăm khei, noh trŏ mơjĭt-puăn sơnăm đơ̆ng rŏng kơ pơlei Jêrusalem đe blah iŏk, Lăm năr noh ti Kră Yang chro kơpal inh păng Kră Yang chông ba inh năm tơ noh.

Êsêkiên 43:5

Yang bơhngol hơtŏk inh păng chông ba inh mơ̆t tơ cham gah lăm; to tơdrong rang mơnhal Kră Yang 'Bok Kei-Dei 'bĕnh-'bang kơ hnam akŭm.

Êsêkiên 8:1

Lăm sơnăm tăl mă tơdrâu, năr pơđăm khei tơdrâu, kơplah inh oei hơ-oei lăm hnam, lu kră pơlei Juđa, oei 'bơ̆t anăp inh, tơpang ti Kră Yang tih hloh tơ'bôh kơ inh.

Êsêkiên 8:3

Sư yơ̆r kiơ noh thoi tơpang ti, rôp sŏk tơ kơpal kơ̆l inh. Yang Bơhngol pôk hơtŏk inh tŏk-bŏk teh hăm plĕnh, păng lăm tơdrong Kră Yang 'Bok Kei-Dei tơ'bôh sư ba inh mơ̆t tơ pơlei Jêrusalem tơ trong 'măng jang gah yă-nơ̆m kơ cham gah lăm, anih mă đe dan rup yang areh wă khan rup yang mă pơm kơ 'Bok Kei-Dei areh.

Yo 4:1

Kră Yang Yêsu băt kơ lu bơngai Pharisi kơtơ̆ng ang đei lơ bơngai kiơ̆ Sư păng iŏk 'batem hloh loi kơ bơngai kiơ̆ Yôhan.

Yo 4:3

Yêsu băt kơ lu bơngai Pharisi kơtơ̆ng ang thoi noh boih na Sư đơ̆ng dêh Juđê brŏk tơ dêh Galilê.

Yo 4:9

Na duch Samari ei khan kơ Sư: “Liơ Ih bơngai Juđê apinh inh drŏ-kăn Samari athei inh asong Ih đak nhă? Sư pơma thoi noh yua kơ lu bơngai Juđê kơ̆m kơ pơma dơnuh hăm bơngai Samari.”

Jang 8:39

Philip pơm kơ sư 'batem đang boih, bre sư tŏk tơ kông. Na Yang Bơhngol 'Lơ̆ng hiŏng anhăk Philip tơ nai, na 'bok tih ei ưh kơ 'bôh sư tơ yơ dơ̆ng. Mă-lei 'bok ei kư̆ kơ brŏk tơ pơlei sư. Jơhngơ̆m sư chơt hiôk tơpă.

Tơdrông Tơ'bôh 10:10

Thoi noh na inh iŏk hla bơar iĕ noh đơ̆ng ti linh jang, na luŏn sa hloi. Lăm 'bơ̆r inh, inh mơn kơ 'ngam thoi đak sut; mưh inh luŏn hlôi boih, lăm klak inh, inh mơn kơ tăng.